ÄLEUMETKE KEŊES BERDI
Saryarqa audanynyŋ prokuraturasy «Nūr Otan» partiiasymen bırlesıp, aşyq esık künın ötkızdı. Oǧan 50-ge juyq elorda tūrǧyndary qatysyp, özderın tolǧandyryp jürgen sūraqtarǧa jauap aldy.
«Nūr Otan» halyqtyq demokratiialyq partiiasy Ortalyq apparatynyŋ qoǧamdyq qabyldau bölmesınıŋ meŋgeruşısı Jūmajan Jükenovtıŋ aituynşa, şara barysynda qoiylǧan halyqtyŋ ärbır sūraǧy nazardan tys qalmaidy. Mäselen, 2016 jyly qoǧamdyq qabyldau bölmesıne 220 myŋnan astam adam habarlasqan. Al biylǧy jyldyŋ alǧaşqy ekı aiynda 24 myŋnan astam halyq qabyldau bölmesıne jazylǧan.
– «Nūr Otan» partiiasynyŋ töraǧasy Nūrsūltan Nazarbaev bolǧandyqtan, halyqtyŋ mūŋ-mūqtajyn tyŋdap, ony şeşude qyruar jūmys jasalyp jatyr. Elbasynyŋ tapsyrmasy boiynşa qoǧamdyq qabyldau ūiymdastyrylyp, kestege säikes ärtürlı salanyŋ basşylary halyqtyŋ sūraqtaryna jauap berude. Bügıngı aşyq esık künıne Saryarqa audandyq prokuraturasy qatysyp, tūrǧyndardyŋ mäselesın şeşuge tyrysady, – deidı Jūmajan Jükenov.
Al Saryarqa audanynyŋ prokurory Erkebolat Serıkbaevtyŋ aituynşa, aşyq esık künı ekı jaqqa da tiımdı boldy. Öitkenı 18 memlekettık organdardyŋ ökılderı jinalyp, bır mezgılde 50-ge juyq azamattarǧa keŋes berdı.
Serık QŪDAIBERGENŪLY