Elorda äkımı Altai Kölgınov qabyldauǧa jazylǧan azamattarmen kezdestı. Erekşe qajettılıkterı bar balalardy oŋaltu, eldı mekenderdı damytu, tūrǧyn üi baǧdarlamalaryna qatysu mäselelerı köterıldı. Sondai-aq tūrǧyn üi-kommunaldyq şaruaşylyǧy, medisinalyq kömek alu boiynşa sūraqtar qoiyldy.
İlinka tūrǧyny A.Dosmaǧambetova köşelerdı jaryqtandyru jūmystarynyŋ tyŋǧylyqty oryndalmaǧandyǧyn aitty. «Joldy älı künge deiın asfalttaǧan joq, merdıger ūiym jūmys aiaqtalatyn merzımdı atamai, uaqytty jyljyta beredı» dep atap öttı. Jol qūrylysymen «Qūlager» JŞS ūiymy ainalysatyn. Qala basşysy Altai Kölgınov audan äkımıne osy jaitty baqylauǧa aludy tapsyrdy.
Qabyldauda erekşe qajettılıkterı bar balalardy tärbielep otyrǧan otbasylardyŋ müddesın qorǧaityn bastamaşyl top ökılderı de boldy. Aita keteiık, būdan būrynǧy kezdesulerde olarǧa oŋaltu kömegın jaqsartu boiynşa 70-ke juyq mäsele talqylanǧan edı. Ol sūraqtardyŋ köpşılıgı şeşıldı, qalǧandary boiynşa jūmys jürgızılıp jatyr.
Qalada erekşe qajettılıkterı bar azamattar üşın 2 oŋaltu ortalyǧy, ippodrom bazasynda ippoterapiiamen ainalysuǧa arnalǧan jabyq manej salynady. Jaŋa tūrǧyn üi keşenderınıŋ bırınşı qabattarynda emhana, balabaqşa, oŋaltu ortalyqtary, polisiia punktı siiaqty äleumettık nysandar aşylady. Jyl basynan berı invataksi sany 22 maşinadan 46-ǧa deiın – ekı ese artty. Bes jarym ai ışınde elorda äkımı Altai Kölgınov qabyldauǧa jazylǧan 650 tūrǧynmen kezdestı. Sondai-aq azamattardy qabyldau audandyq äkımdıkterde jäne «Janūia» otbasy institutyn qoldau ortalyǧynda ötıp jatyr. 11,4 myŋnan asa adamǧa keŋes berıldı, 3,5 myŋnan asa mäsele şeşımın tapty.
