Biyl köpbalaly otbasylardan şyqqan, jetım, ata-ana qamqorlyǧynsyz qalǧan balalardyŋ, balalar üiınen tülep ūşqan azamattardyŋ joǧary oqu oryndarynda oquyna bölınetın qarjy köbeidı.
«Būryn būǧan künkörıs deŋgeiınıŋ üş eŋ tömengı şegı qarastyrylsa, qazır törtke deiın köbeidı. Soǧan säikes, joǧary bılım aluǧa niettı osyndai balalardyŋ sanyn köbeitudı josparlap otyrmyz. Bügıngı künde qūjattardy qabyldap jatyrmyz. Olardy mektepterdıŋ 44 tülegı tapsyryp ülgerdı. Sonyŋ ışınde bır ümıtker – bala kezınen mügedek, 43 tülek köpbalaly otbasylardan şyqqan. Kelıp tüsken materialdardy tiıstı komissiia 25 tamyzǧa deiın qaraidy» dedı S. Nūrǧojina.
Osy jyly atauly äleumettık kömektı taǧaiyndau formaty özgergenın aitqan ol tiıstı kömek 5669 otbasyna berılgenın jetkızdı. Onyŋ aituynşa, ötken jyldyŋ säikes kezeŋınde būl kömektı
994 otbasy ǧana alǧan. Sondai-aq üide oqityn mümkındıgı şekteulı balalarǧa körsetıletın kömek köbeiıp, 25250 teŋgege jettı. Iаǧni, būryn 6 AEK bolsa, qazır 10 AEK boldy. Būǧan qosa, köpbalaly otbasylar qatty otynmen qamtylatyndardyŋ sanatyna qosyldy. Oǧan bölınetın qarjy da 8 AEK-ten 16 AEK-ke köbeidı. Aqşaǧa şaqqanda būl-40400 teŋge.
«Köpbalaly jäne mügedek bala tärbielep otyrǧan otbasylarǧa bır million teŋgege deiıngı qarjyny qūraityn tūrǧyn üi sertifikattaryn berudı josparlap otyrmyz. Oǧan jüzege asyryluy bastalǧan «Baqytty otbasy» baǧdarlamasyna qūjattardy tapsyrǧan otbasylar qatysa alady. Qazır atauly äleumettık kömek alatyn köpbalaly analarǧa tegın stomatologiialyq qyzmet körsetuge konkurs jürıp jatyr» dedı basqarma basşysy.
Eŋbek, äleumettık qorǧau jäne köşı-qon komitetınıŋ Nūr-Sūltan qalasy boiynşa departamentı mälımetınşe, qazırgı kezde elordada 25719 mümkındıgı şekteulı azamat tūrady. Sonyŋ 5316-y – erekşe qajettılıgı bar balalar. 9 myŋ mügedekke sauyqtyru qyzmetı körsetıldı. Mügedekter arbasymen qamtu siiaqty jūmystar da jürgızılıp jatyr. İnvataksi sany da 23-ten 30 kölıkke köbeitıldı. Jyl saiyn osy qyzmet 3 myŋnan astam adamǧa, sonyŋ ışınde bır myŋnan asa balaǧa körsetıledı.
Täulık boiǧy jäne kündızgı arnaiy äleumettık kömek qyzmetın aluşylardyŋ sany da 2015 jylmen salystyrǧanda 17,6 paiyzǧa, sonyŋ ışınde ükımettık emes sektorda 25 paiyzǧa östı. Atalmyş qyzmettı 1300 adam körsetedı. «Şarapat», «Nūrly jürek», «Qamqor» äleumettık qyzmet körsetu ortalyqtary, qala äkımdıgınıŋ äleumettık qyzmet körsetu ortalyǧy adamǧa tuǧanynan qartaiǧanşa qyzmet körsetedı. Keiıngı ortalyq aşylǧannan onyŋ qyzmetıne jügınetın adamdar sany 560-tan 1196 adamǧa, iaǧni ekı eseden astamǧa köbeidı.
«Qabyldanǧan qyzmet körsetu modelı öz nätijesın berıp kele jatyr. Materialdyq-tehnikalyq baza jaqsaryp, äleumettık qyzmetkerlerdıŋ bılıktılıgı artty. Sonyŋ jarqyn mysaly – sal auruyna şaldyqqan 24 bala aiaqqa tūryp, alǧaşqy qadamdaryn jasady. Būdan būryn būl mümkın emes edı» degen S. Nūrǧojina äleumettık qyzmet körsetu ortalyqtarynyŋ jaǧdaiy men olarda jasalyp jatqan ısterden habar berdı.
Onyŋ aituynşa, Nūr-Sūltan qalasy halyqty jūmyspen qamtu jaǧynan elde köş basynda keledı. Memlekettık salalyq baǧdarlamalardy jüzege asyru aiasynda jäne jeke bastamalar arqasynda 1111 jaŋa tūraqty jūmys orny qūryldy. Sonyŋ ışınde, şaǧyn biznes salasynda 10981 oryn aşyldy. Osy salada jyldyŋ aiaǧyna deiın 19800 jūmys ornyn qūru josparlanyp otyr.
