Elorda äkımı Altai Kölgınov äleumettık qyzmetkerlerdı käsıbi merekesımen qūttyqtady. Öz sözınde olardyŋ erekşe qajettılıgı bar jandarǧa, egde jastaǧy tūrǧyndarǧa, äleumettık az qamtylǧan adamdarǧa jäne qamqorlyq pen meiırımdılıkke mūqtaj adamdarǧa kömektesetının atap öttı.
«Äleumettık qyzmetkerlerdı käsıbi merekesımen qūttyqtaimyn! Memleket basşysy äleumettık salaǧa erekşe köŋıl böledı. Täuelsızdık jyldary äleumettık memlekettıŋ berık ırgetasy qalandy. Öz tarapymyzdan būl baǧytqa qoldau şaralaryn odan ärı keŋeitudı jalǧastyramyz: oŋaltu ortalyqtarynyŋ sanyn ūlǧaitu, äleumettık ortalyqtardyŋ materialdyq-tehnikalyq bazasyn jaqsartu, jūmys oryndaryn qūru jäne taǧy basqalar. Mysaly, kelesı jyly taǧy bır oŋaltu ortalyǧynyŋ qūrylysyn josparlap otyrmyz. Būl erekşe qajettılıgı bar jandardy oŋaltumen qamtudy ūlǧaituǧa mümkındık beredı» dedı qala basşysy.
Äkım Memleket basşysynyŋ tapsyrmasy boiynşa biyl äleumettık sala qyzmetkerlerınıŋ jalaqysy 50 paiyzǧa deiın öskenıne toqtaldy. «Endı 2022 jyldan bastap 25 paiyzǧa, 2023 jyldan bastap taǧy 25 paiyzǧa ūlǧaitu josparlanyp otyr. Äleumettık qyzmetkerlerdıŋ eŋbegı öte maŋyzdy. Olar qala tūrǧyndaryna kömektesıp qana qoimai, taǧdyry qiyn jandardyŋ mūŋyn tyŋdap, barynşa qoldau körsetedı. Äleumettık sala qyzmetkerlerıne qajyrly eŋbegı üşın alǧys aitamyn! Zor densaulyq, otbasylaryŋyzǧa amandyq pen tabys tıleimın!» dep tüiındedı qūttyqtauyn Altai Kölgınov.
