ÄLEUMETTIK QYZMETKER. OL KIM?
«Bazardan qaityp kele jatqan» ata-anany, auru bolyp tuǧan balany, tıptı, pana ızdegen jūrtty syrtqa teppegen qazaq üşın qyzmettıŋ būl türı alǧaşqyda taŋsyq bolǧany ras. Auyr bolsa da moiyndauymyz kerek, bügınde mūndai qyzmetkerlerdıŋ kömegıne elımızde myŋdaǧan mügedekter, zeinetkerler, jalǧyzılıktı qarttar zäru bolyp otyr. Endeşe, olar kımder? Atqaratyn qyzmetterı qandai?
Eŋ aldymen äleumettık qyzmetker äleumettık qiynşylyqqa tap bolǧan adamdardan äleumettık top qūrau kerek. Sonymen qatar, äleumettık qorǧaudy jäne äleumettık topty qajet etetın adamdardy anyqtauy tiıs. Mūqtaj adamdardy olarǧa qajettı jäne paidaly qyzmet körsetetın ortalyqtarǧa baǧyttap, top adamdarynyŋ ortasynda deldal boluy tiıs. Ol äleumettık kömektı qajet etetın adamdardyŋ qūqyǧyn qorǧaityn «qorǧauşy» rölınde de bola alady. Būl qorǧanys, mümkındıgı şekteulı jäne qart adamdardy mazalap kelgen sūraqtarǧa jauap alu, şeşım tabu, qyzmet körsetu sapasyn arttyru küresınde aiqyndaluy mümkın. Sonymen qatar, äleumettık qyzmetker belgılı bır aqparatpen, bılımımen bölısu arqyly «ūstaz» rölın de atqara alady.
Äleumettık qyzmetker jūmysy būnymen şektelmeidı. Osynyŋ özınen äleumettık qyzmetker bolu qanşalyqty qiyn ekenın baiqauǧa bolady. Mümkındıgı şekteulı balalarmen jalǧyzbasty qarttarǧa memleketımız qamqorlyq körsetu maqsatynda byltyrǧy säuırde Astana qalasy äkımdıgınıŋ qaulysymen Äleumettık qyzmet körsetu ortalyǧy aşyldy.
Ortalyǧymyzda 800 qyzmet aluşy tırkelgen. Oŋaltu maqsatynda ortalyqta arnaiy 7 maman kündelıktı oŋaltu şaralaryn qyzmet körsetıp qana qoimai, ömır qiynşylyǧyna ūşyraǧan ata-analarmen, qarttarmen tyǧyz bailanys jasap, aianbai qyzmet körsetude. Osyndai körsetılıp otyrǧan qyzmetterdıŋ nätijesınıŋ arqasynda ortalyǧymyzda tırkelgen qyzmet aluşy balalarymyzdyŋ onǧa juyǧy täi-täi basuǧa, söileuge üirenıp, ata-anasyn quantyp, töbelerın kökke jetkızude. Būl – bızdıŋ ortalyǧymyzdyŋ qyzmetkerlerınıŋ jūmysynyŋ jemısı, ol bızdı quantady.
Ortalyǧymyzda mümkındıgı şekteulı balalardyŋ densaulyǧyn jaqsartuda ippoterapiia men gidroterapiia qyzmetterı de qatar körsetılıp otyr. İppoterapiia men gidroterapiianyŋ balanyŋ densaulyǧynyŋ sauyǧuyna maŋyzy öte zor.
Sonymen qatar, bızdıŋ ortalyǧymyzdyŋ qyzmet aluşylaryna mädeni ıs-şaralarǧa qatysu ūiymdastyrylǧan, qarttar bolsyn, mümkındıgı şekteulı balalarymyz ıs-şaralarǧa belsene aralasyp tūrady. Sondai-aq, balalar arasynda «Bız talanttardy ızdeimız» atty konkurs ūiymdastyryldy. Mūnda mümkındıkterınıŋ şekteulıgıne qaramastan änın aityp, biın bilep, halyqtyŋ ystyq yqylastaryna bölenıp jatqan büldırşınderımız bar. Al qarttar arasynda «Nostalgiia» än-küi ansamblı qūrylǧan. Jas erekşelıkterıne qaramastan ıs-şaralarda qarttarymyz öz önerlerın şarşamai, şaldyqpai körsetıp keledı.
Elımızdı bükıl älemge tanytqan «EKSPO-2017» körmesıne de bızdıŋ äleumettık qyzmetkerlerımız qatysyp, är eldıŋ jaŋa innovasiialyq jaŋa tehnologiialarymen, jarqyn bolaşaqtyŋ jaŋa energiiasymen tanysyp, körmenı tamaşalap qaitty.
Küläihan Bijıgıtova,
Äleumettık qyzmet körsetu ortalyǧy
№5 bölımşesınıŋ
keŋesşısı