Astana qalasynyŋ 2019-2021 jyldarǧa arnalǧan biudjetı qalalyq mäslihattyŋ tūraqty komissiialary otyrystarynda bırneşe märte talqylanǧan soŋ äleumettık salaǧa bölınetın qarjy 48 paiyzdan 56 paiyzǧa ūlǧaidy. Keşe mäslihattyŋ kezektı sessiiasyna qatysqan Astana äkımınıŋ orynbasary Asqar Ämrin osyny atap ötıp, būl maŋyzdy şeşımdı qabyldaǧan mäslihat deputattaryna alǧys aitty. Sondai-aq sessiiaǧa Parlament Senatynyŋ deputaty Edıl Mamytbekov pen qala äkımınıŋ orynbasary Ermek Amanşaev qatysty.
Biudjet boiynşa negızgı baiandamany Strategiialyq jäne biudjettık josparlau basqarmasynyŋ basşysy Rasul Orazǧūlov jasady. Onyŋ mälımdeuınşe, üş jyldyq biudjet 1 trln 144 mlrd teŋgenı qūramaq. Sonyŋ 422 mlrd 178,8 milliony kelesı jylǧa tiesılı. Būl 2018 jyldyŋ biudjetıne qaraǧanda 40 mlrd 963,3 teŋgege, iaǧni 10,7 paiyzǧa köp.
2019 jylǧy biudjettıŋ 148,7 mlrd teŋgesı tıkelei äleumettık salaǧa baǧyttalady. Sonyŋ 74 mlrd 916,4 milliony bılımge, densaulyq saqtauǧa 12 mlrd, 094,8 million, äleumettık qamsyzdandyru men äleumettık kömekke 13 mlrd 072,3 million teŋge qarastyrylǧan. Atap aitsaq, 11 mektep pen 8 qosymşa ǧimaratty saluǧa, 8 mektep pen 3 qosymşa ǧimarat qūrylysyn aiaqtauǧa 22 mlrd 357 million teŋge bölınedı. Sonyŋ negızgı bölıgı respublikalyq biudjetten bölınse, jergılıktı biudjetten oǧan 1 mlrd 125,2 mln teŋgesı bölınedı.
«Eŋbek» nätijelı jūmyspen qamtu jäne jappai käsıpkerlıktı damytu» baǧdarlamasy aiasynda nysandardy jöndeuge 520,9 mln teŋge jūmsalady. Atap aitsaq, aldaǧy jyly ekı balalar kıtaphanasy, «Tolqyn» sport kombinaty, Q.Quanyşbaev atyndaǧy memlekettık akademiialyq Qazaq muzykalyq drama teatry, «Nūrly jürek» memlekettık mekemesınıŋ №3 korpusy, Ortalyq jol auruhanasynyŋ ǧimaraty, ekı böbekjai jöndeledı.
Biyl qūjattardy qalalyq mūraǧatta saqtauǧa qatysty bıraz tüitkılder anyqtaldy. Sonyŋ ışınde sifrlandyru öte baiau jürıp jatqany belgılı boldy. Osy eskerılıp, mūraǧat qoryn saqtauǧa 898, 8 mln teŋge, qalalyq mūraǧat qyzmetıne 98,8 mln teŋge bölındı.
2019 jyl Jastar jyly bolyp jariialanǧany anyq. Osyǧan bailanysty şaralardy ötkızuge 100 mln teŋge qarastyryldy. Ärine, naqty sektor, sonyŋ ışınde jol-kölık infraqūrylymyn damytuǧa, tūrǧyn üi saiasatyn jüzege asyruǧa jäne äleumettık nysandardy saluǧa, qala tırşılıgın qamtamasyz etetın t.b. maŋyzdy jūmystarǧa da tiıstı qarjy qarastyrylǧan.
Üş jyldyŋ ışınde jalpy alǧanda 234 aulany jöndeuge qarjy bölınedı. Kelesı jyly 78 aulany jöndeu josparǧa engızıldı. Bılım, densaulyq saqtau, jergılıktı polisiia kadrlary tapşylyǧy problemasyn joiu üşın 2019 jyly baspana aluǧa 1 mln teŋgelık sertifikattardy tapsyru mehanizmı jalǧasady.
Kezektı sessiiada biudjetpen qatar basqa da mäseleler talqylandy. Sonyŋ ışınde qūrylys jäne tūrǧyn üi, mümkındıgı şekteulı jandardy sportqa tartu, ambulatoriialyq emdeu men jeŋıldıkpen därı-därmek beru mäselelerı boiynşa tiıstı basqarma basşylary baiandama jasady. Qalalyq mäslihattyŋ tūraqty komissiialarynyŋ esebı tyŋdaldy.
