ÄLİHANDY ÄSPETTEDI
QR Tūŋǧyş Prezidentı künı qarsaŋynda elordadaǧy jalpy bılım beretın mektepterde oqityn 10-synyp oquşylarynyŋ arasynda «Elordalyq bılım beru mekemelerınıŋ köşbasşy oquşysy» V qalalyq ziiatkerlık baiqauy öttı.
Aituly şara osymen besınşı märte ötıp otyr. Alǧaşqy saiystyŋ taqyryby Elbasynyŋ daŋǧyl jolyna arnalǧan edı. Biylǧy baiqau – alaştyŋ ardaqty tūlǧasy, tarihşy, publisist Älihan Bökeihannyŋ 150 jyldyq mereitoiyna orai ötkızıldı.
Saiystyŋ maqsaty – jastardyŋ bılımge degen qyzyǧuşylyǧyn oiatyp, olardy otansüigıştık ruhta tärbieleu. Baiqauda köşbasşylyq qabıletterı men şeşendık şeberlıkterı töselgen, qoǧamdyq jūmystarǧa belsendı aralasatyn 12 oquşy baq synady. Körnektı tūlǧanyŋ qairatkerlık qyry men ömır joly turaly salmaqty oilar aityldy. Paiymdy pıkırler qozǧaldy. Jetkınşekter tuǧan elınıŋ tarihynan tereŋ habardar ekenderın körsettı.
Üş kezeŋge bölıngen baiqaudyŋ nätijesı boiynşa bırınşı oryndy elordadaǧy №64 mektep-liseidıŋ oquşysy Alan Nesıpbek ielense, al bas jüldenı №8 mekteptıŋ oquşysy Didar Seiıthan jeŋıp aldy.
Azamat ESENJOL