Aiman TŪRARQYZY, qala tūrǧyny:
– Qazaqstanda syrttai oqu bölımı tüpkılıktı jabylady degen aqparat estıdım. Būl ras pa? Būǧan deiın syrttai oqyp kelgen studentter ne ısteidı?
Būl saualǧa Bılım jäne ǧylym ministrı Erlan Saǧadievtıŋ jauabyn ūsynamyz:
– 2019 jyldyŋ 1 qaŋtarynan bastap Qazaqstandaǧy joǧary oqu oryndarynda syrttai oqytu bölımderı jabylady. Mūndai norma joǧary oqu oryndaryndaǧy akademiialyq jäne özın-özı basqarudy keŋeituge qatysty zaŋǧa tüzetuler engızıldı. Būǧan deiın syrttai oqyp kelgen studentter oquyn tolyq aiaqtaidy. Bız bılım alǧysy keletın, bıraq kündızgı bölımderde oquǧa mümkındıgı joq qazaqstandyqtardyŋ bar ekenın de jaqsy bılemız. Olar üşın aldaǧy uaqytta qaşyqtyqtan oqytudyŋ jaŋa jüiesın engızudı josparlap otyrmyz. Mūndai studentter kündızgı bölımde oqityn studenttermen qatar oqu baǧdarlamasynyŋ 100 paiyzdyq kölemın igeredı.
