«EKSPO-2017» halyqaralyq mamandandyrylǧan körmege öz ülesımızdı qosamyz dep, Almatydan at terletıp kelgen 300-ge juyq erıktı künı keşe ǧana poiyzdan tüstı.
Jüzderı bal-būl jainaǧan jastar eŋ bırınşı bolyp, äserlerımen bızben bölıstı.
Almatydan bır top erıktılerdı ertıp äkelgen Maǧjan Myrzaǧali bylai dedı:
– EKSPO körmesınen köp qyzyq kütem. Būl – täjıribe jinaqtauǧa taptyrmas mümkındık. Eŋ aldymen elım üşın maŋyzdy şaraǧa barymdy salyp, aianbai eŋbektenuge keldım. Būl oqiǧa bızdıŋ jadymyzda eŋ bır aituly, maŋyzdy şara bolyp qalatynyna senımdımın. Öz erkımen tegın qyzmet etuge daiyn jastar qol qusyryp otyryp, är bastamaǧa tartynşaqtap tūratyn adamdardan artyǧyraq. Elımızdıŋ alǧa basuy, ekonomikanyŋ örleuı osy körmenıŋ qandai deŋgeide ötetınıne bailanysty.
Erıktı atanudy armandaǧan, myŋnan suyrylyp şyqqan almatylyq Qymbat Nūrdäulet elordaǧa osymen üşınşı ret kelıp otyr. «Kün raiy tamaşa! Bızdı astanalyq erıktıler jyly qarsy alyp jatyr» dedı ol. Qymbat «Aziada», «Almaty marafon-2017» siiaqty ülken şaralarda da erıktı bolyp jūmys ıstedı. Al EKSPO körmesınde ol biletterdı tekseruge kömektesedı.
«ICtravel» jobasyna qarasty erıktılerdı ırıktep alyp, daiyndaityn toptyŋ jetekşısı Erkın Aldabergennıŋ aituynşa, jastarǧa barlyq jaǧdai jasalǧan. Erıktılerdı kütıp alǧan astanalyq belsendıler olardy №4 jäne №5 Studentter üiıne ornalastyrady. Aita keteiık, sol künı erıktılerdıŋ qatary 100 qostanailyqpen tolyqty. Jalpy alǧanda, körmege qatysatyn erıktılerdıŋ sany – 5000, olardyŋ 2400-ı elımızdıŋ tükpır-tükpırınen keledı dep kütılude.
Güldana TALǦATQYZY
