«Qazaqkonsert» memlekettık konserttık ūiymy özınıŋ alpysynşy mereitoilyq konserttık mausymyn aşty. Būl mausym Halyqaralyq muzyka künımen tūspa-tūs keldı.
Önerdıŋ kielı ordasyn 60 jyldyq mereitoiymen alǧaşqylardyŋ bırı bolyp QR Mädeniet jäne sport ministrı Aqtoty Raiymqūlova qūttyqtady.
Qūttyqtaular legın qazaqtyŋ būlbūl änşısı, halyq ärtısı Bibıgül Tölegenova jalǧastyrdy.
– «Qazaqkonserttıŋ» torqaly toiy qūtty bolsyn! Jamal Omarova, Roza Baǧlanova, Şara Jienqūlova, Rabiǧa Esımjanova, Jüsıpbek Elebekov syndy aŋyz tūlǧalardyŋ esımımen bailanysty ūjymnyŋ mädeniet salasynda alar orny erekşe. Qazırgı uaqytta būl mekeme qanatyn keŋge jaiǧan ırı mädeniet ordasyna ainaldy. «Qazaqkonsert» ūiymy örkendei bersın, qazaq önerı asqaqtasyn! – dep jetkızdı Bibıgül Ahmetqyzy. Sondai-aq Eskendır Hasanǧaliev, Baiǧali Serkebaev, Bekbolat Tıleuhan, Arman Jüdebaev sekıldı belgılı öner tūlǧalary jäne Özbekstan memlekettık filarmoniiasynyŋ ūjymy, Özbekstan Ūlttyq simfoniialyq orkestrınıŋ bas dirijerı Alibek Kabdurahmanov syndy şeteldık ärıptester de öz qūttyqtaularyn joldady.
Konserttık ūiym mereitoilyq mausymyn «Qazaqkonsert älemı: bızge 60 jyl!» atty jobamen aşty. Körermendersız ötetın konsert pen benefis-şoudyŋ televiziialyq nūsqasy «Habar» telearnasynan jaqyn uaqytta körsetıledı. Joba barysynda öner süier qauym 1960 jyldan bastap qazırgı uaqytqa deiıngı qazaq muzyka önerınıŋ tarihyna muzykalyq saiahat jasap, barşaǧa tanylǧan hit änder men jaŋa tuyndylardy tyŋdai alady. Mereitoilyq jobada Roza Rymbaeva, Maqpal Jünısova, Jeŋıs Ysqaqova, Dimaş Qūdaibergen, Möldır Äuelbekova, Qūrmaş Mahan, Alişer Karimov, Ämıre, «Dos-Mūqasan» ansamblı, «Muzart» toby, t.b. «Qazaqkonsert» ūiymynyŋ öner ūjymdary men belgılı solisterı öner körsettı.
«Qazaqkonsert» ūiymynyŋ direktory Jeŋıs Seidullaūlynyŋ aituynşa, būl – alpys jyldan berı qazaq elınıŋ jansaraiyn äsem äuenmen jadyratyp jürgen kielı qaraşaŋyraq tartu etetın jaŋa jobalardyŋ bastamasy ǧana.
