Qazaqstan muzyka mektebınıŋ maitalmany, önersüier qauymnyŋ arasynda «Qazaqstannyŋ altyn fleitaşysy» atanǧan şeber oryndauşy, AQŞ-ta ötken baiqauda jeŋımpaz atanǧan bırınşı qazaq fleitaşysy Qairolla Jūmakenovtıŋ esımın bıreu bılse, bıreu bılmeidı. Amerika fleitaşylary qazaq muzykantynyŋ önerın joǧary baǧalap, Ūlttyq fleita qauymdastyǧynyŋ müşelıgıne qabyldaǧan. Daryndy muzykant – köptegen şeteldıŋ tanymal sahnalarynda Qazaqstannyŋ kelbetın älemge abyroimen beinelep, Vengriianyŋ, Polşanyŋ, Fransiianyŋ, Amerikanyŋ, İspaniianyŋ, Qytaidyŋ, Taivannyŋ muzykasüier tyŋdarmandaryn önerımen täntı etıp, taŋdai qaqtyrǧan azamat. Kompozitorlar Ädıl Bestıbaev, Balnūr Qydyrbek, Erbolat Ändosov fleitaşynyŋ keremet oryndauşylyq mümkındıgın, talǧamy men erekşelıgın eskere otyryp, Qairolla Jūmakenovke arnaiy muzyka jazǧan.
Qairolla Äkramaşūly Jūmakenov bastapqy muzykalyq bılımın Ahmet Jūbanov atyndaǧy respublikalyq muzyka mektebınde alyp, odan ärı Qūrmanǧazy atyndaǧy ūlttyq konservatoriiasyn jalǧastyrdy. Osy oqu ordasynda 1978-1998 jyldary oqytuşy, kafedra meŋgeruşısı qyzmetın atqardy. Osy aralyqta Mäskeu qalasynda P.Chaikovskii atyndaǧy memlekettık konservatoriianyŋ aspiranturasyn oidaǧydai tämamdady. 1998-2008 jj. Qazaq ūlttyq muzyka akademiiasynyŋ professory, ürlemelı jäne soqpaly aspaptar fakultetınıŋ dekany qyzmetın atqardy. Ol – Astana qalasynda Memlekettık akademiialyq filarmoniianyŋ ürlemelı aspaptar orkestrı men fleitaşylar ansamblınıŋ negızın qalauşy. Būl ansambl qazır muzykanttyŋ qūrmetıne arnaiy Q.Ä.Jūmakenovtıŋ atymen atalady.
Qairolla Äkramaşūly jaqsy tälımger-pedagog ta bolǧan edı. Bılıktı ūstaz şäkırtterınıŋ mamandyq deŋgeiın köterumen qatar olardyŋ jeke tärbiesı men tärtıbıne de erekşe män berıp otyratyn. «Bılım men tärbie qol ūstasyp qatar jürgende ǧana şäkırtterımız sanaly, mädeniettı azamat bola alady, sondyqtan da tärbie jūmysyna zor män beru kerek» dep oquşylaryn ärtürlı qoǧamdyq ıs-şaralarǧa – patriottyq tärbie, äleumettık joba, volonterlık jūmys, sport estafetalaryna ünemı qatystyryp tūratyn. Sonymen qatar mamandyqtaryna qatysty baiqaularǧa da belsendı daiyndyqtar ötkızıp, köptegen halyqaralyq, respublikalyq, öŋırlık baiqaulardyŋ jeŋımpazdaryn daiyndaǧan. Qazırgı kezde olar da ūstazynyŋ jolyn quyp, bıreulerı pedagog bolsa, ekınşılerı muzykant bolyp abyroily eŋbegımen keŋınen tanylǧan mamandar: Aijan Myrzalieva – K.Baiseiıtova atyndaǧy daryndy balalar mektebınıŋ oqytuşysy, Erkın Aqbaev – simfoniialyq jäne ürlemelı orkestrler ärtısı, Nina Grigoreva – Qazaq ūlttyq öner universitetı pändık-sikldık komissiianyŋ meŋgeruşısı, osy universitettıŋ tülekterı Farida Şolaqova men Aleksandr Taraskin de tanymal muzykanttar qataryn tolyqtyrdy.
Şeber ūstazdyŋ qajyrly eŋbegı elenıp, laiyqty baǧasyn aldy. Qazaqstan Respublikasynyŋ memlekettık nagradasy – «Eren eŋbegı üşın» medalımen, Qazaq ūlttyq muzyka akademiiasynyŋ (qazırgı Qazaq ūlttyq öner universitetı) 5 jyldyq mereitoilyq medalımen, Ükımet pen universitettıŋ qūrmet gramotasymen, alǧys hattarymen, diplomdarymen, bıraz şeteldık nagradalarmen marapattalǧan.
Qairolla Jūmakenovtıŋ artynda önerın jalǧastyratyn şäkırtterı, aty-tegın mäŋgılık saqtaityn sanaly ūrpaǧy – bala-nemerelerı, tuǧan-tuystary qaldy. Ūly Erkebūlan – Qazaq ūlttyq muzyka akademiiasynyŋ maqtauly tülekterınıŋ bırı, mamandyǧy orkestr ärtısı, jeke oryndauşy, pedagog. Negızgı bılımıne qosa, QR Prezidentınıŋ janyndaǧy Memlekettık basqaru akademiiasyn oidaǧydai aiaqtap, memlekettık jäne jergılıktı basqaru magistrı ǧylymi ataǧyn alǧan bılıktı azamat. Är uaqytta lauazymdy qyzmetter atqaryp, mamandyǧyn şyŋdaǧan: Prezident orkestrınıŋ şyǧarmaşyl tobynyŋ körkemdık jetekşısı, Mädeniet jäne aqparat ministrlıgı Mädeniet komitetı Öner basqarmasynyŋ bastyǧy mındetın atqardy, QR Qorǧanys ministrlıgı bas ansamblı tobynyŋ körkemdık jetekşısı boldy, taǧy da basqa qyzmetter atqardy. Astananyŋ törınde şalqyp jürse de, Erkebūlan ata-baba qonysyn, bala kezınde äkesımen erıp baratyn Törtköl auylyn, kındık qany tamǧan tuǧan qalasy Qaraǧandyny esıne jiı-jiı ala berdı. Lauazymdy qyzmetterde jinaqtaǧan täjıribesı men bılımın özınıŋ ata-babasy qonystanǧan kielı Jezqazǧan – Qaraǧandy ölkesınde ıs jüzınde asyruǧa niettenıp, elıne qonys audarady. Qaraǧandynyŋ oblystyq beineleu önerı mūrajaiynyŋ direktory, Jezqazǧandaǧy Qazaq muzykalyq-dramalyq teatrynyŋ jetekşısı bolady. Qazırgı uaqytta QazŪÖU tülegı Erkebūlan Qairollaūly Jūmakenov – Qaraǧandy oblysy Qūjattar, mūraǧattar jäne mädeniet basqarmasynyŋ jetekşısı qyzmetın abyroimen atqaryp jürgen ısker azamat.
Qairolla Jūmakenov artyna jaryq ız qaldyrǧan, önegelı önerın jalǧastyratyn şäkırt tärbielegen, ömırge atyn öşırmeitın sanaly, daryndy ūrpaq äkelgen, dos-jaranyna syily, halqyna qūrmettı bolǧan, jany jaisaŋ, jaidary mınezdı erekşe tūlǧa edı. Jarqyn beinesı jadymyzda mäŋgılık saqtalady.
Gülnahiia BIRJANOVA,
Qazaq ūlttyq öner
universitetınıŋ oqytuşysy
