Memleket basşysy Qasym-Jomart Toqaev Amanat partiiasynyŋ kezekten tys XXIII sezıne qatysty. Prezident sezd delegattaryna memleket pen qoǧamdy tübegeilı jaŋartu üderısı bastalǧanyn aitty. Prezidenttıŋ pıkırınşe, Amanat osy jüielı özgerısterge belsene atsalysyp keledı. Sonymen qatar partiianyŋ qolǧa alynǧan reformalarǧa jan-jaqty qoldau körsetıp, «halyq ünıne qūlaq asatyn memleket» tūjyrymdamasyn tiımdı jüzege asyruǧa qosyp jatqan ülesıne toqtaldy.
Amanat äleumettık ädıldık qaǧidatyn ornyqtyruǧa ärdaiym basa män beredı. Memlekettılıktı nyǧaitu jäne el bırlıgın bekemdeu – ūiymnyŋ airyqşa missiiasynyŋ bırı. Ötken sezde partiiaǧa rebrending jasau qolǧa alyndy. Sondai-aq ony institusionaldyq tūrǧydan jaŋartu jūmysy bastaldy. Partiia būl mındetterdı oryndauǧa dereu kırısıp kettı. Naqty nätije bar, özgerısterdı qazırdıŋ özınde körıp otyrmyz. Osy qarqyndy bäseŋdetpei, jūmysty odan ärı jalǧastyru kerek» dedı Memleket basşysy.
Prezident nauryz aiynyŋ ortasynda Qazaqstan halqyna arnaǧan Joldauynda saiasi reformalardyŋ auqymdy baǧdarlamasyn ūsynǧanyn eske saldy. Sonymen qatar bırden Konstitusiiaǧa engızıletın özgerıster men tolyqtyrulardyŋ jobasyn daiyndau jönınde auqymdy jūmys bastalǧanyn, onsyz josparlanǧan saiasi reformalardy tiımdı jüzege asyru mümkın emes ekenın atap öttı.
«Konstitusiialyq reformanyŋ maqsaty – elımızdı saiasi tūrǧydan odan ärı jan-jaqty jaŋǧyrtudyŋ berık ırgetasyn qalau. Ötken aptada Konstitusiialyq keŋeske tüzetuler jobasy joldandy. Onyŋ qabyldanuy memlekettık instituttardy qūrudyŋ jäne qyzmetınıŋ mülde jaŋa ülgısın – «Jaŋa Qazaqstandy» qūruǧa mümkındık beredı. Azamattar tarapynan: «Jaŋa Qazaqstan degenımız ne?» degen saual jiı qoiylyp jür. Menıŋ oiymşa, būl sūraqqa qysqa da nūsqa jauap beruge bolady. «Jaŋa Qazaqstan» degenımız – şyn mänınde Ädılettı Qazaqstan. Azamattarǧa äleumettık ädıldık jetıspeitının moiyndaiyqşy. Qarapaiym halyqtyŋ müddesı ünemı elene bermeidı, keide, tıptı ädıletsızdık memlekettık apparat ökılderı tarapynan da jasalyp jatady. Azamattardyŋ memlekettık mekemelerge senımsızdıgı osydan tuyndaidy. Sondyqtan Amanat partiiasynyŋ aldynda osy olqylyqtardyŋ ornyn toltyru mındetı tūr. Azamattyq qoǧam men bilık arasyndaǧy däneker bolu üşın sızder halyq ökılderımen etene jūmys ısteulerıŋız kerek» dedı Qasym-Jomart Toqaev.
Sonymen qatar Konstitusiiaǧa engızılgen özgerıster men tolyqtyrular eldıŋ bükıl saiasi arhitekturasyn keşendı türde qaita qarauǧa, bilık tarmaqtary arasyndaǧy tejeu men tepe-teŋdıktıŋ neǧūrlym teŋgerımdı jüiesın qūruǧa baǧyttalǧanyn aitty. Prezidenttıŋ pıkırınşe, bız superprezidenttık basqaru türınen tübegeilı bas tartamyz, Parlament pen mäslihattardyŋ ökılettıgın küşeitemız. Partiialyq-saiasi jüienı jaŋǧyrtu – basym baǧyttyŋ bırı.
Memleket basşysy partiialar men sailau turaly zaŋnamalardy liberalizasiialau qoǧamnyŋ rölın küşeitedı. Būl bilıktıŋ barlyq deŋgeiınde qabyldanatyn şeşımderıne qatysty. Prezidenttıŋ paiymynşa, azamattardyŋ dauysy üşın bäseke küşeiıp, saiasi üderısterdıŋ qarqyny men mazmūny özgeredı.
«Jalpy alǧanda, partiialyq alaŋda seŋ qozǧalǧanyn körıp otyrmyz. Adal partiiasynyŋ Amanat partiiasymen bırıgu jönındegı bastamasy – bastalǧan özgerısterdıŋ jarqyn körınısı. Adal partiiasynyŋ jetekşılerı men müşelerıne osy maŋyzdy şeşımderı üşın rizaşylyǧymdy bıldıremın. «Jaŋa Qazaqstandy» qūramyz desek, elge janaşyr qoǧamdyq-saiasi küşterdıŋ bärı jūmyluy kerek. Būl rette, partiialardyŋ özara tıl tabysyp, saiasi jüienı damytuy asa maŋyzdy. Sondyqtan, Adal partiiasynyŋ bastamasyn qoldap, onymen bırıkken jön dep sanaimyn. Adal – öz jaqtastary bar, qalyptasqan partiia. Saiasi bäseke artyp kele jatqan qazırgı kezeŋde mūnyŋ airyqşa mänı zor» dedı Qasym-Jomart Toqaev.
Jiynda Memleket basşysy jauapty ärı asa maŋyzdy kezeŋge qadam basqanymyzǧa toqtaldy. Prezidenttıŋ aituynşa, konstitusiialyq reforma – Täuelsızdık tarihyndaǧy jaŋa beles. Mūnyŋ bärı uaqyt talabynan jäne qoǧam sūranysynan tuyndap otyr. «Men būǧan deiın partiia töraǧasy lauazymynan bosap, ūiym qatarynan şyǧatynymdy aittym. Osy ūiǧarymdy jüzege asyratyn kez keldı. Bügınnen bastap Amanat partiiasynyŋ töraǧasy retınde ökılettıgımdı toqtatyp, partiiadan şyǧu turaly şeşım qabyldadym. Būl qadamnyŋ simvoldyq mänı bar. Osy oraida, Prezident sailauynda maǧan senım artyp, qoldaǧandaryŋyz üşın barşaŋyzǧa alǧysymdy aitamyn. Sondai-aq jauapty sätte partiia tızgının senıp tapsyrǧandaryŋyz üşın rizaşylyǧymdy bıldıremın. Bız bırlesıp, köp jūmys atqardyq. Degenmen, uaqyt bır orynda tūrmaidy. Qazır talai närse özgerude. Aldymyzda auqymdy mındetter bar. Bügınde elımızdegı barlyq salany tübegeilı monopoliiadan aryltu asa maŋyzdy. Osy üderısten saiasi jüie de syrt qalmauy kerek. Memleket basşysy eşbır partiiaǧa basymdyq bermegenı jön, iaǧni saiasi tūrǧydan beitarap boluy qajet. Būl – menıŋ aiqyn ūstanymym» dedı Qasym-Jomart Toqaev.
Prezidenttıŋ pıkırınşe, mūndai qaǧida sailauǧa qatysatyn barlyq küşterge teŋ mümkındık tuǧyzady. Saiasi jüiede ädıldıktıŋ ornauyna jol aşady. Partiia atqaruşy bilıkke täueldı bolmasa, oǧan halyqtyŋ senımı nyǧaiyp, bedelı artady. «Qazır ūiym Mäjılıste jäne mäslihattarda edäuır basymdyqqa ie bolyp otyr. Sondyqtan Ükımet pen äkımdıkterdıŋ jūmysyna qataŋ baqylau jasai alady. Prezident partiia qatarynan şyqqanymen, ūiymnyŋ strategiialyq baǧdary özgermeidı dep oilaimyn. Amanat elımızdıŋ saiasi ömırınde erekşe orny bar ūiym retınde qala beretını anyq. Saiasattaǧy sabaqtastyq saqtalyp, partiia el igılıgı üşın jasap jatqan jūmystaryn jalǧastyra beredı» dedı Memleket basşysy.
Qasym-Jomart Toqaev partiianyŋ töraǧasy lauazymyna Parlament Mäjılısınıŋ töraǧasy Erlan Qoşanovty ūsynyp, oǧan ūiymdastyru qabıletı joǧary, täjıribelı ärı bılıktı azamat dep baǧa berdı. Sezd delegattary Prezidenttıŋ ūsynysyn qoldap, Erlan Qoşanovtyŋ kandidaturasyna bırauyzdan dauys berdı. Memleket basşysy bügıngı özgerıster Amanat partiiasynyŋ zaman talabyna sai jaŋara tüsuıne jol aşatynyna senım bıldırdı.
