Künı keşe elımızdıŋ saiasi ömırınde de aituly oqiǧa oryn alyp, «Nūr Otan» partiiasynyŋ kezekten tys XXII cezı ötıp, partiia töraǧasy Qasym-Jomart Toqaevtyŋ partiianyŋ jaŋa atauy «Amanat» bolyp özgeretının qoldaǧanynyŋ kuäsı boldyq.
Qazaqtyŋ kielı amanat sözınıŋ män-maǧynasynyŋ tereŋ ekenın tüsındırıp jatudyŋ özı artyq bolar. Ūlt ruhaniiatyna tereŋ tamyr jıbergen jandar jyly qabyldap, ata- baba amanatyna adal bolyp, dästür jalǧastyǧynyŋ ozyq ülgısın körsetıp kele jatqany barşamyzǧa aian. Endeşe, «Amanat» partiiasyna jükteler jük te jeŋıl bolmasy anyq. «Jaŋa Qazaqstan» qūruda, eldıŋ äl-auqatyn arttyryp, ekonomikasyn damytuda jaŋaşa közqaras qalyptastyryp, halyq senımıne ie bolu üşın aianbai künı-tünı qyzmet qylu kerek bolady. Partiia töraǧasy aiqyndaǧan mındetter, atap aitar bolsaq, qoǧammen şynaiy kerı bailanys ornatyp, «halyq ünıne qūlaq assaq», partiianyŋ qūrylymdyq bölımşelerınıŋ bastamaşyldyǧyna basymdyq berıletın bolsa, qaptaǧan şyndyqqa janaspaityn esepter azaiyp, şynaiylyq törge şyǧatyn bolsa, «Jaŋa Qazaqstannyŋ» jas qūrylysşylaryn qalyptastyrudy qolǧa alatyn bolsa, ata-baba amanatyna adaldyq tanytyp, el täuelsızdıgın nyǧaituǧa qosar ülesterı eselene tüserı sözsız. Partiianyŋ saiasi keŋesınıŋ qūramynda bız bıletın, bedel biıgınen körınıp, senım jügın arqalap jürgen jas ǧalymdar, aqyn-jazuşylar, «Bolaşaq» baǧdarlamasynyŋ tülekterı men joǧary oqu oryndarynyŋ jetekşılerınıŋ boluy – partiianyŋ abyroiyn arttyryp, el igılıgı üşın igı ısterdı eŋseretınderı kümän tudyrmasy anyq.
Olai bolsa, Amanatqa qiianat bolmai, ırgelı ısterıŋızde sättılık serık bolsyn, partiialastar!
Kärımbek QŪRMANÄLİEV,
ŪǦA akademigı, fiologiia ǧylymdarynyŋ doktory, professor
