Astanadaǧy «Dostyq üiınde» Analar künıne arnalǧan mediasiia boiynşa kezdesu öttı, dep habarlady astana-akshamy.kz
Atalǧan ıs-şaranyŋ maqsaty äiel-ananyŋ qoǧamdaǧy,otbasyndaǧy, jas ūrpaqty tärbieleudegı rölın aiqyndap, otbasylyq qūndylyqtardy därıpteu.
Astana qalasynyŋ Işkı saiasat basqarmasy Qazaqstan jastary qoǧamdyq qorymen bırlese ūiymdastyrǧan döŋgelek üstelge belgılı mediatorlar men psihologtar, basqa da qoǧam belsendılerı jäne jastar qatysty.
Is-şaranyŋ moderatory Roza Bekışeva atalǧan künnıŋ tarihyn tanystyryp öttı.
«Analar künı bızdıŋ elımızde 2012 jyldan bastap atalyp ötıp jürgenmen, biyl halyqaralyq mereke retınde bırınşı ret toilanyp otyr. Būl kün mamyrdyŋ ekinşi jeksenbisinde atalyp ötedı, biyl 12 mamyrǧa säikes kelip otyr. Analar künı – BŪŪ-nyŋ halyqaralyq ūiymy moiyndaǧan mereke. Ol köptegen elde toilanady. Biyl osy meiramdy atap ötetın elderge Qazaqstan da qosyldy. Būl merekenıŋ tarihy Amerikadan bastau alǧan. Iаǧni, XIX ǧasyrda AQŞ-ta paida boldy», – dedı R.Bekışova.
Alǧaşqy söz kezegın alǧan Astana qalasy Işkı saiasat basqarmasy basşysynyŋ orynbasary Läzzat Qūsaiynova atalǧan künnıŋ män-maŋyzyna toqtaldy.
«Qazaqstan – otbasyǧa qatysty türlı halyqaralyq kelısımder men şarttardyŋ, jalpy alǧanda, genderlık saiasatty belsendı türde jüzege asyruşy memleketterdıŋ bırı. Qazaqstan – ejelden Ortalyq Aziia aumaǧyndaǧy, bälkım, älemdık keŋıstıktegı ana tūlǧasyna filosofiialyq közqarasta bolǧan memleket. Būǧan türlı maqal-mätelder men künı bügınge deiın qoldanylyp jürgen terminologiiamyz dälel. Bır qolymen besıktı, bır qolymen älemdı terbetken ana qai salada da belsendı ekenın aituymyz kerek. Būl söz qazaqtyŋ äu bastan otbasyndaǧy ananyŋ rölıne erekşe män bergenın körsetedı. Öitkenı bala tärbiesı anadan bastalady.
Sol siiaqty «ana tılı» deimız. Öitkenı bala, eŋ bırınşı, ana tılınde söileidı. Osy sözderdıŋ, osy tırkesterdıŋ maǧynasyna boilasaq, filosofiialyq oi-tolǧanystarǧa tereŋdei tüser edık. Bıraq negızgı mänı kez kelgen otbasynda, kez kelgen jüiede, kez kelgen elde ananyŋ rölıne baǧa jetpeitındıgınde», – dedı L.Qūsainova.
Alǧysözderden soŋ zaŋgerler men mediatorlar jäne özge de qoǧam belsendılerı ana men otbasy mäselelerı töŋıregınde söz söilep, osyǧan qatysty qoǧamdaǧy problemalardy şeşu jolyn talqylady.
