«Qazaqstan» ortalyq konsert zalynda QR Mädeniet jäne sport ministrlıgınıŋ ūiytqy boluymen I «Burabay Summer Fest» atty jas talantty jetkınşekterge arnalǧan halyqaralyq festivaldıŋ gala-konsertı boldy.
Būl baiqau elımızde alǧaş ötıp otyr. Soǧan qaramastan, dübırlı dodaǧa baq synauǧa elımızdıŋ önerlı örenderımen bırge Türkiia, Resei, Belarus, Qytai, Qyrǧyzstan, Özbekstan jäne Äzerbaijan syndy memleketterdıŋ talantty balalary jinaldy. Bas-aiaǧy festivalǧa 400-dei önerpaz qatysyp, olar vokal, horeografiia, aspapta oryndau jäne mänerlep oqu sekıldı türlı atalymdar boiynşa synǧa tüstı.
Sonymen, dübırlı dodanyŋ da märesı öz syzyǧyna jettı. «Mänerlep oqu» atalymynda Syr boiynan kelgen Tılek Nūrqojanyŋ baǧy jandy. «Halyq biı» nominasiiasynda almatylyq Ratmir Jūmaliev asyǧy alşysynan tüstı. «Dästürlı öner» atalymynda jambyldyq Älımqūl Sūltan qatarlastarynan oza şapty. «Dästürlı öner» nominasiiasynda Türkıstan oblysynyŋ jetkınşekterınen qūralǧan «Jetıgen» ansamblı top jardy. Al halyqaralyq festivaldıŋ bas jüldesın «Akademiialyq än» atalymynda qazaqtyŋ saiyn dalasyndai keŋ dauysymen jūrtşylyqty taŋǧaldyrǧan aqtöbelık on bır jasar talantty ören Aŋsar Jüsıp jeŋıp aldy. Oǧan Mädeniet jäne sport ministrı Arystanbek Mūhamediūly Elbasy Nūrsūltan Nazarbaevtyŋ atynan aq roial men Los-Andjelestegı ataqty «Universal Studios Hollywood» kinostudiiasyna baru joldamasyn tapsyrdy.
