Astanada Auǧan soǧysy ardagerlerı ūiymdary arasynda voleiboldan VI respublikalyq jarys öttı. Būl jarys aty aŋyzǧa ainalǧan komandir Boris Kerımbaevtyŋ 75 jyldyǧyna arnaldy.
Astana qalasy äkımdıgınıŋ qoldauymen ötken jarysqa elımızdıŋ bırneşe öŋırınıŋ jäne elordalyq ardagerler ūiymdary komandalary qatysty. Jarystyŋ aşylu räsımınde Astana qalasy Işkı saiasat basqarmasynyŋ basşysy Däuren Babamūratov söz söilep, elorda künı merekesı aiasynda ötıp jatqan jarysqa qatysuşy ardagerlerge özderınıŋ salauatty ömır saltyn ūstanyp, jastarǧa önege bolyp jürgenderıne rizaşylyǧyn bıldırdı.
– Astanada ardagerlerge qoldau körsetu erekşe maŋyzdy sanalady. Elordamyzda ardagerler qozǧalysyn qoldau baǧytynda bırqatar jobalar jüzege asyrylyp otyr. Bızder üşın ot pen oqqa şarpylǧan maidangerlerge kömek körsetu būljymas paryz. Auǧanstan soǧysy ūiymdary arasyndaǧy respublikalyq jarys osyǧan deiın basqa öŋırlerde ötıp kelgen eken. Al bızge astanalyq ardagerler ūiymynan dästürlı jarysty elordada ötkızsek degen ūsynys tüskende bırden qoldadyq. Bügıngı jarysqa qatysuşylarǧa zor densaulyq, oiynda sättılık tıleimın, – dedı Däuren Babamūratov.
Jarysqa qatysuşy ardagerler ūiymdary atynan Şyǧys Qazaqstan oblysynyŋ «Şyǧys Şuravi» komandasynyŋ jetekşısı Qairat Musin jarysty ūiymdastyruşylarǧa alǧysyn aityp, mūndai jarystyŋ «Qara maior» atymen aŋyzǧa ainalǧan Auǧanstan soǧysynyŋ batyry Boris Tökenūly Kerımbaevtyŋ qūrmetıne arnalǧany bır jaǧynan batyrǧa degen taǧzym bolsa, ekınşı jaǧynan elımızdegı ardagerler ūiymdarynyŋ patriottyq ūstanymyn körsetetının atap öttı.
Astana qalasynyŋ Dene şynyqtyru jäne sport basqarmasy jarystyŋ ötuıne jan-jaqty tehnikalyq qoldau bıldırdı. Basqarma tarapynan diplomdar, kuboktar, medaldar berılıp, töreşıler qyzmet körsettı. Elordanyŋ №58 I.Jansügırov atyndaǧy mektep-gimnaziianyŋ sport keşenınde ötken jarysta jeŋılgender bolǧan joq, öitkenı būl saiys eldık pen erlıkke arnalǧan jarys boldy.
Al ekı künge jalǧasqan jarys qorytyndysynda Şyǧys Qazaqstan oblysynyŋ ardagerler ūiymy chempion atansa, kümıs jüldenı Pavlodar oblysy ardagerlerı ielendı. Al üzdık üştıktı, alaŋ ielerı – Astana qalasynyŋ «Auǧanstan soǧysy mügedekterı men ardagerlerı odaǧy» qoǧamdyq bırlestıgı komandasy tüiındedı.
Jeŋımpaz komandaǧa auyspaly kubok tabystaldy. Barlyq jüldegerge diplomdar, medaldar, sonymen qatar jarysta üzdık dep tanylǧan bırneşe oiynşyǧa nominasiialar boiynşa da syilyqtar berıldı.
Jarystan keiın ardagerlerge arnalyp qonaqasy berıldı. Astanalyq Auǧan soǧysy ardagerlerı ūiymynyŋ töraǧasy Miranbek Tulekpaev barlyq qatysuşyǧa jäne jarysty ūiymdastyruǧa qoldau bıldırgen elorda äkımdıgıne alǧysyn aitty.
