«Jaqsy oqyǧan nege jaman bolsyn?! Közı aşyqqa qaşanda örıs keŋ. Äsırese ösken ortaŋ, ainalaŋdaǧy dos-qūrbylaryŋ bılıktı de zerdelı bolsa, olarǧa qarap oiyŋ men boiyŋdy qalai tüzemeske?! Sonyŋ arqasynda Keŋes orta mektebın bıtırgen soŋ, Selinograd medisinalyq uchilişesın feldşer mamandyǧy boiynşa qyzyl diplommen aiaqtap, keiın qatarymnan qalmasqa talaptana, Qaraǧandynyŋ medisina institutyn joǧary bılımdı därıger retınde oidaǧydai bıtırıp şyqtym. Ömır örımınıŋ bastapqy örnegı osylai qalyptasty» deidı elordalyq bılıktı därıger, eŋbek ardagerı Ümıt Älıbekqyzy.
Eŋbektegı alǧaşqy qadamyn 1968-1976 jyldarda Būlandy audanyndaǧy Partizanka selosyndaǧy uchaskelık auruhananyŋ orta buyn medisina qyzmetkerlıgınen bastap, meŋgeruşısı satysyna deiın köterılgen Ümıttıŋ būdan keiıngı ömır joly Selinograd auyl şaruaşylyǧy institutynyŋ tülegı, az uaqyt ışınde bılıktı, ısker azamat retınde joǧary bilıktegılerdıŋ közıne tüsıp keŋşar basşysy, audandyq auyl şaruaşylyǧy basqarmasynyŋ basşysy siiaqty bırqatar lauazymdyq qyzmetterde ysylǧan erı Esbolat Qasymūly Düisenovtıŋ jūmys babymen orailas örıldı. Atap aitqanda, 1979-1997 jyldarda Sıletı audandyq auruhanasynyŋ jasöspırımder därıgerı, audandyq sanitarlyq-epidemiologiialyq qyzmettıŋ asa qauıptı jūqpaly aurular bölımşesınıŋ meŋgeruşısı qyzmetterınde abyroily eŋbegımen elge tanyldy.
2001 jyly zeinet jasyna toluyna bailanysty negızgı qyzmetınen qol üzgenmen, ömırınıŋ ekınşı tynysy aşylǧandai qoǧamdyq jūmysqa bel şeşe kırıstı. Äsırese Ümıttıŋ ısker de ūiymdastyruşylyq qabıletı 2008 jyly qazırgı Nūr-Sūltan qalasynyŋ Almaty audanyndaǧy «Raduga», keiın «Qaharman» atty ardagerlerdıŋ bastauyş qoǧamdyq ūiymynyŋ töraiymy retınde atqarǧan jūmystary arqyly köpşılıktıŋ köŋılınen şyqty. Naqtyraq aitqanda, osy 2008 jyly bastapqy atauy «Astana» dep atalyp, 2019 jyldyŋ jeltoqsan aiynan «Elorda» bolyp özgertılgen ardagerler hor ūjymyna jetekşılık etıp, künı osy uaqytqa deiın köpşılık mädeni şaralardyŋ qalyŋ ortasynan tabylyp jürgenı süisındıredı. Qūramynda därıger, ūstaz, sport şeberı, qūrylysşy, t. b. mamandyq ielerınen tūratyn, bügınde zeinet jasyna jetse de, älı de özderın qajyrly da qairatty sezınetın 31 eŋbek ardagerı bar osy hor ūjymyn Nūr-Sūltan qalasynda bılmeitınder joq desek qatelese qoimaspyz. Öitkenı repertuarlarynda tanymal kompozitorlardyŋ 100-den astam şyǧarmalary bar öner ūjymy elordadaǧy mektepter, «Euraziia», Qazaq gumanitarlyq-zaŋ universitetterı, kolledjder siiaqty bılım ordalarynda halyqtyŋ ejelgı änderın, qazaqtyŋ ūlttyq salt-dästürlerın, qolönerın nasihattap, konserttık ıssaparlarmen Arqalyq qalasynda, Aqköl balalar üiınde, «Şarapat», «Aqjaiyq» qattar üiınde bolyp, öz önerlerımen körermenderınıŋ qoşemetıne bölendı.
Būdan özge, №53 orta mektepte «Äjeler – otbasy tärbieşısı» keşın ūiymdastyryp, qazaqy oiu-örnekterdı qiiulastyra jasauǧa üiretuı būl qoǧamdyq ūjym jūmysynyŋ auqymyn keŋeite tüsuıne septeskenı sözsız. Önerge beiım jetkınşek ūrpaq osy arqyly ülken apa-äjelerınıŋ tälımınen özderıne ömırlık qajet sabaq aldy desek bolady. Sondai-aq №51 mekteptıŋ oquşylary biylǧy Ūly Jeŋıs merekesı qarsaŋynda jyl ötken saiyn qatary sirep bara jatqan Ūly Otan soǧysy ardagerlerımen jüzdesıp, öz elın, öz halqyn süiudıŋ, qasterlei bıludıŋ tälımın zerdelerıne qondyrdy.
«Jerūiyq», «Jetısu», «Jazuşylar» demalys saiabaqtarynda köpşılık aldynda öner körsetıp, halqymyzdyŋ bırtuar asyl perzentı, maidanger Bauyrjan Momyşūlynyŋ tuǧanyna 110 jyl toluyna arnalǧan arnaiy baǧdarlamalarymen jūrtşylyqtyŋ qūrmetıne ie boldy. Qazaqstan Respublikasynyŋ Tūŋǧyş Prezidentı – Elbasy mūrajaiyndaǧy, «Jastar» teatryndaǧy «Elorda» ardagerler hor ūjymynyŋ 10 jyldyǧyna arnalǧan konsert, Nauryz merekesınde aşyq alaŋdarda önerlerımen köpşılık aldyna şyǧulary jūrtşylyqtyŋ qoşemetıne bölenbei qalǧan emes.
Mamandyǧy därıger Ümıt Älıbekqyzynyŋ jetekşılıgındegı önerlı orta el astanasy – Nūr-Sūltan qalasynda osyndai salauatty ömır saltyn nasihattaumen qatar, jastaiynan boilaryna daryǧan talantyn älı de özderıne serık etıp kele jatqan ardager atalar men äjelerdıŋ basyn qosqan hor ärı änşılık ūjymdy qanattandyrǧan qandai küş, qandai serpın degen oi osy arada erıksız aldyŋdy oraityny sözsız. Būǧan jauap bıreu: jiǧan bailyqtary – jyldary, bıraq köŋılderı – mäŋgı jas tot baspas asyldyqtary. Bärınıŋ de boiynda äkeden balaǧa jūǧysty bolyp kele jatqan önerdıŋ sönbes ūşqyny, alauly jalyny barynan. Mūny Ümıttıŋ özı de aiǧaqtai tüsedı.
– Äkem qarapaiym eŋbek adamy degenımmen, jasynda Arqa jūrtyna aty mälım Nūrmaǧambet Baimyrzaūlynyŋ (Baluan Şolaqtyŋ) qasyna erıp, tälımın körgen, dombyra şertıp, äueletıp än salǧan serılerdıŋ sanatynan edı. Sonyŋ äserınen bolar, ūldary da, menıŋ özım de änşılıkke beiım bolyp östık. Būl bır menıŋ ǧana emes, «Elorda» hor ūjymynyŋ ärbır müşesınıŋ boiyndaǧy älı künge deiın qainar būlaǧynyŋ közı tartylmaǧan ızgılıktı qasietı bolsa kerek, – deidı Ümıt Älıbekqyzy öz jaiynan taǧy bır syrdyŋ ūşyn suyrtpaqtai alǧa şyǧarǧanynda.
Aldy seksennıŋ törınen ärı ozǧan, olardyŋ ızderın basqan keiıngılerı jetpıstıŋ bel ortasyn eŋsergen «Elorda» ardagerler horynyŋ ūjymy qūramyndaǧy Zliha Äbeu, Toqtamys Äbiev, Baqyt Äbıldina, Markiza Qazaqbaeva, Ermek Tūrlybaev, Aigül İsabaeva, Qymbat Myrzahmetova, Baqytjan Jūqataeva, hordyŋ muzykalyq jetekşısı Jeken Teberekov, taǧy basqa ardagerlerdıŋ qai-qaisysy da öz talanttarymen elorda jūrtşylyǧyn täntı etıp jürgen jandar. Jyl saiyn «Qajymūqan» stadionynda ötkızılıp tūratyn şaŋǧy jarysyna bır kısıdei jūmyla qatysatyndary taǧy bar. Mıne, qoǧamǧa paidaly ıspen ainalysudyŋ jarqyn mysaldaryn ızdegenderge būdan artyq däleldıŋ de qajetı bola qoimas. Süisınseŋ, süiınerlık jai – osy.
Elordada osynda ızgılıktı ısterımen ǧūmyr örın ılgerı bastyryp kele jatqan Ümıt Düisenova – eŋbekten qol üzbei jürıp tört balany ömırge äkelgen, olardan 10 nemere körıp otyrǧan abzal ana, asyl äje. Tūŋǧyşy Janar – özınıŋ jolyn quyp Qaraǧandy memleketık medisina institutyn bıtırgen därıger. Aigülı – ūstaz. Äliiasy – ekı joǧary bılımı bar zaŋger ärı ekonomist, al ūly Jeŋıs – injener-energetik jäne ekonomist mamandyǧynyŋ iesı. Sondyqtan da Ümıt hanym erı Esbolat Qasymūlymen bırge özderın otbasylarynyŋ tamyry tereŋge tartqan bäiterekterı sanaidy. Öitkenı būlar – elordadaǧy özgeler tälım alarlyq ǧibraty mol şaŋyraqtyŋ altyn qazyqtary.
Osyndai ömırde de, tūrmysta da, qoǧamdyq ortada da önegelı ısterımen tanylǧan Düisenovter şaŋyraǧynyŋ otanasy Ümıt Älıbekqyzynyŋ elordadaǧy Almaty audandyq Ardagerler keŋesınıŋ densaulyq saqtau jönındegı tūraqty komissiiasynyŋ töraiymy, töralqa müşesı siiaqty qat-qabat jūmystardan älı de qol üzbei kele jatqany köŋıl quantady. Eŋbegıne qarai qūrmetı degendei, «Eŋbek ardagerı», Qazaqstan Respublikasy Täuelsızdıgınıŋ 20, 25 jyldyǧy, «Astana qalasyna 20 jyl» medaldarymen marapattalǧan. Endı, mıne, qūstar qaitqan küz ötıp, qaraşanyŋ alǧaşqy künı küntızbe paraǧyna qonǧanda, jetı asu, bes beleske köterılgen Ümıt Älıbekqyzyna mereilı tūǧyrǧa taban tıregenınde, önerlı öreŋızden älı de tüspeŋız degen tılek aita otyra, söz tüiının
Neşedesıŋ dep sūrama jasymdy,
Tömendetpe biık ūstar basymdy.
Men de sendei pendelerdıŋ bırımın,
Jasap kelem künım jaryq ǧasyrdy, – degen özıne laiyq jyr-monologpen aiaqtaǧandy jön kördım.
Amankeldı JŪMABEK,
jurnalist, Nūr-Sūltan
qalalyq Ardagerler keŋesı
media tobynyŋ
müşesı
