«Halyq ünıne qūlaq asatyn memleket» tūjyrymdamasyn ıske asyru aiasynda Premer-ministrdıŋ orynbasary Eraly Toǧjanovqa elordalyq Sybailas jemqorlyqqa qarsy ıs-qimyl departamentı janyndaǧy «Antikor ortalygy» servistık ortalyǧynyŋ jūmysy tanystyryldy. Is-şaraǧa Sybailas jemqorlyqqa qarsy ıs-qimyl agenttıgınıŋ töraǧasy Alik Şpekbaev, Eŋbek jäne halyqty äleumettık qorǧau ministrı Bırjan Nūrymbetov, Nūr-Sūltan qalasy äkımınıŋ orynbasary Baqtiiar Mäken qatysty.
Ortalyqtyŋ negızgı qyzmetı qoǧammen aşyq alaŋda özara qarym-qatynas jasau jäne tūrǧyndarmen tiımdı kerı bailanys ornatuǧa baǧyttalǧan. Qabyrǧalary äinekpen jabdyqtalǧan departament qyzmetkerlerınıŋ kabinetterın körgen qonaqtar būl bastamalardyŋ aşyqtyq pen senımdılıktı qamtamasyz etetının atap öttı. Qonaqtarǧa tūrmystyq sybailas jemqorlyqty joiu, memlekettık qyzmettı alu kezınde qolaily jaǧdailar jasau jäne qoǧamdyq baqylaudyŋ ıske asyryluyn qamtamasyz etu maqsatynda «Astana adaldyq alaŋy» jobasy aiasynda atqarylyp jatqan bastamalar tanystyryldy.
Sondai-aq memlekettık mekemelerdıŋ biudjet qarajattarynyŋ jūmsaluyn onlain rejimde qoǧamdyq baqylauǧa mümkındık beretın «Aşyq biudjetterdıŋ interaktivtı kartasy» jobasy ūsynyldy. Departament qyzmetkerlerı karantin jaǧdaiynda tūrǧyndarmen jedel bailanys ornatuǧa qolaily «Antikor.Live» jobasy aiasynda jürgızıletın tıkelei efirler men brifing studiiasynyŋ jūmysy turaly aitty. Sybailas jemqorlyqqa qarsy qyzmet janyndaǧy aqparattyq-aǧartuşylyq ştabynyŋ jetekşısı Yrza Tūrsynzada qoǧamda sybailas jemqorlyqqa qarsy mädeniettı qalyptastyru, adaldyq pen parasattylyq qaǧidattaryn nasihattau baǧytynda atqarylyp jatqan jūmystary jönınde aqparat berdı.
Kezdesu qorytyndysy boiynşa Eraly Toǧjanov Sybailas jemqorlyqqa qarsy ıs-qimyl departamentı qyzmetındegı aşyqtyq pen qoǧammen syndarly yntymaqtastyqty qamtamasyz etudegı jūmysyna oŋ baǧasyn berdı. Sonymen qatar būl täjıribenı aqparattyq alaŋdarda keŋınen jariialap, basqa memlekettık organdardyŋ jūmysyna engızu qajettıgın atap öttı.
