Antyna adaldyq

Därıger Aqbota Äbış­baeva­men poiyzda tanys­tym. Mazam bolmai kele jatqanyn körıp: «Men dä­rıger edım» dep janyma kelıp, alǧaşqy därıgerlık kömek körsettı. Tıptı qysyl­taiaŋda qaltasynan tabyl­ǧan därısın de ışkızıp, Astanaǧa jetkenşe jaǧdaiym bırşama jaqsaryp qaldy.

– Därıgerler tek medisinalyq mekemelerde ǧana emes, qaida jürse de mındetın esten şyǧarmaidy. Qandai jaǧdaida bolmasyn, aldymen qol ūşyn beruge tyrysamyz. Öitkenı därıgerlerdıŋ özındık ūstanymy bar. Onyŋ bırınşısı mındetıne adaldyq bolsa, adam aǧzasyna ziian tigızbei em jasau da basty närse. Aldymen aurudyŋ jaiyn oilap, ol aiaǧynan tūryp ketpeiınşe bılımımız ben bılıgımızdı aiamaudy joǧary oqu oryndarynda qalyptastyrady. Zaman özgergen saiyn medisinalyq jaŋa därı-därmekter, emdeu barysyndaǧy özgerısterge män berıp, ünemı bılımımızdı jetıldırıp otyru da osy jauapkerşılıkten tuyndaidy, – dep özı turaly äŋgımesın jalǧastyrdy.
1985 jyly düniege kelgen Aqbota 2002 jyly halyqaralyq türık-qazaq universitetınıŋ şyǧys fakultetın bıtıredı. 2009 jyly jalpy täjıribelı därıger mamandyǧyn alyp, adam emdeudıŋ ekı ädısın de qatar meŋgeredı. 2010 jyly Astana qalasynyŋ medisina universitetınde qaita daiarlyqtan ötıp, jūqpaly aurulardy emdeitın därıger mamandyǧyn alyp şyǧady. Segız jyldan berı qalalyq jūqpaly aurular auruhanasynda eŋbek etıp keledı eken.
Jalpy, därıgerlerge ortaq bır qasiet bar siiaqty. Eŋ bastysy, jüzınen meiırım tögılıp, qarapaiymdylyǧy men aşyqtyǧy köŋılge senım ūialatady. Al auyrǧan jerıŋde şybyn janyŋ tūrǧandai qinalǧanda şipager jan­dardyŋ sabyrlyǧy keselıŋızdıŋ jartysyn jeŋgendei äser etedı. Eger bas auyryp, baltyr syzdaǧanda osy aitylǧan bar qasiet boiynda tabylǧan Aqbota siiaqty därıgerdıŋ qasymyzda jürgenı köŋılge dem berıp, jyluyn şaşady.

Aigül UAISOVA