«Aq jol» demokratiialyq partiiasy atynan Prezidenttıkke ümıtker Daniia Espaevanyŋ sailaualdy baǧdarlamasy

Qūrmettı otandastar!
Qazaqstan jaŋa tarihi däuırdıŋ bosaǧasyn attaǧaly tūr!
Elımız täuelsızdık alǧanǧa deiın talai qiyn-qystau kezeŋdı basynan ötkızdı. Al bügıngı künı bızdı jaŋa däuırdıŋ jaŋa beles­terı men asulary kütıp tūr. Osy baǧdarlamada respublikamyzdy odan ärı körkeitu maqsatynda memleket aldynda tūrǧan türlı synaqtardy anyqtap, olardan şyǧu joldaryn körsetkım keledı.
Adal bäsekelestık bolmaǧan jerde jappai käsıpkerlıkke jol joq.
Sol üşın bızge ärdaiym laiyqty ömır süruge jaŋa mümkındıkter aşyp, olardy keŋeitu kerek.
Al laiyqty ömırdıŋ kepılı – şeneunıkter emes, naryqtyq ekonomika, demokratiia jäne äleumettık ädıldık.

1. TŪRAQTY DAMUDYŊ NEGIZI – BÄSEKELESTIK PEN JAPPAI KÄSIPKERLIK
Halyq äl-auqatynyŋ negızı – tūraqty qarqyndy damu, jekemenşık biznestıŋ küşeiuı, adal bäsekelestık.
Men ärdaiym jeke käsıpkerlıktıŋ, äsırese şaǧyn jäne orta biznestıŋ tūraqty qoldauşysymyn. Bügıngı künı Otan aldynda jahandyq qauıpter tūr, olardy eŋsermei, būdan ärı damu mümkın emes.
Osy qauıpterdı jaŋa mümkındıkterge ainaldyru üşın kelesı ıs-şaralardy jüzege asyru qajet:

Ūlttyq bank jäne ekınşı därejelı bankter nesieler boiynşa mölşerlemelerdı tömendetuı tiıs.
Şaǧyn jäne orta biznestıŋ qūldyrauyna jäne halyqtyŋ kedeilenuıne äkeletın tūraqty devalvasiia täjıribesın toqtatu.
Eger ministr nemese Ūlttyq bank basşysy devalvasiia bolmaidy dep mälımdep, sosyn devalvasiia bolsa – şeneunık qyzmetten ketuı tiıs.
Qor qūraldary arqyly balamaly, banktık emes qarjylandyrudy damytu kerek. Memlekettık qoldaudaǧy «Astana» halyqaralyq qarjy ortalyǧy syndy käsıporyndar atalmyş ädıster arqyly qamtamasyz etıluı kerek.
Salyqty äkımşılıktendıru men eseptılıktı yqşamdatu, biznestıŋ şyǧys operasiialaryn toqtatu men şottarǧa tyiym saludan bas tartu; eger käsıpkerlerdıŋ memleketke nemese basqa tūlǧalarǧa zalaly timegen bolsa, käsıpkerler üşın aiyppūldardy joiu;
Käsıpkerlık qyzmetke kedergı keltırgenı üşın şeneunıkterdıŋ jauapkerşılıgın küşeitu;
Basym salalar üşın (auyl şarua­şylyǧy men auylşaruaşylyq önımderı, jeŋıl önerkäsıp, maşina jasau salasy) tömendetılgen qosymşa qūn salyǧynyŋ mölşerlemesın engızu; nemese qosymşa qūn salyǧyn kaskadsyz ädıspen alynatyn satu salyǧyna auystyru;
Memlekettık satyp alu jüiesın jetıldıru, olardyŋ aşyqtyǧyn qamtamasyz etu, para beru mümkındıgın boldyrmau;
Otandyq kompaniialardyŋ ışkı naryqtaǧy basymdyǧyn qamtamasyz etu;
Ūlttyq kompaniialardyŋ jäne damu instituttarynyŋ qyzmetıne parlamenttık monitoring engızu, olardyŋ memlekettık qarajattardy paidalanu tiımdılıgın qamtamasyz etu.
Şekaralyq jäne salyqtyq tär­tıptı qosa alǧanda, memlekettık organdar men biznestıŋ özara ärekettestıgın sifrlandyru jüiesıne köşıru; aila-amal men bopsalauşylyqty joiu.
Memleket özdıgınen tabys tauyp, biudjetke salyq tölep, basqalarǧa jūmys beretınderdı qoldauǧa mındettı!

2. ŪLTTYQ TÄUELSIZDIK
Ärqaisysymyz üşın Qazaq Respublikasynyŋ täuelsızdıgı men onyŋ ūlttyq müddelerınıŋ saqtaluy – basty qūndylyq.
Täuelsızdık jolynda qūrban bolmaitūǧyn eş närse joq – būl zamanaui Qazaqstannyŋ negızın qalauşy Nūrsūltan Nazarbaevtyŋ sözı. Öz kezegınde «Alaş» köşbasşysy Älihan Bökeihan «Memlekettılıgı joq halyq – jetım halyq» dep atap ötken.
Sol sebeptı Qazaq Respublikasynyŋ tä­uelsızdıgın qamtamasyz etu jäne onyŋ ūlttyq müddelerın qorǧau – mındetımız. Täuelsızdık qūr bos söz emes. Būl – bızdıŋ elımız, jerımız, babalarymyzdan qalǧan mūra, būl – memlekettık tıl, būl – bızdıŋ köpūltty halqymyzdyŋ bırlıgı.
Täuelsızdık, jer tūtastyǧy men ūlttyq bıregeilık te ärbır adamnyŋ qūqyqtary jäne bostandyqtarymen qatar tūratyn respublikanyŋ basty qūndylyqtary.
Täuelsızdıktıŋ maŋyzdy jetıstıgı – bızdıŋ elde ömır süretın barlyq etnostardyŋ tılı men mädenietıne degen özara syilastyǧy; azamattardyŋ teŋ qūqyqtary men ūlttyq sezımderıne qūrmet.
Men ūltymyzdyŋ tarihy, memlekettık tılı men ūlt mädenietıne, sol siiaqty basqa etnostardyŋ mädenietı men tılderıne degen syilastyqty qoldaimyn;
«Aq jol» partiiasy respublika­myz­daǧy geografiialyq nysandardyŋ, köşeler men eldı mekenderdıŋ ataularyndaǧy tarihi ädıldıktı qalpyna keltıru, de-sovetizasiia jäne de-kommunizasiia boiynşa jūmysyn jalǧastyrady.
Konstitusiianyŋ negızgı baptary, memlekettık tıl jäne Qazaqstan tarihy emtihanyn tapsyrǧan soŋ ǧana QR azamattyǧyn berudı zaŋdy türde bekıtu.
Qazaqstan halyqtarynyŋ dästürlı dınderın qoldau jäne ony böten sektalar men terıs aǧymdardan qorǧau.

3. JEMQORLYQQA QARSY KÜRES JÄNE DE- OFFŞORİZASİIа

Qoǧamdy alaŋdatyp, bilıkke narazylyq tuǧyzatyn negızgı problemalardyŋ bırı – sybailas jemqorlyqqa qarsy kürestıŋ tiımsızdıgı, sot jäne qūqyq qorǧau organdaryna senımsızdık.
Būl problemany şeşu üşın «Aq jol» partiiasy:
är qazaqstandyqtyŋ menşıgı men jeke biznesın jemqorlar jäne olardyŋ sybailastarynan qorǧaudy;
basşylardan olardyŋ qyzmetkerlerınıŋ jemqorlyǧy üşın jauapkerşılık talap etudı;
azamattardyŋ bilık ökılderıne qarsy şaǧymdarynyŋ ädıl jäne jariia qarastyryluyn;
äşkere bolǧan jemqorlardyŋ jürıp-tūruyn, şetelge şyǧu jäne menşıgın basqaru qūqyǧynyŋ zaŋnamalyq şekteluın;
sottyŋ şynaiy täuelsızdıgın, olar­dyŋ jūmystan tys uaqyty men zeinet­ke şyǧuynan keiıngı jeke qauıpsızdıgı men jo­ǧary äleumettık qorǧaluyn;
barlyq aşyq sot otyrystarynyŋ internet boiynşa transliasiialanuyn;
sybailas jemqorlyq faktısı turaly mälımdegen jaǧdaida, bopsalauşylyq qūrbanyn jauapkerşılıkten bosatuyn talap etedı.
Sybailas jemqorlyqqa qarsy ıs-ärekettıŋ maŋyzdy qūraly – bilık ıs-äreketınıŋ jariialylyǧy men onyŋ qoǧam aldyndaǧy esep beruge mındettılıgı bolmaq. «Aq jol» partiiasy jurnalisterdıŋ äşkere materialdary üşın qudalanudan qorǧaluyn qoldaidy. Baspasözdıŋ auzyna qūlyp saluǧa bolmaidy.
Sybailas jemqorlyqpen küresudıŋ basty baǧyty, sondai-aq, offşorlyq aimaqtar men şeteldık bankterden milliardtaǧan qarajatty Qazaqstanǧa qaitaru bolmaq. Būl qarajat – qara niettı jemqorlar men alaiaqtardyŋ halyqtan ūrlaǧan aqşasy.
Halyqaralyq sarapşylardyŋ esebınşe, jemqorlar memleketımızden zaŋsyz türde 160 mlrd-tan astam aqşa şyǧarǧan. Būl aqşalardyŋ ūrlanyp, Qazaqstannan ketuı sebeptı eldegı keibır azamattar jūmys taba almai jür.
«Aq jol» partiiasy şeneunıkterdıŋ off­şorlyq şoty turaly banktık qūpiianyŋ alynyp tastalyp, özderı qaidan alǧanyn tüsındıre almaityn aqşanyŋ anyqtaluyn jäne qaitaryluyn talap etedı.
Būl talaptyŋ zaŋ aiasynda jūmys ısteitın adal käsıpkerler men käsıporyndarǧa qatysy joq.
***
Qūrmettı otandastar!
Men būl sailauǧa halqyma jäne Otanyma adal qyzmet etu üşın qatysyp jatyrmyn.

Ömırdı däl osynda, däl qazır özgertpei, jaqsarta almaimyz.
Men osyndai özgerısterdıŋ uaqyty keldı dep esepteimın.

Aq jol, Qazaqstan!

QR Prezidenttıgıne ümıtker D.M.Espaevanyŋ sailau qorynyŋ qarajatynan tölendı.