Aqparattyq saiasat: Jetıstıkter men kemşılıkter

Qazır memlekettık organdar köbınese mäsele uşyǧyp bara jatqan­­nan ­keiın, basqaşa aitqanda, «bolary bolǧan soŋ» baryp qimyl­daidy. Mäselenıŋ aldyn alu üşın tiıstı tüsındırme jūmystaryn jürgızu joq­tyŋ qasy. Ja­uapty mekemeler osy jaǧyn oilai qoimaidy. Sondyqtan halyqqa qajet aqparat uaqytynda jetpeidı. Astana qalasy mäslihatynyŋ memlekettık aqparattyq saiasatty ıske asyruǧa arnalǧan qoǧamdyq tyŋdauynda mäslihat deputaty Miras Şekenov osyndai oryndy pıkır aitty.

Mysal üşın ol kömırge, qoǧam­dyq kölıktegı jaŋa jolaqy jüie­sıne qatysty halyqtyŋ tüsı­nıspeuşılıgın keltırdı. Būl tūrǧydan tiıstı basqarmalar aq­paratty taratu jaǧynan olqy­lyq jıberıp alǧanyn jetkızdı. Aq­parattyq saiasat talqylanǧan jiynda özge deputattar da nazar audaratyn jaǧdailardy atap kör­settı. Negızgı baiandamany ja­saǧan qalalyq Qoǧamdyq damu ıs­terı basqarmasynyŋ basşysy Daniiar Esin osy baǧytta atqarylyp otyr­ǧan jūmystarmen tanystyrdy.
Onyŋ aituynşa, memlekettık aqparattyq saiasatty üilestıru jäne ony tiımdı türde ıske asyru üşın qaladaǧy barlyq basqarma basşylarynyŋ bırınşı orynbasarlarynan qūralǧan jūmys toby qūryldy. Qalalyq basqarmalarda BAQ-pen jūmys ısteitın jauapty qyzmetkerler bekıtıldı. Memlekettık saiasattyŋ negızgı baǧyttaryn nasihattau boiynşa 18 jeke media-jospar äzırlendı. Rezonansty jaǧdailar tuyndaǧanda üş saǧattyŋ ışın­de äreket etu mehanizmı engı­zıldı. Jedel aqparat almasu maq­sa­tynda chat-messendjerler qū­ryldy. Äleumettık mäseleler negızınen iKomek ortalyǧyna ke­lıp tüsken ötınışter men habar­lamalar arqyly şeşıledı. Radio­lar halyqqa qajet, paidaly aq­paratty jedel taratuǧa sep boluda.
«Zertteu nätijelerıne jügınsek, Qazaqstan halqynyŋ 70 paiyzy äleumettık jelılerdı qoldanyp, 30 paiyzy olarǧa nemqūraily qaraidy. Būl jaǧynan Astana köş bastap tūr, astanalyqtardyŋ 88 paiyzy jelını qoldanady. Osyǧan bailanysty jergılıktı atqaruşy organdarynyŋ jaŋalyqtaryn tanymal äleumettık jelılerde taratu jūmysyn jürgızıp otyrmyz» dedı D.Esin.
Qazır Astanada 367 būqaralyq aqparat qūraly tırkelgenın, onyŋ 259-y tūraqty türde jūmys ıstep tūrǧanyn (baspa qūraldary – 208, elektrondy qūraldar – 51), 18 telearna men 12 radio aqparat taratyp otyrǧanyn jetkızgen baiandamaşy maŋyzdy memlekettık baǧdarlamalardan astanalyqtardy aqparattandyru deŋgeiı joǧary ekenın aitty. Atap aitqanda, Prezidenttıŋ bes äleumettık bas­tamasy boiynşa aqparattandyru deŋgeiı 78,4 %, «100 naqty qadam» Ūlt jospary boiynşa 72,8 %, «Ruhani jaŋǧyru» baǧdarlamasy boiynşa 71%, «Nūrly jol» memlekettık infraqūrylymdy damytu baǧdarlamasy boiynşa 70,9 % qūraidy.
Bırqatar basqarma basşysy halyqty aqparattandyru jūmysy boiynşa esep bergennen keiın qūramyna «Astana aqşamy» jäne «Vecherniaia Astana» gazetterı men «Elorda.info» saity kıretın «Elorda Aqparat» JŞS direktory Qaisar Jūmabaiūly qos gazet materialdary negızınde Astananyŋ 20 jyldyǧyna tartu retınde qazaq jäne orys tılderınde şyǧatyn kıtaptar äzırlenıp jatqanyn, onda elordanyŋ bas­tauynan osy künderge deiıngı şe­jıresı qamtylatynyn aita kele, basylymdardyŋ baǧyt­ta­rymen tanystyrdy. Gazetterdegı «Deputat dauysy» jäne «Vestnik deputata» betterın qazırgıdei ekı aida bır emes, aiyna bır nemese ekı retten şyǧaru ūsynysyn aitty.
Mäslihat deputaty Qaraqat Abden özınıŋ zertteuınşe, äleumettık jelıde köbınese tūrǧyn üi-kommunaldyq şaruaşylyq, kölık, bılım mäselelerı boiynşa aryz-şaǧymdar tüsetının jetkızdı. Basqarmalar tiıstı jūmystardy jürgızgenımen, halyqtyŋ būl jūmystardan habary az bolyp jatqanyn, jastar ärtürlı mäseleler boiynşa aqparat taba almaǧan soŋ özıne köp sūraq qoiatynyn aitty. «Vikipediiada» Astana turaly mälımet beretın resmi paraqşa joqtyǧyn, bar bolsa orys tılınde ǧana ekenın jäne ärtürlı, bır-bırıne säikes kelmeitın aqparattardy ǧana qamtyǧanyn aitqan deputat elordany älemdık deŋgeide nasihattau, bas qalaǧa turisterdı tartu maqsatynda osy olqylyqty toltyru kerektıgıne nazar audardy. Onyŋ pıkırınşe, tiıstı paraqşa orys tılımen qatar qazaq, aǧylşyn, türık jäne özge tılderde de boluy kerek.