Astananyŋ 20 jyldyǧyna arnalǧan elordanyŋ el aimaqtaryndaǧy mädeni künderı 12 mamyr künı Aqtöbe oblysynan bastau aldy.
Üş künge sozylǧan şara şeŋberınde «Astana – Aqtöbe oblysy arasyndaǧy aimaqaralyq yntymaqtastyq» atty biznes-forum ūiymdastyrylyp, oblys ortalyǧynda «Astana» saiabaǧynyŋ estelık kapsulasyn salu saltanaty öttı. «Astanadan aq tılek» atty arnaiy baǧdarlama aiasynda bas qalanyŋ şyǧarmaşylyq ūjymdary aqtöbelıkterdıŋ aldynda öner körsettı.
Astanalyq delegasiiany Aqtöbege qala äkımınıŋ orynbasary Ermek Amanşaev bastap baryp, öŋırdıŋ investisiialyq jobalary körmesımen tanysty. Iskerlık ortanyŋ, damu instituttary jäne memlekettık organdardyŋ ökılderımen bırge biznes-forumǧa qatysty. Basqosu barysynda käsıpkerlıktı qoldauǧa baǧyttalǧan aimaqtyq baǧdarlamalar, investisiialyq mümkındıkter, memlekettık-jekemenşık ärıptestık jobalary, Smart City tūjyrymdamasy, ekonomikany sifrlandyruǧa qatysty innovasiialyq şeşımder, qyzmet körsetu salasynyŋ damuy, biznestı damytudaǧy sifrlyq marketing rölı talqylandy.
Jiyn qorytyndysynda aimaqaralyq yntymaqtastyqty damytu, öŋırlerdıŋ bäsekege qabılettılıgın arttyru jönındegı kelısımder jasaldy. Tiıstı kelısımşarttar Astana jäne Aqtöbe oblystarynyŋ äkımdıkterı arasynda bekıtıldı. Būǧan qosa, tauar öndıruşıler men öŋırlerdı damytu instituttary arasynda özara yntymaqtastyq jönındegı 9 memorandumǧa qol qoiyldy.
Atap aitqanda, Astana qalasynyŋ «Şapaǧat» kommunaldyq bazaryna azyq-tülık tauarlaryn, elordaǧa qūrylys materialdaryn jetkeru, «Sergek» atty jol qauıpsızdıgı erejelerın būzu oqiǧalaryn foto jäne beinekameralar arqyly tırkeudıŋ avtomatty jüiesın, sondai-aq, köşelerdıŋ jaryqtandyryluyn jasandy aqylmen basqaruǧa arnalǧan Smart City jüiesın Aqtöbe qalasynda engızu, «e-PİK» elektrondy jüiesın Aqtöbege engızu mümkındıkterın zertteu, Astanaǧa qalpyna keltırılgen avtokölık şinalaryn, rezeŋke önımderın jetkızu turaly yntymaqtastyq jasaldy.
«Astana» saiabaǧy Aqtöbedegı «Nūr ǧasyr» meşıtı men bır aidan soŋ aşylatyn jaŋa AHAJ ǧimaratynyŋ ortasyndaǧy 4,3 gektar jerge ornalasady. Saiabaqtyŋ estelık kapsulasyn salu saltanatyna Astana qalasy äkımınıŋ orynbasary Ermek Amanşaev pen Aqtöbe oblysynyŋ äkımı Berdıbek Saparbaev qatysty.
Jaŋa saiabaq zor simvolikalyq mänge ie. Bırınşıden, onyŋ qūrylysy Astananyŋ 20 jyldyǧy toilanatyn jyly bastaldy. Ekınşıden, «Qazaq halqyna myŋ alǧys» stelasy, QR Tūŋǧyş Prezidentı N.Nazarbaev saiabaǧy jäne «Bırlık jäne kelısım» bulvary bıryŋǧai säulet-saiabaq keşenınde ornalasady. Üşınşıden, būl – jaqynda «Astana» atauyna ie bolǧan jaŋa audandaǧy alǧaşqy nysan.
Astanalyq investorlardyŋ qatysuymen saiabaqta türlı baǧaly sūrypty aǧaştar otyrǧyzylyp, gülder men gazon salynyp, balalar alaŋdary men oryndyqtar ornatylady. Nysan bolaşaqta Qazaqstan astanasynyŋ basty simvoldaryn beineleitın şaǧyn säulet müsınderı bar zamanui saiabaqqa ainalady dep josparlanǧan.
Mädeni baǧdarlamaǧa kelsek, Astananyŋ Täuelsızdık saraiy Aqtöbede ūiymdastyrǧan «Elbasy-Elorda» atty körmege 50 suretşınıŋ 100-den asa tuyndysy qoiyldy. Olardyŋ arasynda S.Smaǧūlov, M.Bekeev, R.Qūlbatyrov, S.Allabergenov, N.Qarjasov jäne özge de suretşılerdıŋ kartinalary bar. Sondai-aq, körmede Janna Spunerdıŋ jeke kolleksiiasynan alynǧan eŋbekter, astanalyq şeberlerdıŋ müsınderı men kartinalary, Ömırbek Tıleulievtıŋ «Elım-ai» seriiasy köpşılık nazaryna ūsynyldy.
Al saltanatty konsertte Astana qalasy Memlekettık akademiialyq filarmoniiasynyŋ ūjymdary – «Saryarqa» halyq muzykasy, «Şalqyma» halyq biı, estradalyq bi ansamblderı, qazaq orkestrı, klassikalyq, estradalyq jäne halyq vokaly bölımınıŋ solisterı öner körsettı.
Tūrsynbek Qabatov, Beibıt Qorǧan, Klara Tölenbaeva, Rinat Malsagov, Bibıgül Janūzaq, Qairat Baekenov jäne «Format» toby, «Art-Dombyra» toby jinalǧan qauymǧa köterıŋkı köŋıl küi syilady.
Q.Quanyşbaev atyndaǧy Memlekettık akademiialyq qazaq muzykalyq drama teatrynyŋ akterlerı Talǧat Temenov sahnalaǧan «Qyzyl oramaldy şynarym» jäne jas dramaturg Oljas Janaidarovtyŋ «Jūt» spektaklderın ūsyndy. Aşyq aspan astynda konsert ūiymdastyryldy.
