Elordada 2011 jyldan berı qolǧa alynǧan «Smart Astana» jobasy qalanyŋ bet-beinesın naǧyz astanalyq deŋgeige jetkızu maqsatyndaǧy tyŋ bastamalarymen, zamanaui täsılderımen erekşe. Tūrǧyndardyŋ jaily ömırı men qauıpsızdıgın qamtamasyz etetın būl jüienı odan ärı jetıldıre tüsu mäselesı keşe Astana äkımı Ädılbek Jaqsybekovtıŋ töraǧalyǧymen ötken apparat keŋesınde keŋınen talqylandy.
«Aqyldy Astana» jobasynyŋ basty maqsaty – bas qalany älemnıŋ intellektualdy, innovasiialyq qalalarynyŋ bırıne ainaldyru. Sonyŋ aiasynda qalaǧa tiımdı, tūrǧyndardyŋ tırşılıgıne qolaily köptegen joba paidalanuǧa berıldı. Mysaly, qauıpsızdıktı qamtamasyz etetın «İntellektualdyq kölıktık jüie, bılım oşaqtarynda qolǧa alynǧan «Bolaşaqtyŋ mektebı», medisinalyq kölıkterdı aqparattyq-navigasiialyq jüielermen jabdyqtauǧa jol aşqan «E-jedel järdem» syndy jobalardyŋ tügelı «Smart Astana» şeŋberınde jüzege asqanyn jūrtşylyq jaqsy bılse kerek. Qoǧamdyq oryndarda, ırı sauda ortalyqtarynda ornatylǧan «Open Wi-Fi» jobasy da – sonyŋ jemısı. Alaida qala äkımı tūrǧyndarǧa tegın internettı paidalanuǧa mümkındık beretın būl jobanyŋ sapasy köŋıl könşıtpeitının, köpten berı onymen eşkım ainalyspaǧanyn synǧa aldy. İnternettıŋ sapasyna bailanysty şaǧymdar da köp. Sondyqtan Ädılbek Ryskeldıūly telekommunikasiialyq jelıler mäselesın şeşudı tapsyrdy. Äkımnıŋ aituynşa, keleşekte qalany tūtas internetpen qamtamasyz etu jobalanyp otyr. Oǧan ynta bıldırgen biznesmender de bar körınedı.
Jiynda tiıstı qūrylymdar men tırşılıktı qamtamasyz etu jüielerınıŋ tūrǧyndarmen tyǧyz jūmys ısteu kerektıgı de aityldy. Äsırese, jūrtşylyq jiı habarlasatyn «109» qyzmetı halyqtyŋ naǧyz kömekşısıne ainaluy kerek.
–Būl bailanys ortalyǧy kündelıktı jūzdegen qoŋyraulardy qabyldaǧanymen, älı de tolyq jūmys rejimıne köşe qoiǧan joq. Operatorlardyŋ jūmysyn da şiratu kerek. Kem-ketıkterdı kelesı jyldyŋ 1 qaŋtaryna da tüzetıp, tūrǧyndarǧa sapaly qyzmet körsetudı tapsyramyn, – dedı äkım.
Jaryq, su, jylu – tūrǧyndardyŋ basty tırşılık közı. Sondyqtan būl salanyŋ jūmysyna tıkelei jauapty mekemeler de halyqpen tyǧyz bailanys ornatyp, qandai da bır kemşılık tuyndai qalsa, elmen kerı bailanys ornatqany läzım.
