Bügıngı taŋda elordadaǧy «Nūrjol» bulvarynda 487 kölıkke arnalǧan aqyly tūraq jūmys ıstep tūr. Aldaǧy uaqytta taǧy 5 myŋ kölıkke aqyly tūraq aşu közdelıp otyr. Jalpy bas qalada mūndai aqyly tūraqtar sanyn 10 myŋ orynǧa jetkızu közdelude.
Būl joba memlekettık-jekemenşık ärıptestık negızınde 2018 jyldan bastap qolǧa alynǧan bolatyn. Ol Kölık jäne jol-kölık infraqūrylymyn damytu basqarmasy men «Astananyŋ kölık tūraǧy keŋıstıgı» JŞS arasyndaǧy şart aiasynda jüzege asyryluda. Joba 20 jylǧa arnalǧan. Jobany qarjylandyru jeke käsıpkerlıkke jüktelgen. Atalǧan jüiege 1,2 mlrd teŋge investisiia salynǧan. Biyldyŋ özınde oǧan 600 mln teŋgeden astam qarjy bölındı.
«Memleket tek aqyly kölık qoiatyn oryndarǧa jer telımderın ǧana böledı. Qalǧan jūmystardyŋ bärın jeke käsıpker atqarady» deidı basqarma basşysynyŋ orynbasary Älihan Kuatbekov.
«Astananyŋ kölık tūraǧy keŋıstıgı» JŞS basşysy Şyŋǧys Dosybaev aqyly oryndar kölık jüktemesı köp uchaskelerde aşylatynyn eskerttı.
«Aqyly kölık oryndary Respublika – Saryarqa daŋǧyly – Bögenbai batyr daŋǧyly – Jaǧalau aumaqtarynda aşylady. Esıl audany boiynşa: Syǧanaq – Saraişyq – Mäŋgılık el – Tūran daŋǧylynda ornalasady. Kondominiumǧa qaraityn üilerdıŋ, biznes-ortalyqtarynyŋ jäne basqa infraqūrylym nysandarynyŋ maŋaiy tegın bolyp qala beredı» dedı ol.
Onyŋ aituynşa, aqyly oryndardyŋ parkomattary ūdaiy antiseptermen zalalsyzdandyrylyp tūrady. Degenmen, parkovkaǧa aqşa tölegende medisinalyq qolǧaptardy kiiu kerek ekenın eskerttı.
Demalys jäne mereke künderı tegın
Aqyly kölık oryndary jūmys künderı saǧat 8:00 – 20:00 aralyǧynda ısteidı. Demalys jäne mereke künderı tegın. Aqyly oryndardyŋ bır saǧaty – 100 teŋge. Aqşa kölıktı qoiǧannan keiın 30 minut ışınde tölenuı tiıs.
«Qazan aiynda qolma-qol aqşasyz esep aiyrysuǧa arnalǧan «|Zaŋdy tūlǧalarǧa arnalǧan abonementter» jobasy ıske qosyldy. Korporativtık abonementterdıŋ tūtynuşylaryna elektrondyŋ esepşot-fakturasy men atqarylǧan jūmystardyŋ elektrondyq aktılerı berıledı. Abonement avtomobildıŋ memlekettık nömırıne bekıtıledı. Mūndai abonement ielerı qalanyŋ barlyq aqyly oryndaryna qūjattaryn körsetpei-aq kölıkterın qoia alady. Jüie tölem tölengenın avtomatty türde anyqtaidy» deidı Şyŋǧys Dosybaev.
Aiyppūl tölemnen20 ese köp
Nūr-Sūltan qalasynda aqyly kölık oryndary aşylǧaly 3 jylǧa taiau uaqyt ışınde biudjetke tölengen tölemderden görı aiyppūl kölemı 20 ese köp tüsken.
Jyl basynan berı aqyly oryndardyŋ tölemın jasamaǧan 11 myŋ zaŋ būzuşylyq anyqtaldy. Olarǧa 92 mln teŋge aiyp salyndy, byltyr säikesınşe merzımde 23 myŋ zaŋ būzuşylyqtar üşın kölık ielerınen 176 mln teŋge aiyp somasy öndırılgen eken.
Aqyly kölık oryndaryn fotobeinebaqylau ornatylǧan arnaiy ūtqyr top qadaǧalaidy. Tölem jasamaǧandar turaly faktıler äkımşılık polisiiasyna jıberıledı. Aqyly oryndardyŋ tölemın jasamaǧandar üşın 3 AEK (8334 teŋge) bekıtılgen.
Qoǧamdyq keŋestıŋ baqylauynda
Jaqynda aqyly kölık qoiatyn oryndardyŋ jūmysyn qalanyŋ Qoǧamdyq keŋes müşelerı de talqylady. Olar aqyly oryndar kölık köp şoǧyrlanǧan tūstarǧa qoiyluy kerek bolǧanymen, joba operatory ony saiabaqtardyŋ maŋaiyna jäne basqa qoǧamdyq keŋıstıkterge de ornalastyruǧa müddelı ekendıgıne narazy.
«Jer uchaskelerın Säulet, qala qūrylysy jäne jer qatynastary basqarmasy beretındıgıne qaramastan, sol aumaqtaǧy vedomstvolar da būl proseduraǧa aralasuy kerek. Öitkenı erteŋ aqyly kölık oryndary dūrys ornalasqan ba, ol sol aumaqqa qajet pe degen saualǧa sızder jauap beresızder» dedı qalalyq Qoǧamdyq keŋestıŋ töraǧasy Sansyzbai Esılov Kölık jäne jol-kölık infraqūrylymyn damytu basqarmasynyŋ ökılderıne qarata.
Qoǧamdyq keŋestıŋ aldaǧy uaqytta monitoringtık top qūryp, astananyŋ aqyly kölık oryndaryn tekseru nietterı bar ekenın jetkızdı.
