«Astana» konsert zalynda elordalyq filarmoniiaǧa qarasty «Qorqyt» dästürlı saz tobynyŋ V konserttık mausymy äigılı küişı – kompozitor Qazanǧap Tılepbergenūlynyŋ 165 jyldyǧyna arnalǧan «Aqjeleŋ» küi keşımen aşyldy.
Osy keşke arnaiy qatysqan Qazaq ūlttyq öner universitetınıŋ dosentı, qazanǧaptanuşy Edıl Basyǧaraevtyŋ aituynşa, Qazanǧap küişılık pen änşılıktı qatar ūstap, terme, jyrlar da aitqan. Mūndai derektı küişınıŋ balasy Boranbai qaldyryp ketken. Jalpy, bırneşe önerdı alyp jüru sol zaman önerpazdaryna tän bolǧan eken. Jaqynda jaryq körgen «Serper Aqjeleŋ» kıtabynda da Qazanǧaptyŋ küilerı än siiaqty sözderımen berılgen.
HIH ǧasyrdyŋ ekınşı jartysynda – HH ǧasyrdyŋ basynda ömır sürgen Qazanǧaptyŋ mūrasy qazaqtyŋ ötkenı men bügınınen syr tartyp, bolaşaǧyn boljaidy. Küişı köne däuırdegı, öz zamanyndaǧy saiasi oqiǧalardy küilerıne arqau ettı. Mäselen, halyq tarihynyŋ almaǧaiyp kezeŋın «Noǧaily bosqyny» küiımen körsetıp, ötken ǧasyrdyŋ on altynşy jylǧy patşa jarlyǧyna qarsy «Jūrtta qalǧan», «Okop» degen küilerdı şyǧaryp, küŋırenedı. Qazan töŋkerısınen keiıngı el ömırınıŋ tübırlı özgerısterın ūly köşke teŋep, «Qyzyl keruen» dep bebeuleidı. Al «Maida qoŋyr», «Uchitel», «Öttı-au dünie», «Kökıl» siiaqty küilerınde ömırdıŋ mänı men sänın aityp, bügın men bolaşaqtyŋ qamy turaly tausyla tolǧanady. Öner zertteuşılerı Qazanǧap kertolǧau sarynynyŋ, zar zaman taqyrybynyŋ asa daryndy ökılı dep anyqtama beredı. Qazanǧaptyŋ küilerı halyqqa Jäleke Aipaqov, Kädıraly Erjanov, Matai Quantaiūly, Qūrmanǧali Ömırzaqov, Nūrqat Qosuaqūly, Medeubai Baqtybergenūly syndy şäkırtterı arqyly jettı. Akademik Ahmet Jūbanov, «tırı Qazanǧap» atanǧan Säduaqas Balmaǧambetov, Baqyt Basyǧaraev, Äbdılhamit Raiymbergenov Qazanǧaptyŋ küilerınıŋ zertteluı men nasihattaluyna ülken üles qosty. Al būl keşte Qazanǧaptyŋ «Şyny aiaq», «Aqjeleŋ», «Jūrtta qalǧan» syndy bırneşe küiımen qatar M.Berdıǧūlovtyŋ, Ş.Qorǧanbektıŋ, E.Qūsaiynovtyŋ şyǧarmalary şalqydy.
Berık
ŞÄMŞIKENOV
