Astana qalasynda därıgerler men medbikelerdıŋ bılıktılıgın şyŋdaityn arnaiy oqu-klinikalyq ortalyq bar. Qūrylǧan toǧyz jyldyŋ ışınde būl ortalyq bırtalai jetıstıkterge jettı.
Elorda äkımdıgınıŋ qoldauymen qūrylǧan ortalyq aqjeleŋdılerdı oqytuda, olardyŋ därıgerlık maşyǧyn qalyptastyruda taptyrmaityn ädıs – simuliasiialyq tehnologiialardy paidalana otyryp oqytady. Būl degenıŋız – aurudy jäne onyŋ belgılerın jasandy türde ūiymdastyryp, «nauqastarǧa» qandai jolmen, qalai jedel kömek beruge bolatynyn körsetu. Ol üşın arnaiy manekender men mulliajdar paidalanylady. Manekenderdıŋ syrtqy tür-pışını men «terısı» adamǧa ūqsas jasalǧan. Jansyz beinelerdıŋ ışıne arnaiy pult-pen basqaruǧa bolatyn kompiuterlık baǧdarlama engızılgen. Därıger-nūsqauşy sol pult arqyly qandai da bır auruǧa, onyŋ belgılerıne klinikalyq ssenarii qūrady. Mysaly, adamnyŋ jüregı kenet toqtaǧanda, jürek-qan tamyrlary qyzmetınıŋ jıtı būzylystarynda qandai jedel kömek körsetılu kerektıgı oqytylady. Al eger medisina qyzmetkerı bır jerden mült ketse, älgı manekenderge «tıl bıtıp», auyrsynǧanyn bıldıredı.
Bügıngı taŋda Astana qalasy boiynşa şūǧyl jaǧdailarda jedel medisinalyq kömek beru daǧdylaryna oqytu boiynşa standarttalǧan kurstarynan medisinalyq jäne medisinalyq emes mamandyqtardan 15 000-nan asa adam öttı.
Ortalyqtaǧy därıster qazaq, orys jäne aǧylşyn tılderınde jürgızıledı. Oqytu baǧdarlamalaryn tūraqty jetıldıru üşın barlyq öŋırlerınde jedel medisinalyq kömek körsetu qyzmetın baǧalau nysanaly indikatorlary engızılgenın de atap ötu qajet.
Biyl Astananyŋ oqu-klinikalyq ortalyǧynyŋ bastamasymen halyqaralyq deŋgeide simuliasiialyq oqytuǧa bailanysty konferensiia öttı. Jiynǧa qatysuşylar jedel medisinalyq kömek körsetu qyzmetı jūmysyna jaŋa tehnologiialardy engızu jäne medisinalyq kadrlardy daiarlau täjıribesınde simuliasiialyq tehnologiialardy qoldanu jaiyn talqylai kele, alǧaşqy mediko-sanitarlyq kömektı integrasiialau, eresekter men balalardyŋ ömırıne qauıp töngen kezdegı şūǧyl kömekter jönınde oi-pıkırlerın ortaǧa saldy. Konferensiia aiasynda alǧaş ret jedel medisinalyq kömek körsetu brigadalarynyŋ jarystary ötkızıldı. Qatysuşylar ärtürlı situasiialyq jaǧdaiattar, sonyŋ ışınde jaŋa tuǧan närestege jansaqtau şaralaryn jasau, köp jaraqatta jäne fosforoorganikalyq qosylystarmen ulanǧanda qandai kömek körsetu kerektıgın jūrtşylyqqa körsettı.
Ortalyqtyŋ taǧy bır maŋyzdy baǧyty – halyqaralyq yntymaqtastyq jäne täjıribe almasu. Bügınde ortalyq Japoniia, AQŞ, İzrail, İspaniia, Oŋtüstık Koreia, Finliandiia, Singapur, Litva, Resei, Belorussiia, taǧy basqa köptegen bedeldı ortalyqtarmen yntymaqtasa jūmys ıstep, şeberlık därıster, treningter, kürdelı ota-lar, şeteldık jetekşı professorlardyŋ qabyldauyn ūiymdastyryp keledı. Osy toǧyz jyl ışınde ana men bala densaulyǧyn qorǧau mäselelerıne arnalǧan 100-den astam şeberlık därısterın, treningter, tälımgerlık baǧdarlamalar ötkızdı jäne 4 myŋnan astam medisina qyzmetkerı alys jäne jaqyn şeteldıŋ jetekşı ǧylymi ortalyqtary men klinikalarynda oqyp keldı. Şeteldık myqty mamandardyŋ şeberlık därısterı arqasynda Astanada 200-ge juyq ota jasaldy, 1 myŋnan astam nauqasqa täjıribelık, keŋestık kömek körsetıldı.
Bügıngı künı 16 myŋnan astam medisinalyq jäne medisinalyq emes mamandardy oqytyp şyǧarǧan ortalyq elımızdıŋ barlyq oblystarynda aimaqtyq bölımşeler jelısın qūryp, 2014 jyldan bastap respublikalyq deŋgeige şyqty.
Oqu-klinikalyq ortalyqtyŋ basty maqsaty – densaulyq saqtau salasynyŋ deŋgeiın joǧary köteruge üles qosyp, tūrǧyndarǧa sapaly qyzmet körsetu.
