Elordanyŋ Baiqoŋyr audanyna qarasty Belsendı ūzaq ömır süru ortalyǧynda «Raqmet saǧan, qazaq elı!» atty mädeni-tanymdyq kezdesu öttı.
Is-şaraǧa Qazaqstan halqy assambleiasynyŋ müşesı Roza Qalipenova, Amanat partiiasynyŋ müşesı, deputat Estek Qanat, Baiqoŋyr audany äkımınıŋ orynbasary Şūǧyla Qūdaibergen, Belsendı ūzaq ömır süru ortalyǧynyŋ basşysy Mūhtar Erketaev jäne ortalyqtyŋ bır top qyzmet aluşysy qatysty.
Kezdesudıŋ maqsaty ötken Alǧys aitu künıne orai qoǧam arasynda bır-bırıne qūrmet sezımın ūialatu, sondai-aq, ūltaralyq qarym-qatynasty nyǧaituǧa baǧyttaldy. Sondyqtan qatysuşylar bırqatar ruhani taqyrypta äŋgıme örbıttı. Köpşılık būl mereke tek 1 nauryzben şektelmei, jyl boiy ataluy tiıs dep sanaidy.
Amanat partiiasynyŋ müşesı, qalalyq mäslihat deputaty Qanat Estek ortalyqtyŋ qyzmet aluşylaryna jasalyp otyrǧan qolaily jaǧdai üşın audan äkımşılıgıne rizaşylyǧyn bıldırdı. Qazaqstandaǧy Korei assosiasiiasy töraǧasynyŋ orynbasary Roza Pak öz kezegınde qazaq halqyna alǧysy şeksız ekenın aitty.
Al ardager aqyn, qalalyq Ardagerler keŋesınıŋ müşesı Grigorii Şişov taqyrypqa orai özınıŋ avtorlyq öleŋın oqyp, köpşılıktı riza ettı.
«Alǧys aitu – adamdar arasyndaǧy senım men syilastyqty arttyratyn qūral. Adamnyŋ jan düniesın tazartatyn, jüregın jūmsartatyn, meiırımın oiatatyn sauapty ıs. Äsırese bır müddege negızdelgen, bır qūndylyqty bölısken, bır mekendı ortaq Otan etken adamdar arasyndaǧy alǧys qoǧamnyŋ ruhani tynyştyǧyna jeteleidı. Sondyqtan ainalamyzǧa alǧyspen qarau, meiırımdılıktıŋ ızgı joly ekenın esten şyǧarmaǧanymyz dūrys» dedı öz sözınde zeinetker Lev Kim.
Keş soŋynda ortalyq qyzmetkerlerı jäne bılım aluşylary audan äkımınıŋ atynan alǧys hattarmen marapattaldy.
