Adamzat tarihynda bolǧan eŋ sūrapyl soǧystyŋ aiaqtalǧanyna biyl 74 jyl toldy. 1941-1945 jyldar aralyǧynda milliondaǧan adam qaza bolyp, qanşama jauynger jaraly oraldy. Keşe Nūr-Sūltan äkımdıgınıŋ ūiytqy boluymen Ūly Otan soǧysynda elın-jerın qorǧaǧan jauyngerlerdıŋ ziratyna «Daŋq gül şoqtary» men gül sebetterı qoiyldy.
Jiynǧa Ūly Otan soǧysynyŋ ardagerlerı, tyl eŋbekkerlerı, qaza tapqandardyŋ tuystary, Nūr-Sūltan qalasy äkımdıgınıŋ basşylyǧy, qoǧamdyq jäne jastar ūiymdarynyŋ ökılderı qatysty.
– Qanşama qiyndyq kördık. Köz aldymyzda oq qarşa borap, jauyngerler bırınen keiın bırı qaza bolyp jatty. Şybyn janymyzdy şüberekke tüiıp jürıp, qan keştık. Ol uaqyt ta öttı ǧoi. Qoi üstıne boztorǧai jūmyrtqalaǧan degen zaman osy şyǧar?! Elımız, jerımız aman bolǧai! Endıgısı özderıŋe amanat, – dedı saltanatty räsımde qart ardager Jūmaǧali Tölegenūly.
Qazırgı uaqytta bas qalamyzda Ūly Otan soǧysyna qatysqan 71 ardager, 4000-ǧa juyq tyl eŋbekkerı tūrady. Biyl Nūr-Sūltan qalasy mäslihatynyŋ şeşımımen Ūly Otan soǧysynyŋ barlyq ardagerıne 67 AEK (169175 teŋge), sondai-aq qosymşa 350000 teŋge kölemınde bır jolǧy aqşalai kömek körsetıldı.
– Bız 9 mamyr qarsaŋynda Ūly Otan soǧysynda alǧan jaraqatynan dünieden ozǧan jandardyŋ ruhyna taǧzym etıp, gül şoqtaryn qoiu räsımın ötkızudı dästürge ainaldyrdyq. Olardyŋ erlıgı eşqaşan ūmyt qalmauy tiıs, batyr babalarymyzdyŋ esımın jadymyzda ūstau erteŋımız üşın öte maŋyzdy. Ardagerlerımızdı, barşa qazaqstandyqtardy Jeŋıs künı merekesımen qūttyqtaimyn! – dedı Nūr-Sūltan qalasy äkımınıŋ orynbasary Erlan Qanalimov.
Aita keteiık, ŪOS ardagerlerıne merzımdı basylymdarǧa jazylu, monşaǧa, şaştarazǧa baru jäne sanatoriialyq emdelu üşın äleumettık kömek körsetıledı. Sondai-aq qalalyq avtobustarda jol jüruge arnaiy jeŋıldıkter qarastyrylǧan, tıs protezdeu tegın jürgızıledı.
