Astana äkımdıgı men Baiqoŋyr audanyna qarasty «Belsendı ūzaq ömır süru ortalyǧy» mekemesınde Jūmyspen qamtu jäne äleumettık qorǧau basqarmasy lauazymdy ökılderımen jäne qalalyq densaulyq qyzmetkerlerı, ǧalym-mamandardyŋ qatysuymen gerontologiia jäne eidjizmmen küres mäselesın qarastyru maqsatynda qala ardagerlerı, medisina qyzmetkerlerı qatysqan gerontologiia jäne eidjizmge qarsy küres mäselelerı jönınde ǧalymdarmen jäne sarapşylarmen kezdesu ūiymdastyryldy. Döŋgelek üstel türınde ötken jiynda qaralǧan mäseleler öte özektı jäne maŋyzdylyǧy joǧary boldy.
Döŋgelek üstel moderatory, Astana qalasy äkımdıgı Ardagerler keŋesınıŋ töraǧasy, qoǧam qairatkerı S.Esılov kırıspe sözınde kün tärtıbıne qoiylǧan mäselenıŋ özektılıgın tüsındırıp, aşyp berdı.
Döŋgelek üstel basynda alǧaşqy söz alǧan negızgı jäne belsendı ūzaq ömır sürudıŋ maŋyzyn äŋgımelegen ortalyqtyŋ direktory M.Erketaev ortalyqtyŋ tynys-tırşılıgı men atqarylyp jatqan jūmystardyŋ maŋyzyn, qyzmet aluşylarǧa körsetıletın qyzmettıŋ maqsaty turaly öte tüsınıktı baiandap, öz ideialarymen bölıstı. Kün sanap, qyzmet aluşylardyŋ sany artyp, rizaşylyq tanytuşy zeinet jasyndaǧy astanalyqtardyŋ yqylasy zor ekenıne toqtaldy. M.Erketaev: «Ädemı qartaiu» ideiasyn ortaǧa saldy, iaǧni belsendı ūzaq ömır sürudıŋ salauatty ömır saltymen özektes ekenın nazarǧa aldy. Bılıktı maman Astananyŋ 25 jyldyǧymen zeinetkerler men ardagerlerdı qūttyqtap, astananyŋ ırgesın qalauǧa atsalysqan aǧa ūrpaqtardyŋ ülesın de eske aldy. Baiandama barysynda profilaktikalyq institut, ūzaq ömır süru barysynda saiasi-ideologiialyq mäselelermen qatar bügıngı egde jastaǧy azamattardyŋ qarttyq jasty moiyndai bermeitındıgın de atap öttı. Sapaly qyzmet körsetu barysynda Ūlttyq jospar qūrudyŋ tiımdı joldaryna toqtaldy.
Döŋgelek üstelge arnaiy şaqyrylǧan qonaqtardyŋ qatarynda Astana qalasy Jūmyspen qamtu basqarmasy jäne äleumettık qorǧau mekemesı basşysynyŋ orynbasary A.Ospanov, qalalyq mäslihat deputaty, «QR Densaulyq ministrlıgınıŋ Soǧys ardagerlerıne arnalǧan ortalyq klinikasy gospitalı» RQP direktory D.Orazalina, qalalyq densaulyq saqtau qoǧamdyq basqarmasy jetekşısınıŋ orynbasary A.Töleuova, Äleumettık qorǧau jäne eŋbekpen qamtu basqarmasynyŋ basşysy İ.Skub, Astana qalasy Medisinalyq akademiianyŋ kafedra meŋgeruşısı V.Tkachev, sondai-aq qala Işkı saiasat basqarmasynyŋ jetekşısı D.Babamūratov qatysyp, özderınıŋ tūşymdy oilaryn ortaǧa saldy.
Sonymen bırge osyndai mänı zor basqosuǧa qalalyq Ardagerler keŋesı zeinetkerler densaulyǧyn qorǧau tūraqty komissiiasynyŋ töraǧasy, medisina ǧylymynyŋ kandidaty, professor V.Şvars söz söilep, ūiymdastyrylǧan bügıngı ıs-şaraǧa joǧary baǧa berdı.
Öte mazmūndy ötken döŋgelek üstel joǧary deŋgeide ūiymdastyryldy. İgı ıstıŋ basynda mūryndyq bolyp jürgen ülken ısker basşy, qoǧam qairatkerı, qalalyq Ardagerler keŋesınıŋ töraǧasy S.Esılovke köpşılıktıŋ alǧysy mol.
Qarttarǧa qūrmet, zeinetkerlerge jaǧdai jasau memleketımızdıŋ nazaryndaǧy ruhani jaŋǧyru baǧytyndaǧy ızgı ısterdıŋ bırı ekenı anyq. Al qalalyq Ardagerler keŋesı osyndai jaǧymdy jaŋalyqtyŋ jarşysy bolyp jür. Jaŋa Qazaqstanda ädılettı qoǧam qūrudyŋ qarqyn ala bastaǧanyn däleldedı.
Marjan PRİMBETOVA,
Astana qalasy Ardagerler keŋesı mediatoby müşesı,
QR Jurnalister odaǧynyŋ müşesı
