– Men üşın astana tarihy 1994 jyldan bastalady. Sol jyly asüide radio tyŋdap otyrǧanmyn. Elbasy söilep jatyr eken. Onyŋ auzynan şyqqan «Aqmola, Selinograd» degen sözderge qūlaq türdım. Būl Elbasynyŋ Joǧary Keŋes otyrysynda astanany Aqmolaǧa köşıru turaly aitqan tarihi sözı bolyp şyqty.
Serık RÜSTEMBEKOV,Qazaqstannyŋ eŋbeksıŋırgen säuletşısı
Ärine, jaŋa astanaǧa bas jospar kerek edı. 1996 jyly «Aq orda» dizainerlık kompaniiasyn qūryp, osy ıske atsalystyq. Bırınşı kezekte qajet mälımetterdı jinaqtadyq. Aqparat molynan jinaldy. Sodan keiın alǧaşqy magistraldardy jobalauǧa kırıstık.
Sol uaqytta-aq qalanyŋ jaŋa äkımşılık ortalyǧyn sol jaǧalaudan jobalap qoidyq. Jaŋa nysandardyŋ jobasyn jasaumen, osyǧan deiıngı bar ǧimarattardyŋ jobasyn özgertumen belsendı türde ainalystyq. Mäselen, qala äkımdıgı aldyndaǧy alaŋdy jobaladyq. Būrynǧy «Mäskeu» qonaqüiı Syrtqy ıster ministrlıgıne ainaldy. Jobalau instituty gimaratyna Parlament, oblys äkımdıgı otyrǧan ǧimaratqa Ükımet kırdı. Osy jūmystardyŋ bärıne qatystyq.
Qazır qūrylys sol jaǧalauda qarqyndy jürgızılıp jatyr. «Aqorda» syndy negızgı memlekettık ǧimarattar, «Bäiterek», «Han Şatyr» sekıldı simvoldyq mänge ie nysandar osynda salyndy. Būl taraptaǧy jūmystar jaŋa sapada damytylyp jatyr.
Osy künderı Elbasynyŋ Arqa tösınde jaŋa astanany qalyptastyru armany tolyǧymen oryndaldy dep aita alamyn. Nūr-Sūltan qalasy memleket maqtanyşyna ainaldy. Astanany köşıru turaly şeşım Qazaqstan tarihyna öşpestei etıp jazyldy. Nūrsūltan Nazarbaevty astananyŋ bas arhitektory dep te bekerden-beker atamaimyz.
