Kün kökjiekke arqan boiy köterılgen mezgılde säulelene şaşylǧan şapaǧyna ūzaq qarady. Mümkın qarşadaiynan kökeiıne ūialaǧan armanyna qanat bailaǧysy kelgenı şyǧar. Oiǧa berılıp ünsız otyrdy. Jany ädıldıktı qalaityn, köŋılı köpşıl, oiy qiianǧa samǧaityn qiialşyl edı…
Bala künınen zaŋger bolǧysy keldı. Sodan da mekteptı oidaǧydai bıtırısımen qūqyq qyzmetkerın daiarlaityn akademiiaǧa attandy. «Qyz balaǧa qoǧamdyq tärtıp saqşysy bolu oŋai emes» degen pıkırdı de jiı estitın. Ras, alǧaşynda jüreksıngenı bar. Bıraq ol özın-özı qairady. «Bärı jaqsy bolady. Būl menıŋ bala küngı armanym ǧoi. Men qandai qiyndyq bolsa da taisalmaimyn, bärın de jeŋemın» dep ıştei özın-özı ruhtandyrdy.
Astana qalasy jergılıktı polisiia qyzmetı basqarmasy iuvenaldy polisiia bölımınıŋ uchaskelık inspektory, polisiia kapitany Gülden Nūrǧalievamen äŋgımelesıp otyrmyz.
– Qanşa qiyndyq bolǧanmen, öz jūmysym özıme ūnaidy. Adam janyn tüsıne bılu de ülken öner ǧoi. Är taǧdyr är qily. Äsırese kämeletke jasy tolmaǧandarmen jūmys ısteu öte kürdelı de köp ter tögıp, oilanudy qajet etetın kürmeulı mäsele desem, artyq aitpaimyn.
Özım de ekı qyz, bır ūl tärbielep, ösırıp otyrǧan anamyn. Bala dese et bauyrym ezılıp, elegızıp tūratyn. Balanyŋ taǧdyry tärbiege bailanysty. Keiıngı kezde iuvenaldy polisiia bölımınde ünemı balalarmen jūmys ıstegen soŋ köp närsenı köresıŋ, bıraz jaiǧa qanyq bolasyŋ, keide jürek auyrtatyn mäselemen de betpe-bet kezdesıp qalyp jatamyz. Rasy kerek, balalaryna mülde köŋıl bölmeitın, olardyŋ ömırde bar-joǧy eş tolǧandyrmaityn ata-analar kezdesedı. Sonda olar sol bauyr etı balalaryn myna jaryq düniege ne üşın, kım üşın äkeldı degen oi da keledı. Mıne, bızdıŋ maqsatymyz – osyndai jetkınşekterdıŋ qūqyǧyn qorǧau. Olardyŋ adam bolyp qalyptasuyna, şalys qadamǧa barmauyna qoldan kelgenşe kömek körsetu.
Er adamdar araq ışedı deimız. Osy bır äzäzıldı äielderdıŋ ışkenın körgende qatty küizelesıŋ. Ärı olar būl «şaitannyŋ uyna» tez berılıp ketedı. Olardy sosyn būl zauzattan qaitaru, qaita qatarǧa qosu öte qiynǧa soǧyp jatady. Mıne, osyndai adamdarmen jete jūmys jürgızemız. Ärbır otbasyna äiel adamnyŋ şuaǧy, sonyŋ ışınde bala üşın anasynyŋ ystyq meiırımı asa qajet ekenın tüsındırıp baǧamyz. Işımdıkke salynyp ketken äielderge barynşa qūqyqtyq negızde kömek körsetemız. Osy jailardy olardyŋ sanasyna jetkızuge tyrysyp baǧamyz. Moiyndau kerek, barlyǧy bırdei bızdıŋ qalauymyzdai bolmai jatady. Bıraq özımızdıŋ jüregımız qalaǧan jūmys bolǧan soŋ sabyrǧa, tözımge köbırek arqa süieimız.
Gülden äŋgıme arasynda qazırgı jūmysyn būǧan deiıngı küzet bastyǧy siiaqty jalaqysy joǧary qyzmetıne auystyryp kelgenın tılge tiek ettı.
«Osydan bıraz jyl būryn Läila Sūltanqyzy jürgızgen «Qazaqstan» telearnasyndaǧy «Äiel baqyty» baǧdarlamasyna qatystym. Sonda «negızgı armanym – polisiia qyzmetkerı bolyp, balalardyŋ qūqyǧyn qorǧau» dep aitqan edım. Sol maqsatym köp keşıkpei jüzege asty. Ärine, būl jūmystyŋ qiyndyǧy köp. Kün demei, tün demei, uaqytpen sanaspai qyzmet atqaruǧa tura keledı. Üidegı otaǧasy – öte sabyrly, salmaqty, aqyldy adam. Osyndai kezde sol kısınıŋ tüsınuşılıgınıŋ, qoldauynyŋ arqasynda barlyq qiyndyqtan şyǧyp jatamyn» deidı ol maqtanyş sezımmen.
Ol ünemı jūmys üstınde. Bızben de sol jūmys kezınde qoly qalt etkende äŋgıme-düken qūryp ülgerdı. «Äiel – ömırdıŋ gülı. Bır qolymen älemdı, bır qolymen besıktı terbetedı» degen sözdıŋ ras ekenıne taǧy da bır köz jetkızgendei boldyq.
