Osydan 12 jyl būryn Esılge alǧaş keme tüsırgende onyŋ qoǧamdyq jaǧajai aumaǧy, qalanyŋ soltüstık jaǧalau bölıgı tereŋdetılgen bolatyn. Endı, keiıngı jyldary keme jürgızu baǧdarlamasyn jüzege asyruǧa bailanysty özennıŋ tömengı saǧalary tazalanyp, tereŋdetılıp jatyr.
2018 jyly Esıldıŋ arnasyn keŋeitıp, tübın tazalau jūmystaryn atqaru üşın elordada «Pavlodar özen porty» AQ-nyŋ jergılıktı filialy qūryldy. Kompaniianyŋ bas injenerı, Esıl arnasyn tazartu jobasynyŋ jetekşısı Vladislav Gaevskiidıŋ aituynşa, käsıporyn respublikanyŋ kez kelgen öŋırlerınde osy tektes jūmystardy atqaratyndyqtan, onyŋ jergılıktı jerlerde filialdary köp. Mūnda jalpy sany 1 myŋnan asa adam eŋbek etedı.
Filialdyŋ jer sorǧyş snariadtary säuırdıŋ soŋy men mamyr aiynyŋ basynda Esılge kezek-kezegımen tüsırılgen. Qazır özen arnasyn 4 jer sorǧyş snariadtar tazalap jatyr.
– Bız Esıl özenın tek tereŋdetıp qana qoimai, onyŋ ışın baldyrlardan, basqa da öskınder men türlı qaldyqtardan tazartamyz. Sondai-aq, 11-uchaskenıŋ jelke tūsynan qosymşa özen qoltyǧyn jasadyq. Özen arnasynyŋ enın 100 metrge deiın keŋeittık. Aldaǧy bır aptanyŋ ışınde būl uchaskedegı özen tazartu jūmystaryn tolyqtai aiaqtaǧan soŋ, jaǧalaudy tegıstep, jaryqtandyru baǧandaryn ornatyp, jasyl jelek otyrǧyzyp, jaŋadan trotuar, bruschatka töseimız. Odan keiın 4, 5-uchaskelerge auysamyz, – dedı joba jetekşısı Vladislav Gaevskii.
Joba jetekşısınıŋ 11-uchaske dep otyrǧany – Esıldıŋ S.Seifullin köşesınıŋ bas jaǧynda ornalasqan «Qūdai gülı» dep atalatyn meşıt tūsyndaǧy saǧasy. Būl tūs taiaz, özennıŋ orta jaǧynyŋ tereŋdıgı 1-1,5 metrden aspaidy. Qazırgı jūmystarynyŋ arqasynda onyŋ tübı 4-4,5 metrge deiın tereŋdetılıp, su aidyny tazalanyp jatyr.
Al özennıŋ meşıtten säl tömenırek, qalanyŋ ekı jaǧalauyn qosyp tūrǧan köpırden arǧy audany 4-uchaske dep, qalalyq qoǧamdyq jaǧajai aumaǧy 5-uchaske dep atalady. Osy ekı uchaskenıŋ tazartu-tereŋdetu jūmystary qara küzge deiın sozylatyn körınedı.
Özen tübınen şyǧarylǧan qūm-tas jäne qaldyqtar jaǧalauǧa üiıledı. Jūmysşylardyŋ aituynşa, özen tübınen künıne 2,5 myŋ tonnaǧa deiın jynys şyǧarylady eken. Qūmnyŋ bır bölıgı qala şaruaşylyǧynyŋ qajetterı üşın jūmsalady, sondai-aq kompaniia ony özen jaǧalauyn tegısteu, dambyny köteru üşın paidalanady.
Esılde jürgen jer sorǧyş snariadtyŋ korpusy men bölşekterı elordaǧa Pavlodardan jük kölıkterımen bölşektelıp äkelınıp, «Qazaqselmaş» AQ zauytynda qūrastyrylǧan. «Pavlodar özen porty» AQ odan bır sehty jalǧa alypty.
Jer sorǧyş snariad – özen-kölderdıŋ tübın tereŋdetuge jäne su astynan qūm öndıruge arnalǧan tehnikalyq flot kemesı. Ol topyraq sorǧysy arqyly jynysty qoiyrtpaq retınde öndıredı jäne syrtqa şyǧarady.
Är jer sorǧyş snariadty 3 adam basqarady. Aty jaman ındet taralmai tūrǧanda jūmys täulık boiy üzbei jürgızıletın, qazır adamdar tek taŋǧy 08.00-den keşkı 20.00-ge deiın jäne qorǧanys şaralaryn saqtai otyryp eŋbektenetın bolǧan. Degenmen, karantindık rejim kompaniia jūmysyna odan basqa eş özgerıster äkele qoiǧan joq. Personal sany da bäz-baiaǧyşa. Atqarylatyn jūmys ta būrynǧydai.
P.S. Ötken aptada Esılge su jıberılıp, özen arnasy 1-1,5 metrge köterıldı. Bıraq kelesı künı su qaitadan tartylyp, būrynǧy qalpyna tüstı, ärı özendegı balyqtar joǧalyp kettı. Söitsek, mol su «Qūdai gülı» meşıtınen tömengı tūstaǧy toǧandy būzyp, aǧyp ketken eken. Sudy toqtatu üşın «Pavlodar özen porty» AQ Nūr-Sūltan qalasyndaǧy filialynyŋ jūmysşylary jedel üimejal bögetın (damba) jasady. Al balyqtyŋ joǧalyp ketuıne toǧannyŋ jaryluynyŋ eş qatysy joq. Ol – bırese nöser jauyp, bırese künnıŋ qatty ysyp ketuı saldarynan bolǧan jaǧdai. Aua raiynyŋ mūndai qūbylmaly kezderı balyqtar auyryp, sudyŋ tübınde jatyp alady eken.
