QR Ūlttyq muzeiınde «Arnau» körkemsuret ortalyǧynyŋ «Aşyq alaqan» qaiyrymdylyq körmesı öttı. Şaraǧa oquşylar, ata-analar, mūǧalımder men muzei qyzmetkerlerı qatysty.
– «Arnau» körkemsuret ortalyǧynda talantty jastar bas qosqan. Täjıribelı ūstazdar balalarǧa suret, keskındeme salu jäne kompozisiia jasaudy üiretıp, türlı ädıster arqyly jas suretşılerdıŋ şeberlıgın şyŋdaidy. «Aşyq alaqan» qaiyrymdylyq jobasy arqyly balalardy ruhani bai boluǧa, özgege kömek körsetuge, meiırımdılıkke, keŋ peiıldı boluǧa tärbielegımız keldı. Daryndy balalardyŋ talantyn şyŋdai otyryp, öz tuyndylary arqyly kömekke mūqtaj jandardy quantuǧa şaqyrdyq. Nätijesı jaman emes. Oquşylarymyz da dän riza. Mümkındıgı şekteulı balalarmen tyǧyz bailanys ornatyp, olarǧa kömektesu – basty maqsatymyz, – deidı «Arnau» körkemsuret ortalyǧynyŋ direktory Gülnär Batyrǧalieva.
Öz tarapynan QR Ūlttyq muzeiınıŋ ekspozisiia jäne körme qyzmetınıŋ basşysy Toǧjan Ädılbekova: «2016 jyly Ūlttyq muzei «Balalar jäne şyǧarmaşylyq» dep atalatyn jobany ıske qosqan. Atalǧan joba boiynşa alǧaş ret «Aşyq alaqan» qaiyrymdylyq körmesı köpşılıkke ūsynyldy. «Aşyq alaqan» balalar men mümkındıgı şekteulı balalardyŋ armanyn jüzege asyryp, olardy qoǧamǧa aralastyrudy maqsat etedı. Būl şara kömekke mūqtaj jandarǧa qoldau körsetu maqsatynda ūiymdastyrylyp otyr. Bügıngı körmede satylǧan jūmystardyŋ qarjysy «Balam-Ai» mümkındıgı şekteulı balalardy damytu ortalyǧynyŋ qoryna tapsyrylady» deidı.
Körmege eŋ üzdık 75 tuyndy qoiyldy. Şara barysynda 10000-15000 teŋgege baǧalanǧan 50 şaqty suret satylyp, 455000 teŋge «Balam-Ai» qoǧamdyq qoryna resmi türde tapsyryldy.
«Balam-Ai» qoǧamdyq qorynyŋ qūrylǧanyna 7 jyl boldy. Alǧaşqyda 5-6 balamen aşylǧan ortalyqta qazır 130 bala tärbielenude. «Arnau» körkemsuret ortalyǧy bızge ünemı qoldau körsetıp, mümkındıgı şekteulı balalarǧa köŋıl bölıp tūrady. Ortalyqtyŋ direktoryna, mūǧalımderıne alǧysymyz şeksız» dep rizaşylyǧyn bıldırdı Astana qalasynyŋ mügedek balalar qoǧamynyŋ töraiymy Qamqa Jaqanova.
«Arnau» körkemsuret ortalyǧy osy uaqytqa deiın mümkındıgı şekteulı balalarǧa şeberlık sabaqtaryn ūiymdastyryp, olardy suret saluǧa ikemdep, boiaular men qylqalamdar syilaǧan. Sonymen qatar, byltyr «Aşyq alaqan» jobasy aiasynda kömekke mūqtaj balalarǧa öz betımen jüruge arnalǧan arbaşalardy arnaiy tapsyrǧanyn aita keteiık.
Amanǧali Qaljanov
