Biyl qazaqtyŋ körnektı aqyny, KSRO Memlekettık syilyǧynyŋ laureaty Jūban Moldaǧalievtıŋ tuǧanyna jüz jyl toldy. Soǧan orai jaqynda aqynnyŋ tuǧan jerı – Oralda eskertkış aşylyp, mereitoiy atalyp öttı. Sol toidyŋ jalǧasy retınde elorda Memlekettık akademiialyq filarmoniiasy Qazaq orkestırınıŋ yqşamdalǧan şaǧyn qūramy tūǧyrly tūlǧaǧa arnap, onlain ädebi-muzyka keşın ötkızdı.
Sonau keŋes zamanynda, dälırek aitqanda alpysynşy jyldardyŋ orta kezınde eşkımnen taisalmai, «Men qazaqpyn» dep poema jazyp, halqymyzdyŋ atyn biıkke bır kötergen aqyn esımı eşqaşan ūmyt qalǧan emes. Ūmytylmaidy dep te aituǧa bolady. Ol kısı aqyn ǧana emes, memleket jäne qoǧam qairatkerı boldy. Bıraz jyldar Jazuşylar odaǧyn basqaryp, ädebietımızdıŋ damuyna üles qosty. Äsırese, aituly azamattyŋ 1986 jylǧy jeltoqsan oqiǧasynyŋ keiın biık mınbede qazaq jastaryn qorǧap söilegen jalyndy sözın jūrt erlık dep baǧalaidy.Ädebi-muzykalyq keş barysynda aqynnyŋ şyǧarmaşylyǧy turaly mazmūndy estelık aitylyp, «Men qazaqpyn» poemasynan üzındı oqyldy. Sondai-aq filarmoniia önerpazdary äueletıp än salyp, kümbırletıp küi töktı. Qysqasy, arqaly aqyndy ardaqtaǧan keş körermen köŋılınen şyqty.
