Qyzmet babymen jürgende ärtürlı azamattarmen kezdesemız. Olardyŋ ärqaisysyn özıŋşe baǧalaisyŋ. Bıreulerı qyzmetıŋdı syilasa, al bıreulerı senıŋ adamgerşılıgıŋdı syilap, qyzmettıŋ qai därejesınde jürse de senımın, közqarasyn özgertpei jüredı. Kısılıgımen özıŋdı baurap alady. Sondai zamandasymnyŋ qataryna Svetlana Jaqiiaqyzy Jalmaǧambetovany aitar edım. Svetlana qaryndasymyzdyŋ eŋbek jolyna qarap otyrsam, qyryq jyldan astam uaqytta qatardaǧy injenerden bastap türlı qyzmette bolsa, sonyŋ denın Aqmola qalasynda atqarǧan. Parlament deputaty bolyp ta sailandy.
1998 jyly elımızdıŋ astanasy Aqmolaǧa köşkende taqyr jerge kelgen joq qoi. Būl qalada körşıles qalalar siiaqty äleumettık-ekonomikalyq jaǧynan damyp jatty. Sözdıŋ retı kelgende aita keteiın, keibır ziialy qauym ökılderı qalamyzǧa terıs pıkır bıldırgılerı keledı. Mäselen, gazetten būryn joǧary därejelı qyzmette bolǧan bır azamattyŋ «Men Aqmolaǧa alǧaşqy ret kelgende it bailasa tūratyn jer emes siiaqty bolyp körındı» degen sözderın oqydym. Mıne, bızdıŋ el basqaruǧa qatysy bar adamnyŋ söz saptauy osylai boldy. Būl kısıge aitarym: būl qalanyŋ qysy qatal, tūrǧyndary bauyrmal der edım. Osyndai qalamyzdyŋ oblys ortalyǧynan el astanasyna ainaluy kezeŋınde osy Svetlana Jaqiiaqyzy sekıldı qairatker azamattarymyz ülken eŋbek sıŋırdı.
Svetlana Jaqiiaqyzy «Selinogradselmaş» siiaqty ülken zauytqa injener bolyp ornalasyp, qalalyq partiia komitetınde, qalanyŋ Lenin, Sovet audandarynda jauapty qyzmetter atqaryp jürgende qalanyŋ ösıp-örkendeuıne berıle qyzmet atqardy. Odan oblystyq därejedegı qyzmetke auysqanda da qalanyŋ problemalaryn şeşuge atsalysty. Oblys ortalyǧy Kökşetauǧa köşkenge deiın qyzmetı Aqmola qalasymen bailanysty boldy. Odan keiın Senatta deputat bola jürıp, Astananyŋ damuyna, körkeiuıne, tūrǧyndardy astanalyq etıp tärbieleuge de atsalysty.
Qazır zeinette jürse de, qoǧamdyq jūmystardan tys qalyp jatqan joq. Onyŋ aiǧaǧy dep, onyŋ eŋbegıne berılgen «Parasat», «Qūrmet» ordenderı, Qazaqstannyŋ eŋbek sıŋırgen qairatkerı jäne basqa da marapattaryn aituǧa bolady. Būl aitylǧandardyŋ bärı – memlekettık qyzmetterde jetken jetıstıkterı. Al memlekettık qyzmetker retınde halyqqa jasaǧan jaqsylyqtary qanşama?! Sonyŋ bır-ekeuıne toqtala keteiın. Būl ötken ǧasyrdyŋ seksenınşı jyldardyŋ aiaǧy. Otbasy jaǧdaiyna qarai Sıletıden Aqkölge auysuym kerek boldy. Oblys basşylyǧy auysuyma qarsylyq bıldırmeidı. Bıraq mūndai mäselege jauapty bolǧan marqūm M.Esmaǧambetovadan seskenedı. Sodan oblystyq atqaru komitetınıŋ töraǧasy Qasym Täukenovke kırdım. Ol kısı menı tüsınıp, tapsyrmany orynbasary Svetlana Jalmaǧambetovaǧa berdı. Svetlana Jaqiiaqyzy bastyǧynyŋ tapsyrmasyn u-şusyz oryndap, men qonysymdy auystyrdym. Sodan keiın öz közımmen körgen qamqorlyǧy – būrynǧy oblystyq bılım basqarmasynyŋ basşysy Elena Dmitrinenkony soŋǧy saparǧa şyǧaryp saludaǧy atqarǧan ısterı. Osyndai oiǧa kelgende eske tüsıre otyryp, «basşy bol, halqyŋa jaqyn bol» degen sözdıŋ etalony Svetlana Jalmaǧambetova der edım.
Svetlana Jaqiiaqyzy biyl mereilı jasqa keldı. Sızdıŋ älı de özıŋız ömır sürıp jatqan, ölşeusız eŋbegıŋız sıŋgen Astana qalasynyŋ damuyna qosaryŋyz mol dep oilaimyn. Men sızdı qazaq qyzdarynyŋ ışındegı adamgerşılıgı mol, memlekettık qairatker dep baǧalaimyn.
Erkın DÄUEŞŪLY,
Qazaqstan jurnalister Odaǧynyŋ müşesı
