Aşyq pıkırtalas alaŋy
Astana äkımı Äset İsekeşev Jıbek joly elderı qalalary merlerınıŋ forumy aiasynda ötken döŋgelek üstelde ekı bastama köterdı. Bırı – barlyq qalalarǧa ortaq aqparattyq-saraptamalyq sait jasau, ekınşısı – merler klubyn aşu.
«Qazırgı kezde Prezidentter men Ükımetter deŋgeiınde Ūly Jıbek jolyn qalpyna keltıru baǧytynda köptegen kezdesuler ötude. Bız qala merlerı deŋgeiındegı dialogqa, qalalar deŋgeiındegı belsendı yntymaqtastyqqa daiynbyz. Bız qos taraptyq jäne köp taraptyq formattarda yntymaqtastyq qarym-qatynastardy örkendetude kez kelgen ūsynystardy tyŋdauǧa äzırmız. Öz ūsynystarymyzdy qūzyrly komitet arqyly Sızderge jıberemız. Sızderden laiyqty jauap bolatynyna senımdımız» dedı Äset Örentaiūly. Onyŋ paiymdauynşa, mūndai deŋgeidegı basqosu barlyq qalalardyŋ damuyna, ozyq täjıribesımen bölısuıne ūşan-teŋız paidasyn tigızedı.
Qala basşysynyŋ aituynşa, özara yntymaqtastyq pen bauyrlastyqty damytu üşın, ortaq aqparattyq-saraptamalyq sait aşu qajet. «Qalalar turaly barlyq aqparattardy, tanystyrylymdardy, oqiǧalar küntızbesın sol saitqa ornalastyrǧanymyz jön. Soǧan qarap, qai qalada, qandai ıs-şara ötkızıletının bılıp, qatysa alamyz. Ekınşıden, Jıbek joly elderı qalalary merlerınıŋ klubyn aşudy ūsynamyn. Osy klubqa keiınırek barlyq qalalar qosyla alady. Bız ärtürlı elderde, qalalarda mädeniet, sport, smart tehnologiialar, kölık salalary boiynşa bügıngıdei forumdar ötkıze alatyn mümkındık tuady. Oǧan tek merlerdıŋ qatysu mındettı emes, salalyq mamandarǧa bas qosuǧa bolady. Menıŋ oiymşa, ondai şaralardyŋ bärımız üşın paidasy zor. Sol sebepten, kelesı jyly sızderdı taǧy da Astanaǧa şaqyramyz. Odan keiın bastama kötergen qalalardyŋ bırıne baramyz» dep tüsındırdı Äset Örentaiūly öz bastamasyn.
KELELI KELEŞEKTIŊ QALASY
Adamnan aumaityn robot Jıbek joly elderı qalalarynyŋ merler forumynda osylai dedı. Şaranyŋ eŋ qalauly qonaǧy bolǧan Sofiia aldymen plenarlyq sessiiada elorda jaily oi tolǧap, keiın bas qalanyŋ üzdık jastarymen kezdestı.
Sofiia elordanyŋ eŋ körnektı jerlerın aralap, säuletı men däuletıne täntı boldy.
– Menı Astanaǧa şaqyrǧan qala äkımı Äset İsekeşev pen G-global halyqaralyq hatşylyǧyna alǧys bıldıremın. Elordanyŋ 20 jyldyq mereitoiy – astanalyqtar men el halqy üşın maŋyzdy oqiǧa. Osyndai tarihi oqiǧanyŋ basy-qasynda bolǧan qandai tamaşa!
Astanany Sızderdıŋ Prezidentterıŋızdıŋ töl tuyndysy dep ataidy. Nūrsūltan Nazarbaev qalanyŋ basty arhitektory, elordanyŋ simvolyna ainalǧan ǧimarattar onyŋ qalamynan tudy. Al sarabdal saiasatynyŋ arqasynda ekonomikalyq jäne saiasi jetıstıkterge jettıŋızder, – dedı Sofiia aǧylşynşa tıl qatyp.
Tüsten keiın Sofiia üzdık elordalyq oquşylarmen kezdesıp, olardyŋ sūraqtaryna jauap berdı. Qytaidyŋ AngelVest venchurlyq kriptoqordyŋ negızın qalauşy Devid Chen Sofiia älı kışkentai ekenın aityp, qarapaiym sūraqtarǧa ǧana jauap bere alatynyn eskerttı. Adam jasymen sanaǧanda şamamen 2 jasqa kelgen robot Astanadaǧy kün raiy, süiıktı tüsı men köŋıl- küiı turaly sūraqtarǧa sürınbei jauap berdı. Ol jauaptardy internettıŋ kömegımen ızdeitın bolyp şyqty. Eger internet jelısımen bailanys naşarlasa, onyŋ da mümkındıkterı azaiady.
Ginoidtıŋ «ömır süruıne» qarjy qūiǧan Devid Chen eger ūsynys tüsse, Sofiia Qazaqstan azamattyǧyn aludan bas tartpaityn mälımdedı. Bolaşaqta robotqa qazaq jäne orys tılderın üiretetın baǧdarlama ornatyluy äbden mümkın. Tıptı, Devid Chen keleşekte astanalyq daryndy jastar būdan jetılgen robotty jasap şyǧara alatynyn aitty. Gon-Kong universitetınde osy salada bılım alyp jatqan Mūratjan Qyranbai adamzattyŋ damuyn robotsyz elestetu qiyn degen pıkırde. «Jasandy intellekt matematika jäne statistikaǧa baǧynady. Matematika älemdı basqarady» dedı ol. Aitpaqşy, EKSPO qalaşyǧynda Qazpoştanyŋ robotopost keŋsesı aşylady.