Aşyq qoǧamǧa qadam
Prezidentımız Qasym-Jomart Toqaevtyŋ «Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı» atty Qazaqstan halqyna Joldauy elımızdıŋ damu tarihynyŋ jaŋa sapaly kezeŋıne qadam basqanyn bıldıredı.Joldauda halqymyzdy tolǧandyratyn basty mäseleler aiqyndalyp, tatulyq pen tūraqtylyqtyŋ negızın qoǧamdyq kelısımnen ızdeu tapsyryldy. Jüz otyzdan asatyn etnos ökılderınıŋ basyn qosqan bızdıŋ elde osy künge deiın qoǧamnyŋ tūraqty boluy būrynǧy TMD elderınde bolyp jatqan ūltaralyq jäne dınaralyq keleŋsız oqiǧalardyŋ bolmauy bükıl qoǧamnyŋ bırlesken eŋbegınıŋ nätijesı desek te, onyŋ negızın memleket qūruşy qazaq ūltynyŋ el bırlıgın saqtauǧa degen zor qūlşynysynyŋ arqasynda ekenın basa aitu qajet. Kei jaǧdaida qoǧamdyq ömırde ūlttyq müddemızge ziiany tiıp jatqan oqiǧalar bolsa da, qazaq ūlty özıne jüktelgen jauapty mındettı abyroimen atqaryp keledı, basqa etnikalyq toptardyŋ müddesıne ziian timeu jaǧyn qarastyruda. Şirek ǧasyr boiy özımızdıŋ ūlttyq müddenı oilaudan görı ony ekınşı qatarǧa ysyryp, basqa halyqtyŋ jaǧdaiyn oiladyq, ūltşyl boludan ūialdyq, taisaqtadyq.
Bız siiaqty keŋes ideologiiasynyŋ şyrmauynda bolǧan basqa elder, tıptı özımızben tuystas körşı elder memlekettık tılınıŋ bedelın öz därejesıne jetkızgelı qaşan. Osyndai jaǧdaida täuelsızdıgımız berık qalana bastady degen uaqytta ana tılımızdıŋ beişaralyq küiı ūltjandy azamattardyŋ şydamyn tauysa bastady. Kezınde Elbasymyz N.Ä.Nazarbaevtyŋ «Qazaq qazaqpen qazaqşa söilessın» degen tapsyrmasy nege tolyq oryndalmai qaldy degen sūraq ta kökeiımızden ketpeidı. Sebebı ömırdıŋ özı körsetkendei, Elbasynyŋ auyzşa aitqan sözınıŋ özı de tolyq oryndaluy üşın arnauly zaŋ şyǧarudyŋ qajet ekendıgı däleldenude. Būdan otyz jyl būryn qabyldanǧan «Tıl turaly» zaŋnyŋ solqyldaq, ekıūşty baptary bügıngı memlekettık tılımızdıŋ resmi tıl köleŋkesınde qalyp qoiuyna äkelgenın bükıl jūrtşylyq moiyndap otyr.
Biylǧy Prezident Joldauynyŋ erekşelıgı täuelsız elımızdı damytudyŋ ūzaqmerzımdı strategiiasy sabaqtastyǧyn jalǧastyra otyryp, qazaq halqynyŋ memleket qūrauşy ūlt retınde rölın bekemdeu mäselesı kün tärtıbıne naqty qoiyldy. «Qazaq tılınıŋ memlekettık tıl retındegı rölı küşeiıp, ūltaralyq qatynas tılıne ainalatyn kezeŋı keledı dep esepteimın» degen Prezidentımızdıŋ sözı ūltjandy azamattardyŋ eŋsesın qaitadan köterıp tastady. Būl jolǧy Joldauda aitylǧan memlekettık tıl turaly tapsyrma öz küşıne enıp, oryndalatynyna tolyq senımımız bar. Sonymen qatar Qasym-Jomart Toqaevtyŋ bastamasymen qūrylǧan jaŋa qūrylym – Qoǧamdyq ūlttyq keŋes Tıl turaly zaŋ boiynşa mäselenı kün tärtıbıne qoiyp talqylau ötkızdı. Qoǧamdyq pıkır elenıp, aşyq qoǧamdyq dialogqa erkındık bergenın bız Prezidentten bastap barlyq memlekettık qyzmetşılerdıŋ zamanaui bailanys qūraly elektrondyq internet jüiesımen qoǧamnyŋ barlyq toptarymen aşyq söilese bastauy, sonyŋ nätijesınde halyqtyŋ mūŋ-mūqtajynyŋ eskerıluı – aşyq qoǧam ornatuǧa baǧyttalǧan qadamnyŋ dälelı. Memlekettık qyzmetkerlerdıŋ taza memlekettık tılde söileuı jäne qūjat toltyruy, olardyŋ halyqpen kezdesuınde tek memlekettık tılde jürgızılu talaptary jaŋa qabyldanatyn Tıl turaly zaŋda oryn tabatyny kümän keltırmeuge tiıs.
Qajymūrat NÄSİEV,
mūǧalım, eŋbek ardagerı