Biyl Nūr-Sūltan qalasynda äskerge şaqyru mausymdarynda – köktemde 782, küzde 770 azamatty armiiaǧa aldyru josparlanǧan. Qalalyq mäslihattyŋ zaŋdylyq, qūqyqtyq tärtıp jäne qoǧammen jūmys mäselelerı jönındegı tūraqty komissiia otyrysynda osy mäselenı qalalyq Qorǧanys ısterı departamentınıŋ bastyǧy Mūrat Berıkpolov mälım ettı. Jiynda osy jūmysty ūiymdastyru barysy talqylanyp, jan-jaqty aqparat berıldı.
Biylǧy nauqanda jūmys ıstemeitın jastardy äskerge şaqyruǧa erekşe ekpın qoiylǧan. Al jalpy alǧanda armiiaǧa alynǧan jastar 58,1 paiyzdy nemese 463 adamdy qūrady. Bıraq ındetke bailanysty tötenşe jaǧdaidyŋ jariialanuy būl nauqanǧa kerı äserın tigızdı. Sol sebepten äskerge şaqyru mausymy 30 tamyzǧa deiın ūzartyldy. Komissiia müşelerınıŋ arasynda infeksiiany jūqtyrǧandar boldy. Būl da bıraz qiyndyqtardy tudyrdy. Atap aitqanda, bırqatar şaqyru komissiialarynyŋ jūmysy uaqytşa toqtatyldy. Nätijesınde köktemde äskerge şaqyryluy tiıs 782 adamnyŋ 714-ı nemese 91,3 paiyzy şaqyryldy. Jalpy, biyl 1552 adam armiiaǧa alynuy tiıs.
Departament bastyǧy osyny aita kele, küzgı äskerge şaqyru nauqany älı jürgızılıp jatqanyn, äzırge 88 adam şaqyrylǧanyn jetkızdı. Sondai-aq biyl äskeri mındettı azamattardy arnaiy jiyndarǧa da şaqyru jürgızıldı. Būl jūmys Memleket basşysynyŋ biylǧy 2 säuırdegı Jarlyǧy jäne Nūr-Sūltan qalasy äkımdıgınıŋ qaulylaryna säikes atqaryldy. Qorytyndysynda mamyr aiynda 150 adam şaqyryldy. Sonyŋ ışınde 50-ı ofiser men 100-ı serjant-sarbazdar boldy. Būl qatarda şaqyrylǧandar blokbetterdı küşeitu, qoǧamdyq tärtıptı saqtau, nysandar men köşelerdı zalalsyzdandyru siiaqty jūmystar men elorda jedel ştabynyŋ ındetpen küreske qatysty şarualaryna tartyldy.
Alaida būl salada problemalar da joq emes. Mäselen, audandyq şaqyru komissiialarynyŋ ekı qūramy ǧana därıger mamandar men orta buyn medisinalyq qyzmetkerlerınen jasaqtalǧan. Saryarqa jäne Baiqoŋyr audandaryndaǧy şaqyru punktterıne ǧimarat kerek. Keibır äskerden jaltarǧan azamattardy ızdestıru de qiyndyq tudyrdy. Sebebı olardyŋ tırkelgen mekenjaiy jalǧan bolyp şyqty. Kölıkter jetıspegendıkten būl jūmys tiıstı deŋgeide jürgızılmedı. Audandardyŋ äkımdıkterı de äskerge şaqyru nauqanyn ūiymdastyruda sylbyrlyq tanytqan.
Osy oraida qalalyq mäslihat deputattary äkımdıkterdıŋ būl taraptaǧy jūmysyn qataŋ synǧa aldy. Zaŋdylyq, qūqyqtyq tärtıp jäne qoǧammen jūmys mäselelerı jönındegı tūraqty komissiianyŋ töraǧasy Qaiyrly Tauken jauapty organdar basşylaryna barlyq tüitkılderdı şeşu joldaryn ūsynudy aityp, arnaiy aqparat daiyndau kerektıgın jetkızdı.
