Astananyŋ aituly toiy bastaldy. Elbasy Nūrsūltan Nazarbaevtyŋ qatysuymen, qalyptasqan dästür boiynşa memlekettık Tu kökke köterıldı. Astana bar qazaqtyŋ bas qalasyna ainaldy. Memlekettık tudyŋ dästürlı türde elorda künı qarsaŋynda köterıluı jalpyūlttyq merekenıŋ märtebesın taǧy da asqaqtata tüstı.
«Batyr babalarymyz bızdıŋ zor jeŋısterge jetuımızdı tılep, ärdaiym tudy tık ūstaudy ösiet ettı. Sodan berı bız barlyq jetıstıkke kök bairaqtyŋ astynda qol jetkızıp kelemız. «Qazaqstan, Täuelsızdık, Astana» degen tüsınıkter bızdıŋ memlekettıgımızben, bolaşaǧymyzben bırtūtas ūǧymǧa ainaldy. Qazaqstan – bızdıŋ jalǧyz Otanymyz, Täuelsızdık – oryndalǧan armanymyz. Älem elderı tularynyŋ eşqaisysyna ūqsamaityn kök tuymyzdy dünie jüzı moiyndady» dedı Elbasy öz sözınde.
Memleket basşysy Qazaqstannyŋ Qaruly Küşterı üşın äskeri kadrlardy sapaldaiyndaudyŋ maŋyzdylyǧyna da nazar audardy.
«Sızderdıŋ äskeri qyzmetterıŋız beibıt jaǧdaida ötsın dep tıleimın. Bıraq memleket ärdaiym özınıŋ qauıpsızdıgı men şekara bütındıgın oilauǧa tiıs. Sondyqtan, bız ofiserlerımızdı täuelsız Qazaqstannyŋ jaŋa jaǧdaiynda, jaŋa Qaruly Küşterımız üşın oqytyp, tärbieleimız. Äskeri qyzmettı laiyqty atqarudyŋ ülgısın körsetıŋızder» dei kele, jas ofiserlerge memlekettık tuǧa zor qūrmet körsetu Otandy süiumen bırdei ekenın eske saldy.
Saltanatty jiynda Qazaqstannyŋ äskeri joǧary oqu oryndarynyŋ üzdık tülekterı Prezident qolynan ofiserlık şen aldy. Jas ofiserler Elbasynyŋ aldynda Otanymyzdyŋ qauıpsızdıgın qorǧauǧa ant berdı. Merekelık şaradan soŋ Elbasy barşa jūrtty Astananyŋ 20 jyldyǧymen qūttyqtap, el tūrǧyndaryna baq-bereke tıledı.
