ASTANA – ABU-DABİ: ISKERLIK BAILANYS KÜŞEIDI
Abu-Dabi qalasynyŋ merı bastaǧan BAÄ delegasiiasynyŋ resmi sapary baǧdarlamasynda qazaqstan – emirat biznes forumy öttı. Şara barysynda Astana qalasynyŋ äkımı Äset İsekeşev Abu-Dabi qalasynyŋ merı Avaida Murşed Äl Mararmen kezdestı.
Forumda Astana qalasynyŋ investisiialyq mümkındıkterı men jobalary talqylandy. Astana men Abu-Dabi qalalarynyŋ basşylary arasynda yntymaqtastyq kelısım turaly memorandumǧa da qol qoiyldy. Ekı jaq öz mümkındıkterın bırlese jüzege asyrudy qolǧa alyp, jaŋa jobalardy ıske asyru jolynda aimaqaralyq ärıptestıktı damytudy äŋgımege arqau ettı.
Bügınde elımız ben Bırıkken Arab Ämırlıkterı memleketterınıŋ basşylary arasyndaǧy kelısım boiynşa «Abu-Dabi Plaza» jobasy jüzege asyryluda. Oǧan arabtar tarapynan tıkelei investisiia arqyly 1,7 mlrd AQŞ dollary tartylǧan.
Qos tarap turizm salasyna, jyljymaityn mülık, densaulyq, bılım, sport, qala qauıpsızdıgı, aqyldy tehnologiia jäne özge de salalarǧa investisiia qūiu josparyn da keŋınen talqylady.
– Ekı astana arasyndaǧy yntymaqtastyq kelısım qalyptasqan. Būl memorandum serıktester retınde ekı aradaǧy qarym-qatynasty damytady, – dedı elorda äkımı.
Kezdesu soŋynda ekı tarap bırge atqaratyn naqty jūmystardyŋ jospary bekıtıldı.