Astana qalasy osy uaqytqa deiın aimaqtarǧa «Aqyldy qala» ülgısın körsetıp kelse, endı adaldyqtyŋ da jarşysy bolmaq. Keşe qala äkımdıgı men QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı «Astana – adaldyq alaŋy» atty bırlesken jobany qolǧa alǧanyn mälım ettı. Qala äkımı Ä.İsekeşev pen agenttık töraǧasy A.Şpekbaev joba jarǧysyna qol qoidy.
İä, alǧaşynda jobanyŋ atauyn jemqorlyqqa qatysty taŋdamaq bolǧan eken. Bıraq adamnyŋ mınezındegı şynşyldyq, jeke tūlǧanyŋ sana-sezımı, halyqtyŋ maqsat-müddesın közdeitın ıs-äreketterdıŋ barlyǧy qazaqtyŋ adal sözıne syiyp tūr. Sondyqtan joba jetekşılerı osylai ataǧandy jön körıptı.
Sonymen, elımızde alǧaş ret sybailas jemqorlyqtyŋ aldyn alu boiynşa joba menedjmentı bas qaladan bastau almaq. QR Memlekettık qyzmet ısterı jäne sybailas jemqorlyqqa qarsy küres agenttıgınıŋ töraǧasy Alik Şpekbaev jemqorlyqtyŋ deŋgeiın tömendetude, jaŋa ädısterdı jetıldırude qala äkımdıgınıŋ ülesı edäuır ekenın alǧa tartty.
«Elordada qūqyq tärtıbın arttyru, qala tūrǧyndary men qonaqtary üşın jaǧdai jasauda innovasiialyq täsılder ıske asyryluda. Bızdıŋ alǧa qoiǧan baǧytymyzdyŋ bırı – saladaǧy jemqorlyqtyŋ aldyn alu, azamattardyŋ bilıkke degen senımın köteru. Būl rette «Astana – adaldyq alaŋy» jobasy naqty qadam bolmaq. Jobanyŋ mındetı – memlekettık qyzmet körsetu sapasyn arttyru, tūrmystyq jemqorlyqqa jol bermeu, biznes üşın äkımşılık kedergılerdı joiu, qoǧamdyq baqylaudy keŋeitu» deidı şahar basşysy Äset İsekeşev.
BAS QALADAN BASTALMAQ
Qala äkımı Äset İsekeşevtıŋ aituynşa, bügınde äkımdıkte bırqatar jaŋa qyzmetter tolyǧymen qaita qūryldy. Mäselen, barlyq baqylau qyzmetterı ortalyqtandyrylǧan. Būl käsıpkerler üşın mäselenı şeşude türlı äkımşılık kedergılerdı boldyrmaidy. Sonymen qatar, elordanyŋ biudjetıne jauap beretın bıryŋǧai memlekettık organ – Aktivterdı basqaru jäne memlekettık satyp alu basqarmasy qūryldy. Sol siiaqty baqylau jäne jedel äreket etu ahualdy ortalyǧy, personaldy basqaru jäne damytudyŋ bıryŋǧai qyzmetı memlekettık organdardyŋ qyzmetın jaqsartuǧa baǧyttalǧan. Aita keteiık, ötken jyldyŋ säuır aiynda tūrǧyndarǧa qolaily qyzmet körsetude jaŋa format engızıldı. Iаǧni äkımdıktıŋ bırınşı qabatynda 15 qūrylymdyq bölımderdıŋ kabinetterı aşyldy. Mümkındıgı şekteulı jandardyŋ kırıp-şyǧu mäselesı şeşılıp, qala tūrǧyndaryna arnalǧan aqparattyq stendter ılındı. Mıne, «Aşyq äkımdıktıŋ» mūndai qadamdary aldaǧy uaqytta bırlesken joba aiasynda jalǧaspaq.
JALAQYSY JETIP TŪRSA, JEMQOR BOLYP NESI BAR?
Memlekettık jäne biudjettık ūiymdarda eŋbek etetın qyzmetkerlerdıŋ jalaqysyn köteru kerek. Öitkenı sybailas jemqorlyq jasauǧa jol beretın negızgı faktorlardyŋ bırı osy ekenın sala mamandarynyŋ özderı rastap otyr.«Basşylardyŋ jalaqysymen olardyŋ biudjettık qarajatty igeru jauapkerşılıgın salystyruǧa kelmeidı. Mäselen, oblystyq basqarma basşysy – 200 myŋ teŋge jalaqymen 3 milliardtan astam teŋgenı igerudı közdeitın memlekettık baǧdarlamanyŋ äkımşısı. Sol siiaqty öŋırlık deŋgeidegı qyzmetşı lauazymdyq jalaqysy 54 myŋ teŋge bolsa, tekseru kezınde1 millionnan astam ölşemderge aiyppūl saluǧa uäkılettı. Basqaşa aitqanda, täuekeldı lauazymdar tızbesı bar. Olar erekşe közqarasty talap etedı» deidı «Astana – adaldyq alaŋy» jobasynyŋ jetekşısı Jazira Jylqyşieva. Endı joba aiasynda memlekettık mekeme qyzmetkerlerınıŋ eŋbekaqysy atqarǧan jūmystaryna qarai baǧalanatyn boldy. Jalaqyny köteru boiynşa baldyq jüie pilottyq joba retınde agenttıktıŋ, Ädılet ministrlıgınıŋ, Maŋǧystau oblysy men Astana qalasy äkımdıkterıne engızılıp otyr.
JABYLǦAN ESIKTER AŞYLDADY
Moiyndau kerek, memlekettık mekemelerge, äsırese, qūqyq qorǧau organdarynyŋ ǧimaratyna barǧan kezde ondaǧy mamandarmen bailanysuda köptegen äkımşılık kedergıler bar. Al būl joba däl osy mäselenı de şeşudı rettemek. Tıptı ondaǧy qyzmetkerlerdıŋ mınez-qūlyǧyn jaqsartatyn bıryŋǧai standarttar äzırlenude. Bılım beru, densaulyq saqtau, ışkı ıster oryndary men basqa da memlekettık qyzmet körsetetın oryndar azamattarǧa qoljetımdı bolu kerek. Mümkındıgı şekteulı azamattar üşın jaǧdai jasau, jappai elektrondy kezek engızu, qyzmet sapasyn baqylauǧa qatysty ūsynystar äzırlenetın boldy.
QYZMETKERI ÜŞIN BASŞY JAUAP BEREDI
Būǧan deiın saladaǧy jauapkerşılıkke tek oryndauşylar tartylatyn. Aldaǧy uaqytta memlekettık mekemelerdıŋ bırınşı basşylary osy salada jıberılgen barlyq olqylyqtar üşın jauap beretın bolady. Sol üşın atalmyş joba aiasynda Astana qalasy äkımdıgınıŋ bırınşı basşylarynyŋ toqsan saiynǧy baǧalauyna, sybailas jemqorlyqtyŋ aldyn alu boiynşa jürgızılıp jatqan jūmystaryna baqylau kriteriilerı engızılmek. Ol boiynşa ūjymnyŋ ahualyn jaqsartuǧa, mındetterdı bırkelkı böluge, qyzmetkerlerge syiaqy taǧaiyndauǧa, biudjet qarajatyn bölude basşylardyŋ jeke müddesın arttyruǧa yqpal etedı.
KELISIM KELMESKE KETEDI
Statistikalyq derekke süiensek, sybailas jemqorlyq qylmystardyŋ 12 paiyzy memlekettık satyp alu salasynda eken. Atap aitqanda, memleket müddesıne satyp alynatyn tauarlardyŋ, jūmystar men körsetıletın qyzmet baǧalaryn bırneşe ret köteru eleulı ziian keltırude. «Osy saladaǧy negızgı problemalar belgılı bır önımderdıŋ tehnikalyq sipattamasynda bolyp otyr. Jaŋa jobanyŋ negızgı mındetı – memlekettık satyp alu salasynda sybailas jemqorlyqtyŋ aldyn alu boiynşa jaŋa tetıkterdı äzırleu» dedı Jazira Jylqyşieva. Osylaişa, memlekettık satyp alu kezınde eşqandai kelısımder bolmaidy dep sendırdı.
BIýDJETTIŊ ÄR TEŊGESINE DEIIN BAQYLANADY
Jobanyŋ taǧy bır jaǧymdy tūsy – auqymdy qoǧamdyq baqylaudyŋ engızıluı. Iаǧni memlekettık baǧdarlamalarǧa, ıske asyrylatyn qūrylys jäne jöndeu jūmystaryna bölınetın qarajatty tūrǧyndardyŋ özı baqylai alatyn bolady. Biudjet qarajatyn bölu turaly aşyq aqparatqa qol jetkızu üşın internet-resurstarda, teledidar jäne baspa önımderınde jariialau şaralary qabyldanbaq. Atalǧan jūmystar memlekettık organdarmen ıske asyrylatyn baǧdarlamalardy, anyqtalǧan būzuşylyqtardy tiıstı qūzyrettı organdarǧa habarlauǧa azamattarǧa mümkındık beredı. Sonymen, jobanyŋ jylt etken jaŋalyqtaryn jetkızdık. Tūrǧyndar tarapynan qosymşa ūsynystar qabyldanady. Agenttık pen elorda äkımdıgı ekıjaqty qol qoiǧan joba aldymen Astana qalasynda ıske asyrylyp, keiın elımızdıŋ özge öŋırlerıne jol tartatyn bolady.
Gülmira AIMAǦANBET
