Astana äkımı Jeŋıs Qasymbek Instagram paraqşasynda ardagerlerdı arnaiy qūttyqtaǧanyn jazdy, dep habarlaidy astana-akshamy.kz
«Ardagerlerdı Jeŋıs künımen qūttyqtadym! Olardyŋ erlıgınıŋ, jankeştılıgı men qaisarlyǧynyŋ arqasynda elımızde tynyştyq pen bereke ornady.
Memleket basşysynyŋ atynan Raisa Egorovnaǧa III därejelı «Aibyn» ordenın tabystadym. 1944 jyly Raisa Egorovna öz erkımen maidanǧa attanǧan. Rumyniiany, Vengriiany, Bessarabiiany azat etuge üles qosqan. Al negızgı Jeŋıs künın Budapeşt qalasynda atap öttı. Raisa Egorovna keler jyly 100 jasqa tolady.
Jaqan Seisebaev 17 jasynda äskerge şaqyrylǧan. Belarus jerın azat etuge qatysyp, qūpiia bölımde nysanaşy boldy. Jaqan Seisebaev ta keler jyly 100 jasqa tolady.
Qatal taǧdyr Ūly Otan soǧysynyŋ ärbır ardagerı men qatysuşysyn eşqaşan qaiystyrmaǧan. Olardyŋ qiyndyqqa toly ömır joly keiıngı ūrpaqqa qaşanda ülgı bolmaq. Bızdıŋ boryşymyz – olarǧa qūrmet körsetu, erlıkterın eske alu.
Jeŋıstıŋ 79 jyldyǧy qūtty bolsyn! Ardagerler men tyl eŋbekkerlerıne zor densaulyq, amandyq tıleimın!» – dep jazdy Jeŋıs Qasymbek.
