Astana aglomerasiiasy qala maŋyndaǧy auyldardyŋ damuyna mümkındık tuǧyzady

Astana qalasy men Aqmola oblysy äkımdıkterınıŋ arasynda Astana aglomerasiiasyn damytu jönındegı bırlesken qyzmet turaly memorandum bekıtıldı.

Jobany ıske asyrudyŋ alǧaşqy kezeŋınde qoldanystaǧy zaŋdy je­tıl­dıruge bailanysty mäseleler şeşılmek.
– Astana qalasy aglomerasiiasyna özınıŋ aumaǧynan basqa, Aqmola oblysyna qarasty 123 auyldyq eldı meken engen. Olardyŋ jalpy aumaǧy 21 770 şarşy şaqyrymdy qūraidy. Būl joba millionnan astam adamnyŋ ömırınde öte maŋyzdy oryn atqarady. Bız Astana men qala maŋyndaǧy audan tūrǧyndaryn alaŋdatyp otyr­ǧan mäselelerdı şeşude ıs-ärekettı üilestıruımız kerek. Būl – aumaqtyq josparlau, jer, kölık qatynasyna qatysty mäseleler. Sol sebeptı, elorda men oblystyŋ jauapty qyzmetterı jol kartasyn äzırleuı qajet. Mūnda barlyq sūraqtar saralanyp, toptas­tyrylyp, jauapty mekemeler belgılenıp, naqty merzımın anyqtap, ıske asyruǧa kırısuımız kerek, – deidı memorandumǧa qol qoiu barysynda Astana äkımı Äset İsekeşev.
Al öz kezegınde Aqmola oblysynyŋ äkımı Mälık Myrzalin:
– Būl memorandumnyŋ Astana qalasy men Aqmola oblysynyŋ tūrǧyndaryna qajet ekenınde kümän joq. Eŋ bastysy, bız ekı aimaq arasynda tuyndap otyrǧan mäselelerdı qūqyqtyq baza aiasynda şeşuge jäne bolaşaqta osy problemalar qaita tuyndamau üşın äreket etudemız, – dedı.
Atalmyş memorandum industrialdy aimaqtardy damytuǧa, jobalau boiynşa ūsynystar jasap, ony ıske asyruǧa mümkındık bermek. Sondai-aq, memorandum Aqmola oblysynyŋ territoriiasyna jatatyn, bıraq Astana qalasyna jaqyn ornalasqan Şortandy, Jainaq, Arşaly siiaqty bırqatar eldı mekenderdıŋ damuyna serpın beruı tiıs. Öitkenı osy aimaqtarda köptep jūmys oryndary, äleumettık-mädeni infraqūrylymdar aşylmaq. Köşı-qon aǧyndaryn Astanadan özderıne tartatyn audandar elorda maŋyndaǧy auyldardyŋ retsız etek jaiuyna tosqauyl boluy kerek. Sonymen qatar, taraptar aldaǧy uaqytta bas qala maŋyndaǧy auyldardy damytu üşın infraqūrylymdy, qoǧamdyq kölık qatynasyn jäne osy tektes basqa da mäselelerdı şeşu tūrǧysynda naqty jospar qūruǧa uaǧdalasty.