«ASTANA ARUY-2016»
Būrnaǧy künı şaharymyzda qala əkımdıgınıŋ qoldauymen «Astana aruy-2016» sən baiqauy öttı. Oǧan bılımı men bılıgı, aqyly men körkı boiynda tūnǧan arular baiqauyna elımızdıŋ joǧary oqu ornynda bılım alyp jatqan 20 aru qatysty. Al atalmyş ıs-şaranyŋ ūiymdastyruşysy boluǧa «Prima Vera» modeldık agenttıgı yqylas tanytty.
Baiqaudy ūiymdastyrǧandaǧy maqsat ta sol, qyz balalar arasynda otbasylyq qūndylyqtardy därıpteu jäne olardyŋ qoǧam ömırıne belsene aralasuyna airyqşa män beru. Ärine, salauatty ūrpaqtyŋ düniege keluı aldymen qyz balaǧa bailanysty. Sondyqtan elımızde osyndai sūlulyq baiqaularynyŋ köptep ūiymdastyrylyp jatqany – köŋılge demeu. Sebebı bügıngı qyz bala – erteŋgı el anasy, bır-bır äulettıŋ ūiytqysy.
Baiqau erejesı boiynşa qyzdar 4 kezeŋnen de sürınbei ötıp, bar önerlerın ortaǧa saludan aianyp qalmauy şart. Bırınşı kezeŋ «Vizittık karta» degen ataumen bastalyp kettı. Būl bölımde barlyq ümıtkerdıŋ saiysqa qatysudaǧy maqsaty, ömırlık ūstanymy, önerı körermenge keŋınen tanystyryldy.
Al «Menıŋ Qazaqstanym» atty ekınşı kezeŋde qatysuşylar ūlttyq kiımderden defile körsettı. Türlı-tüstı jauhar tastarmen kömkerılgen ūlttyq kiımder rasymen de közdıŋ jauyn alyp, keremet üilesım tapqandai. Äsırese, joǧary jaqtan sahnaǧa tüsken şamnyŋ jaryǧynan sahna törı sūlulyǧy men symbaty jarasqan arularmen odan ärı jarqyrai tüstı. Būl bölım aiaqtalysymen LED ekran arqyly «Astana aruy-2016» saiysynyŋ arnaiy videokündelıgı körsetıldı. Irıkteu kezeŋınen finalǧa deiıngı talai satylardy baǧyndyrǧan arulardyŋ baiqau barysyndaǧy ömırı, pıkırlerı men saiys aiasynda atqarǧan ıs-şaralar videosiujetten körınıs tapty. Al «Şerşe lia fam» atty üşınşı kezeŋde barlyq arulardyŋ qatysuymen sahnalyq qoiylym körsetılgen bolsa, soŋǧy kezeŋ «Sūlulyq. Kerbezdık. Äsemdık» degen ataumen öttı.
Sondai-aq, Äli Oqapov, Karina Karenina siiaqty estrada jūldyzdary än şyrqap, dumandy keştıŋ körıgın qyzdyra tüsse, saiys ortasynda qyzyldy-jasyldy tüske boialǧan robot keipındegı lazerlık şou qalyŋ körermendı täntı ettı.
– Sūlulyq bäigesıne 17-23 jas aralyǧyndaǧy arular qatysyp jatyr. Bərı de marapatqa laiyq dep aitqym keledı. Irıkteu kezeŋı 8 qazan künı bastalǧan bolatyn. Uaqyttyŋ tyǧyzdyǧyna qaramastan, olar bar önerlerın ortaǧa salyp, mümkınşılıgı men qabıletterın körsete bıldı. Bır aita keterlıgı, jyl saiyn saiysqa qatysuşylar qatary köbeimese, azaimaq emes. Būl – quantarlyq jaǧdai. Mūndai baiqauǧa qatysqan qyzdar öz qatarlastarynan bırtaban alda bolyp, ömırge azyq bolar təjıribe jinai tüsedı, ruhani tūrǧydan da ösu baiqalady.
Al baiqau qorytyndysy jönınde aitar bolsaq, bügıngı keşte top jaryp, suyrylyp alǧa şyqqan 3 aruymyz «Qazaqstan aruy» ūlttyq baiqauyna joldama alyp, ərı qarai öner körsetpek, – dedı konkurs direktory Olga Radeş.
El Täuelsızdıgınıŋ 25 jyldyǧymen tūspa-tūs kelgen biylǧy «Astana aruy-2016» sūlular saiysyn qorytyndylai kele, atalmyş baiqauda bırqatar aru qyzdarymyz jeŋıs tūǧyrynan körındı.
Osylaişa, 3-vise-aru atalymynda Bibınūr Esımova jeŋıske jetse, 2-vise-aru Ekaterina Podgorodeskaia atandy. Al 1-vise-aru nominasiiasynda tūǧyrdan körınu Begaiym Jolabekovaǧa būiyrdy. Biylǧy jyly «Astana aruy-2016» baiqauynda bas jüldeger 18 jasar astanalyq Elnaz Nūrseiıtova atandy. Jeŋımpazdy bas jülde – 1 000 000 teŋge kölemındegı sertifikatpen QR Parlamentı Mäjılısınıŋ deputaty Zaǧipa Balieva marapattai otyryp, barlyq qatysuşylarǧa alǧys aityp, tabys tıledı.
Älemdık aqyn-jazuşylar şyǧarmalarynyŋ özegıne ainalǧan mahabbat taqyryby – adamzat ataulynyŋ jyrlap öter qūdıretı. Al mahabbatqa arqau bolar – sūlulyq. Endeşe, älemdı qūtqaratyn būl, ärine, sūlulyq degen teŋeuge kelıspeske bolmaityn syŋaily?! Talaidy tamsandyrǧan būl baiqau bas qalada osylaişa öz məresıne jettı.
Əmır DOSQOJA