«Qoǧamdyq sanany jaŋǧyrtu – qazaqstandyq patriotizmdı qalyptastyrudyŋ negızı» taqyrybynda Astana qalasy Qazaqstan halqy assambleiasynyŋ sessiiasy öttı. QHA basqaruşy organy – sessiia jūmysyn qala äkımınıŋ orynbasary Ermek Amanşaev jürgızıp, atqarylǧan jūmystardyŋ nätijesıne toqtalyp öttı.
– 2017 jyly «Ruhani jaŋǧyru» baǧdarlamasyn ıske asyruǧa arnalǧan keşendı şaralardy jüzege asyrdyq. Äsırese, bas qalamyzdyŋ tarihi-mädeni eskertkışterın bırıktıretın «Qazaqstannyŋ kielı kartasy» jobasy qyzyǧuşylyq tanytty. Köp şaralardyŋ ışınen «Bozoq» ǧylymi-mädeni ekspedisiiamyzdy bölıp aitar edık. Ötken jazda belgılı elordalyq ǧalymdar men assambleia müşelerı bırge köne qalanyŋ ornyna baryp, atqaryluǧa tiıstı jaittardyŋ jaiyn anyqtaǧan bolatynbyz. Bügınde osy bır köne mekendı qaita jaŋǧyrtuǧa äzırlık jürıp jatyr, – dedı Ermek Amanşaev.
Qala äkımınıŋ orynbasary kelesı jyldan bastap Dostyq üiınıŋ qūrylysy bastalatynyn aitty. Taǧy bır eleŋ eterlık jait, elımızde tūryp jatqan barlyq etnos ökılderınıŋ qazaq halqyna alǧysyn bıldıretın monument ornatu retıne toqtalyp öttı. Qala äkımdıgı ötken jyly «Qazaq elıne myŋ alǧys!» jobasyna aşyq bäige jariialaǧan bolatyn, al Ermek Amanşaev «elordamyzǧa mūndai eskertkış kerek» dep atap aitty.
– Kelesı jyl atauly datalarǧa toly bolmaq. Būl tek qana mädeni sporttyq şaralar ǧana emes, qaiyrymdylyq salasynda da aituly şaralar qarastyrylǧan. Qazır «ruhani jaŋǧyru» baǧdarlamasy aiasynda 100 käsıpkerdıŋ basyn qūraǧan mesenattar kluby qūrylyp, 80 ırı joba ūsynyldy. Elordanyŋ 20 jyldyǧy merekesı qarsaŋynda da ırı kölemdı şaralar ötkızılmek, būl ısterden de assambleia müşelerı qalys qalmaidy» dep sendırdı äkımınıŋ orynbasary.
– Äkımdık QHA tyǧyz bailanysta jūmys ısteidı. Soŋǧy jyldary 34 mln teŋgenıŋ jobalary qoldau tapty. Mūndai jūmystar aldaǧy jyldary da atqaryla bermek. Degenmen, kelesı jyly jūmystyŋ tiımdı tūstaryna basymdyq berıp, joǧary ekpınıne män beruımız kerek» dep sözın qorytyndylady Amanşaev.
Qazaqstan halqy assambleiasy Töraǧasynyŋ orynbasary – Hatşylyq meŋgeruşısı Darhan Myŋbai Astana qalalyq assambleiasynyŋ jūmysyn oŋ baǧalady. Ol: «elımız üşın erekşe jyl bolyp sanalatyn biylǧy 2017 jyly EKSPO-2017 halyqaralyq mamandandyrylǧan körmesın ötkızu, Assambleianyŋ Beibıtşılık pen kelısım alleiasyn aşu jäne Ūlttyq muzeide beibıtşılık pen kelısımnıŋ qazaqstandyq ülgısın tanystyru jäne basqa da maŋyzdy strategiialyq jobalar men Memleket basşysynyŋ tapsyrmalaryn ıske asyru jūmystarynyŋ bel ortasynda jürdı» dep atap öttı.
Būl zaŋdy da, elorda barşamyzǧa ülgı bolatyn onyŋ özındık orny men rölı de erekşe. Assambleia müşelerıne artylatyn mūndai jauapkerşılık jügı jūmysty būdan ärı jūmyla otyryp, qoǧamǧa jaŋa serpın bermek. Sonymen bırge, Darhan Myŋbai aldaǧy jyly da basymdyq berıletın igı ısterdıŋ legıne toqtaldy. Atap aitqanda, astanalyq assambleianyŋ ūiymdastyruymen ötetın «Etnos künın» jaŋa sapaǧa köterıp, önegelı mazmūnǧa toltyru qajettıgın aitty. Är etnos ökılderı tek ūlttyq dästürı men mädeni mūrasyn ǧana nasihattap qoimai, elımızdıŋ ekonomikalyq-äleumettık damuyna naqty qosqan ülesın de halyqqa jetkızuı şart. Etnikalyq BAQ jūmysyn jaŋǧyrtyp, etnos ökılderınıŋ şynaiy tūlǧasy somdaluy tiıs. Būl ıske respublikamyzdyŋ basqa öŋırlerınde jasap jatqan belgılı ǧalymdar men käsıpkerlerdı tartyp, jastarǧa ülge ete otyryp, körmeler men kino qoiylymdarmen türlendıru jönınde ūsynysyn aitty.
Sonymen bırge sessiiada nauryzdyŋ basynda ötetın dästürlı Alǧys aitu künıne qarai «Qazaq elıne myŋ alǧys» jobasyn auqymdy türde atap ötıp, ony «Qaiyrymdy körşıge rahmet!» atty şara men tūtastyru mänı tüsındırıldı. «Astana – Qazaqstannyŋ barlyq tükpırınen kelgenderdı bauyryna aldy. Būl – jaŋa qonystanǧan jūrttyŋ elı, jasampaz qala! Sol üşın de bızge türlı etnostardy, jergılıktı qauymdastyqty jaqyndastyratyn bastama qajet. Būl barşa Qazaqstan üşın «Ruhani jaŋǧyru» baǧdarlamasy aiasyndaǧy tyŋ dästürge ainaluy kerek» dedı Darhan Myŋbai.
Memleket basşysy özınıŋ «Bolaşaqqa baǧdar: ruhani jaŋǧyru» atty baǧdarlamalyq maqalasynda Prezident qazaqstandyqtardyŋ ruhani tuystyǧynyŋ ırgetasyn qalap berdı. Būl ideia bızdıŋ halqymyzdyŋ odan ärı bırıguıne jäne memleketımızdıŋ tūraqty damuyna negız bolady. Osylaişa sessiiaǧa qatysuşylar da būl ideianyŋ elımızdıŋ tūtastyǧyn bırıktıruşı retındegı maŋyzyn atap ötıp, bırauyzdan qoldau bıldırdı. Ūlt köşbasşysynyŋ atalmyş baǧdarlama negızınde barlyq etnostar jaŋa özgerısterdı sättı oryndau jolynda odan ärı bırıgetın bolady degen ortaq müddege toǧysty. «Sessiia soŋynda qarar qabyldandy. Sessiia barysynda Astana qalasy äkımı atynan elordalyq etnomädeni ortalyqtarynyŋ belsendı müşelerıne alǧys hat tabys etıldı. Sonymen qatar, Astana qalasy assambleiasynyŋ 2018 jylǧy qoǧamdyq töraǧa orynbasarlary bolyp, armian qoǧamdyq bırlestıgınen S. Salumian jäne Qazaqstan kürdterı astanalyq filialynyŋ basşysy Ş.Fatoev sailandy.
Aigül UAISOVA
