Futboldan biylǧy ūlttyq bırınşılık te öte tartysty öttı. Ötken jyldaǧydai Qazaqstan chempiony soŋǧy turda anyqtaldy. Būl ataqqa ekınşı ret qatarynan «Astana» futbol komandasy ie boldy.
Erte köktemde bastalǧan chempionattyŋ bırınşı jäne ekınşı kezeŋınde de «Astana» men «Qairat» qūiryq tıstesıp, soŋǧy turǧa deiın bäseke körıgın qyzdyryp keldı. Sol soŋǧy tur aldynda «Astanada» 43 ūpai, al «Qairatta» 42 ūpai boldy. Sondyqtan jeksenbı künı ötken match ekı komanda üşın de öte-möte maŋyzdy bolǧany sözsız. Ekeuıne de jeŋıluge bolmaityn edı.
Soŋǧy turda «Astana» öz alaŋynda elımızdıŋ bes dürkın chempiony «Aqtöbe» komandasyn qabyldady. Al Almatyda elımızdıŋ ekı dürkın chempiony «Qairat»pen «Ordabasy» kezdestı. Būl küngı oiyndar bır mezgılde bastaldy.
«Astana Arena» stadionynda ötken oiynda «Aqtöbe» alaŋ ielerıne keremet qarsylyq körsettı. Stanimir Stoilov jıgıtterı üstı-üstıne şabuyl jasap baqty. Alaida, qonaqtardyŋ jas qaqpaşysy jankeştılık tanytty. Talai soqqynyŋ betın qaitara bıldı. Söitıp, bırınşı taim aiaqtalyp, tablodaǧy körsetkış özgermei qaldy. Al ekınşı taim sol ürdıspen bastaldy. Ortadan Tanat Nöserbaev pen Rodjer Kanias, sol qaptaldan Bauyrjan Djolchiev, oq qanattan Foksi qaita-qaita qauıp töndırgenımen, qonaqtar qaqpasynyŋ qūlpy aşylmai qoidy. Bas bapker oiynşylardy auystyrudy jön sanady. Şabuyl şebıne Şetkin men Kabananga şyqty. Uaqyt zymyrap ötıp jatty. Osy tūsta stadiondaǧy diktor «Qairat» 2:0 esebımen jeŋıp jatqanyn habarlady. Astana futbolşylary odan saiyn alǧa ūmtyldy.
Oiynnyŋ 85-minutynda qonaqtar oiynşysy Santana men Hijnichenko özara jaǧa jyrtysyp qaldy. Qyzbalyqpen komandalasyna qol jūmsap jıbergen Qazaqstan qūramasynyŋ şabuylşysy alaŋnan quyldy. Al kerısınşe bapkerler nūsqauyn oryndauǧa asa män berıp oinaǧan «Astana» oiynşylary matchtyŋ 88-minutynda qarsylastar qaqpasynan saŋylau tapty. Serıkjan Mujikovtyŋ ädemı pasyn kongolyq legionerımız Junior Kabananga «Aqtöbe» qaqpasyna tulatyp tüsırdı. Osy sätte stadion ışındegı janküierler aiqaiynan qūlaq tūndy. Esep 1:0! Osy esep oiyn soŋyna deiın saqtalyp qaldy.
Sonymen «Astana» futbol komandasy ekınşı ret qatarynan Qazaqstan chempiony ataǧyn jeŋıp aldy.
Al «Qairat» pen «Astana» arasyndaǧy bäseke älı aiaqtalǧan joq. Elımızdıŋ üzdık komandalary 21 qaraşa künı Qazaqstan kubogynyŋ finalynda kezdesedı.
Al elımızdıŋ ekı dürkın chempiony UEFA Chempiondar ligasynyŋ toptyq turnirındegı kezektı oiynyn Astana törınde 25 qaraşa künı «Benfika» komandasymen ötkızedı.
