Elbasy «Astana Hab» IT-startaptar halyqaralyq tehnologiialyq parkınıŋ resmi aşylu räsımıne qatysty. Memleket basşysy ıs-şara bastalar aldynda qazaqstandyq startap-kompaniialardyŋ jobalarymen tanysyp, ǧylymi-zertteu zerthanalaryn aralap kördı, sondai-aq IT-universitettıŋ aldaǧy jūmysy men «Sifrlyq Qazaqstan» memlekettık baǧdarlamasynyŋ ıske asyrylu barysy jönındegı baiandamalardy tyŋdady.
Nūrsūltan Nazarbaev saltanatty aşylu räsımındegı qūttyqtau sözınde «Astana Hab» IT-startaptar halyqaralyq tehnologiialyq parkın resmi türde ıske qosu şarasyna qatysuşylarǧa rizaşylyq bıldırdı.
Qazaqstan Prezidentı elımız ben qoǧamymyzdy odan ärı damytu ısınde sifrlandyru üderısınıŋ mänı zor ekenın atap öttı.
– Zattar internetı, jasandy intellekt, 3D-baspa tehnologiialary jäne blokchein adamzat ömırınıŋ bükıl salasyna belsendı türde enıp keledı. Būl – qazırgı zamannyŋ negızgı ürdısı. Sifrlandyru memleketterdıŋ damuy men bäsekege qabılettılıgınıŋ maŋyzdy faktorlarynyŋ bırıne ainaldy. Bügınde älemnıŋ jetekşı elderı, sondai-aq olardyŋ G-20 jäne Europa Odaǧy siiaqty bırlestıkterı özderınıŋ sifrlandyru jönındegı strategiialyq qūjattaryn qabyldady, – dedı Memleket basşysy.
Nūrsūltan Nazarbaev elımızdegı sifrlandyru baǧdarlamasynyŋ jüzege asyrylu üderısı men osy baǧytta qol jetkızılgen nätijelerge arnaiy toqtaldy.
– Qazaqstan – TMD-da memlekettık qyzmet körsetu ısın elektrondy formatqa köşırudı bırınşı bolyp bastaǧan elderdıŋ bırı. Byltyr Qazaqstannyŋ üşınşı jaŋǧyruyna qadam bastyq. Naqty jetıstıkterımız de bar, – dedı Elbasy.
Qazaqstan Prezidentı «Astana Hab» IT-startaptar halyqaralyq tehnologiialyq parkı qazırgı innovasiialyq ekojüienıŋ özegıne ainaluǧa tiıs ekenın aitty.
– Tehnoparktıŋ jūmysyna qatysuşylar jeŋıldetılgen viza jäne eŋbek rejımderın paidalana alady, sondai-aq olarǧa salyq jäne basqa da jeŋıldıkter berıledı. Tehnopark bazasynda tälımgerlık instituty qūryldy. Onyŋ aiasynda sarapşylar startap-komandalarǧa qamqorlyq jasaityn bolady, – dedı Memleket basşysy.
Sonymen qatar, Nūrsūltan Nazarbaev IT-tehnologiialardy damytuǧa tartylǧan daryndy jastardy qoldau qajettıgıne basa nazar audardy.
Sondai-aq, Elbasy Qazaqstanda Biznestı jebeuşıler klubyn (QazAngels), Venchurlık kapitalister qauymdastyǧyn jäne Bırlese investisiialau qoryn qūru mäselesı jönınde aitty.
Soŋynda Nūrsūltan Nazarbaev barşa jūrtty innovasiialar men sifrlyq tehnologiialardy damytu ısıne belsene atsalysuǧa şaqyryp, būl salany ılgerıletu üşın zor mümkındıkter bar ekenın atap öttı.
