Elordada ekınşı ret ūiymdastyrylǧan marafon jarysyna älemnıŋ 20-dan asa elınen 6000-ǧa juyq jelaiaq qatysty.
Jarysqa qatysuşylar jügırudı EXPO halyqaralyq körmesınen bastady. Odan ärı olar Botanikalyq saiabaq, Ūlttyq muzei, Täuelsızdık saraiy maŋaiymen jäne basqa da elordanyŋ körıktı köşelerımen jügırıp öttı.
Marafonnyŋ aşylu saltanatyna Astana qalasy äkımınıŋ orynbasary Erlan Bekmūrzaev qatysyp, elordada osyndai būqaralyq sport şaralary jiı ötetının, özı de būl joly jelaiaqtar qataryna qosylǧanyn aitty. Sportty janyna serık etken adamdarǧa sättılık tılep, jarysqa qatysuşylar sany köbeigenıne quanyşty ekenın bıldırdı.
Biylǧy marafonnyŋ bır erekşelıgı, künnıŋ ystyq boluyna bailanysty jarys belgılengen uaqyttan 1 saǧat erte bastaldy. Būl jönınde qatysuşylardyŋ bärıne aldyn ala habarlandy. Söitıp, jartylai marafon taŋǧy saǧat 7:00-de bastaldy. Bırınşı bolyp 10 şaqyrym qaşyqtyqqa tırkelgender saiysty bastasa, 7:25-te jartylai marafonşylar jarys jolyna şyqty.
10 şaqyrym qaşyqtyqta erler bäsekesınıŋ jüldegerlerı:
1-oryn. Ruslan Oglov (Qazaqstan) – 32 minut 27 sekund
2-oryn. Huan Sebastian Garsiia (Kolumbiia) – 33 minut 23 sekund
3-oryn. Almas Rahymbaev – 34 minut 9 sekund
21 şaqyrym qaşyqtyqta erler bäsekesınıŋ jüldegerlerı:
1-oryn. Mihail Kulkov (Resei) – 1 saǧat 7 minut
2-oryn. İlia Tapkin (Qyrǧyzstan) – 1 saǧat 7 minut 47 sekund
3-oryn. Nadilbek Utaliev (Özbekstan) – 1 saǧat 8 minut 35 sekund
21 şaqyrym qaşyqtyqta äielder bäsekesınıŋ jüldegerlerı:
1-oryn. Mariia Korobiskaia (Qyrǧyzstan) – 1 saǧat 15 minut
2-oryn. Svetlana Kudilich (Belarus) – 1 saǧat 17 minut
3-oryn. Ekaterina Vasilichenko (Ukraina) – 1 saǧat 22 minut
Elordada ekınşı ret ötken jartylai marafondy Astana qalasy äkımdıgınıŋ qoldauymen «Bırınşı boluǧa batyldyq» korporativtık qory ūiymdastyrdy.
Būqaralyq ıs-şaranyŋ ötu barysynda jelaiaqtar men janküierler üşın konserttık baǧdarlama ūsynylyp, türlı konkurs ötkızıldı.
