Ötken jyly Astanaǧa 1 trl teŋgeden astam investisiia qūiyldy. Būl – elorda tarihyndaǧy rekordty körsetkış. Osyny atap ötken qala basşysy biyl da investisiialar artyp jatqanyn, sonyŋ ışınde önerkäsıp, densaulyq saqtau, sauda, qyzmet körsetu salalarynda ösu baiqalyp otyrǧanyn jetkızdı.
– Astana şeteldık kapital üşın tartymdy bola tüstı. İnvestisiianyŋ jalpy kölemınıŋ şiregı – şeteldık investorlar ülesınde. Qazır 3 trillion teŋgenı qūraityn 193 jobamen jūmys ıstep jatyrmyz. Sonyŋ 44-ıne şeteldık investorlar men transūlttyq kompaniialar qatysyp jatyr, – dedı B.Sūltanov.
KOMMUNALDYQ TARİFTER TÖMENDEDI
Memleket basşysy Nūrsūltan Nazarbaev «Qazaqstandyqtardyŋ äl-auqatynyŋ ösuı: tabys pen tūrmys sapasyn arttyru» atty halyqqa Joldauynda kommunaldyq qyzmetter tarifın tömendetuge tapsyrma bergenın atap ötken Baqyt Sūltanov aqpan aiynyŋ tübırtegı kelgende tūrǧyndar mūny aŋǧara alatynyn jetkızdı. Atap aitqanda, sumen qamtamasyz etu 10 paiyzǧa, jylumen qamtamasyz etu (esepteu qūralymen) 9 paiyzǧa, elektr energiiasy 9 paiyzǧa tömendegenı baiqalady.
– Astana älemdegı eŋ suyq astanalardyŋ qataryna jatatyndyqtan, būl körsetkış boiynşa Ūlan Bator men Ottavanyŋ ortasynda tūryp, ekınşı oryn alatyndyqtan jylumen qamtamasyz etuge eŋ köp köŋıl bölemız. Qala jylu quattarymen jetkılıktı deŋgeide qamtamasyz etıldı, – degen B.Sūltanov jaŋa tūtynuşylardy ortalyq jylu-elektrenergiiasy jüiesıne qosu maqsatynda atqarylatyn jūmystarǧa toqtaldy.
İNJENERLIK JELILER JAŊǦYRTYLADY
Qazır 1-JEO-ny qaita qūru jūmystaryn jyldyŋ soŋyna deiın aiaqtau, sol merzımge deiın 2-JEO-ǧa qosymşa quattardy qosu josparlanyp jatyr. Būǧan qosa, «Nūrly jol» baǧdarlamasynyŋ aiasynda sumen qamtamasyz etu jäne su būru jelılerınıŋ 24 şaqyrymyn jaŋǧyrtuǧa 3,4 mlrd teŋge bölındı. Osy jyly jelılerdıŋ 22 şaqyrymyn jaŋǧyrtu josparlandy.
«AQYLDY» QALANYŊ QADAMDARY
Astanada «Aqyldy» qala jobasynyŋ zamanaui sifrly tehnologiialary engızılıp jatyr. Qazırgı kezde sonyŋ ırı mälımetterdı jinau men taldau jüiesı, «Sergek» beinebaqylau jüiesı, Smart-Bılım, Smart-Medisina, elektrondy PİK, kommunaldy-tūrǧyn üi salasyn sifrlandyru sekıldı jobalary jüzege asyrylyp jatyr. Osyǧan toqtalǧan B.Sūltanov biyl «Aqyldy jaryqtandyru» jobasy bastalyp, 31 myŋ şam auystyrylatynyn jetkızdı. Būl jūmys «Zattar internetı» tehnologiiasyn qoldanu arqyly jüredı.
– Atalǧan tehnologiia qondyrǧylardyŋ qosyluyn, mälımetterdıŋ jinaluy men saraptamalyq aqparattyŋ alynuyn qamtamasyz etıp, şyǧyndardy qysqartady, jūmys nätijelıgın arttyrady, – dedı Astana äkımı.
Qolaily innovasiialyq orta ısın jaŋa bastap jatqan käsıpkerlerge jaŋa keŋıstıkterdı aşatynyn aitqan qala basşysy būl baǧyttaǧy josparlarmen bölıstı. Biylǧy säuır aiynda qalada käsıpkerler men innovatorlardyŋ basyn bırıktıretın innovasiialyq alaŋ aşylmaq. Būǧan qosa, osy jyly «EKSPO» qalaşyǧyndaǧy pavilondardyŋ bırınde üzdık şeşımderge arnalǧan «IDEA Park» aşu josparlanuda. Onda «Aqyldy» qala salasyndaǧy ozyq tehnologiialar qoldanylady.
