Astana qalasynyŋ kommunikasiialar ortalyǧynda Olimpiadalyq at sporty türlerı boiynşa memlekettık jattyqtyruşy Amanjol Hasenov brifingke qatysty. Al «Arǧymaq» at-sporttyq sauyqtyru keşenı basşysy Arman Müsıpov köpsalaly keşennıŋ jūmysy turaly baiandady.
Brifingte Astana qalasynda at sporty türlerı boiynşa ötetın jarystardyŋ maŋyzyn bıldık.
– 26 aqpanda elordadaǧy «Arǧymaq» at-sauyqtyru sport keşenınıŋ kubogy ötedı. Būl jarystyŋ jülde qory – 12000000 teŋge. Jarys «Balalar sanaty» boiynşa biıktıgı 110 sm-ge deiın kedergıden sekıru, 4 jastaǧy jas attar 100 santimetrge deiıngı kedergıden sekıru, 5 jastaǧy 120 santimetrge deiıngı kedergıden sekıru, 6 jastaǧy 125 santimetrge deiıngı kedergıden sekıru jäne «Kategoriia aşyq klass» boiynşa biıktıgı 130 santimetrge sekıru baǧdarlamasy boiynşa ötedı, – dedı A.Hasenov.
Halyqaralyq äielder merekesı qarsaŋynda äielder arasynda da jarys ötedı eken. Oǧan 30-ǧa juyq şabandoz qatysady. Jarystyŋ jalpy jülde qory 6 million teŋgenı qūraitynyn bıldık.
Nauryz merekesınde Qaraǧandy, Pavlodar, Petropavl, Qostanai, Aqmola oblysy men Astana qalasynyŋ komandasy «Qazanat» ippodromynda bas qosyp, kökpar tartady. Būl şaranyŋ jülde qory – 19,5 million teŋge (1-oryn – 10 million teŋge, 2-oryn – 6 million teŋge, 3-oryn – 3,5 million teŋge).
Astana künınde alaman bäige ūiymdastyru josparlanyp otyr eken.
– At sporty jarysynyŋ özındık erekşelıgı men maqsaty bar. Mäselen, jarysqa keletın jylqylardyŋ densaulyǧyna qoiylatyn veterinarlyq talaptar qoldanystaǧy veterinarlyq zaŋnama men erejelerge säikes keledı. Barlyq jylqylar Qazaqstan at sporty federasiiasynda tırkeluı, ūlttyq jylqy pasporty boluy kerek, – dedı memlekettık jattyqtyruşy.
Spikerdıŋ sözınşe, nauryz aiynda tūlpar tūiaǧymen Ūly dala dübırı jaŋǧyryp, ūlttyq ruhty köteredı.
«Arǧymaq» at-sporttyq sauyqtyru keşenı 3 bloktan tūrady. Bırınşısı – emdık atqa mınu (ippoterapiia). Ekınşısı – balalar men eresekterdı atqa mınuge üiretu, türlı deŋgeidegı sport ıs-şaralaryn ūiymdastyrudy qamtidy. Üşınşısı – sporttyq-būqaralyq jäne oiyn-sauyq ıs-şaralaryn ötkızu.
– At-sporttyq sauyqtyru keşenınıŋ jabyq manej alaŋy bar. Onyŋ biıktıgı – 12 metr, aumaǧy – 40h80 metr. Onda 50 bas jylqyǧa arnalǧan arnaiy oryn bar. Keşende multimedialyq qūrylǧylary bar 150 adamdyq konferens-zal, äkımşılık bölmeler ornalasqan, – dedı Arman Müsıpov.
Aşyq konkur alaŋynda 70h100 metr bolatyn 1232 adamǧa arnalǧan tribuna töreşıler orny jäne taǧy basqasy qamtylǧan. Odan bölek, 50 atqa eseptelgen 2 at qora bar.
«Arǧymaqta» attardy üiretu, onyŋ ışınde asau atqa bas bıldıru, attardy arnaiy daiyndau jäne kütu, veterinarlyq baqylau, taǧy basqa jūmystar jürgızıledı.
Qysqasy, «Arǧymaq» keşenı – qala tūrǧyndary men qonaqtaryna oiyn-sauyq qyzmetın ūsynatyn jäne bos uaqytyn belsendı ötkızuge taptyrmaityn oryn.
